عن الاكسنت al-rb نتحدث مطلوب أراء الخبراء !

**minicooper20** · 16-06-2012 04:23 PM

المشاركة الأصلية كتبت بواسطة zalabia

سوست طريه ايه اللي الناس بيتكلمو عنها؟؟؟؟؟؟ انت مشكلتك مع التنطيط في الار بي هي ان عفشة النيو اكسنت العادي وال أر بي هي عفشة سبور ناشفة تخليك تحس بمطبات الهوا لكن تستحمل القيادة العنيفة والطرق والشوارع المكسرة بلا كلل او هلكان لكن مشكلتها زي ما انت بتشتكي كدة مش مريحة ومزعجة لبعض الناس !
الكاوتش مالوش دور ملحوظ في مشكلتك بس لو عاوز تعمل اللي عليك املاه نيتروجين

قول و نعمه

**mazher_m** · 16-06-2012 04:25 PM

المشاركة الأصلية كتبت بواسطة formulator

للأسف ده مشكلة العفشة الـtorsion-beam بالتصميم المفتكس بتاع الهيونداى + السوست الطرية..؟!! :n_no[1]:
وكان موجود برضه فـ النيو-أكسنت، وفـ السيراتو بس بـsetup مختلف شوية..!!

- الجنوط والكاوتش العريض (ويكون low-profile) + سوست سبورت (وتوطيها lowering) هيحلوا جزء كبير من المشكلة.
أعرف كذا واحد عملوا كده فـ نيو-أكسنت وrb.. الثبات إتحسن بس العفشة نشفت سيكا..؟؟!!!

بالتوفيق isa،

اعتقد ان ده رد علمي وعملي

**me_medoo** · 16-06-2012 04:45 PM

هو بس معليش يافندم ... حضرتك بتتكلم عن عدم الثبات ولا بتتكلم عن صوت حفيف كده تحس بملمس الاسفلت وانتا ماشي .
أذا المشكلة دي فانا كنت بعاني منها لكن أكتشفت أنهم ملين هوى في الكوتش على 35 ... فقللتوا وخليتو 29 ولقيت العربية نعمة معايا شوية ... والصوت شبه أختفى ... جرب كده وقولي أيه النتيجة .

@@@@@@ وتحياتي ًًًًًًًًًًًًًًًًًًًًًً

**MohammedAladel** · 16-06-2012 05:39 PM

يعنى إيه تربيط عفشة ؟

**surfer3098** · 17-06-2012 12:13 AM

شكرا عالردود يا شباب ولضيق الوقت هرد فيبوست واحد علشان عندي امتحانات أعذروني المشكلة بالتحديد في التنطيط في مطبات الهوا وأنا آسف جدا بس العفشة مش ناشفة خالص (أنا كنت مركب كوني قبل كده فيعربية لانسر ) السوست طرية جدا وببساطة أقعد على ظَهر عربيتك وعلى ظَهر عربية بعفشه سبور وإنت تفهم قصدي كويس

العربية مابتعومش مني على السرعة دي بس برده البور الكهربة مع التنطيط ورا مابيطمنش الواحد إنه يناور بيها بعد el-110 نهائي يعني من el-110 لحد el-140 وده اخري معاها في خطوط مستقيمة صرف

العربية فيها الجنط السبور الأصلي بتاعها وكاوتش kumho مقاس 175 70 r14 ومقياس السرعة بتاعو T وموضوع الصوت ده أنا أصلا مبحسش بيه لأني عادةً قافل الإزاز ومشغل الكاسيت هجرب موضوع النيتروجين ده يوم الاتنين وأرد عليكم أنا مايل لحل السوست أو coilover محترم لما ربنا يكرم بكاشات بقى XD ياريت لو حد ليه خبرة في الكلام ده يقولي

**surfer3098** · 17-06-2012 12:16 AM

آه في مشكلة تانية برده كنت ماشي الانهارده راجع من أكتوبر ونازل من صفط اللبن عالجامعة وطبعا أنتم عارفين الحتة دي ضيقه وكلها منحنيات أنا كنت ماشي على 60 وحاسس إن العربية بتقوم الملف كده وكأني سريع زيادة عن اللزوم هو لعجل مابيصرخش ولا حاجة بس بأبقى حاسس إحساس عجيب في الدركسيون لسة مش عارف اوصفه بالضبط حد فاهم حاجة ؟ xd

**monamize4** · 17-06-2012 12:23 AM

المشاركة الأصلية كتبت بواسطة john55

بصراحه انا اخري فيها 100 كيلو بس هيا بصراحه عربيه جميله جدا

ياباشا العربية ممتازة جوة المدينة بس العربيات السيدان الصغير اساسا معظمها عربيات مدينة مش عربيات سفر و احنا اللى مصرين نسافر بيها كدة و خلاص و نفضل نغير فيها مش عارف اية و مش عارف اية ,,,,,النتيجة اننا لابنحصل النعومة و اقتصادية البنزين و لا بنحصل الثبات رغم ان السعر دا يجيب بيرسونا و دى عربية ممتازة ع الطريق السريع

**atyam** · 17-06-2012 05:10 AM

الار بى بجنط 16 وانسى كل ده ومشكلتها بس هتحتاج تبص على تربيط العفشة كل شهر ولا اتنين حسب استهلاكك ولو ركبت سوست اسبور وانسى ده كمان

**surfer3098** · 17-06-2012 12:05 PM

ده عن تجربة يا باشا ؟ لو كده يبقى توكلنا على الله :) :) وشكرا مقدما :)

الموضوع: عن الاكسنت al-rb نتحدث مطلوب أراء الخبراء !

LinkBack

أدوات الموضوع

عرض

-

-

-

المواضيع المتشابهه

مطلوب أراء

محتاج أراء الخبراء فى تويوتا أفانزا ... و شكرا

مطلوب أراء الجولفاويه

الى الخبراء فى الاكسنت

الكلمات الدلالية لهذا الموضوع

المفضلات

المفضلات

ضوابط المشاركة