هل تكييف الكورولا بيأثر على سحبها ؟؟

**Anti_virus_abdo** · 21-06-2008 06:41 AM

المشاركة الأصلية كتبت بواسطة fahd_628

يا جماعة ازاى مش بيأثر !

انا جربت الجيتز 1600 سى سى مانيوال و عربية صغيرة و التكييف بيأثر عليها

و ال I30 1600 سى سى اوتوماتيك و موتور 122 حصان و برضة بيأثر عليها و بفرق ملحوظ انا بلاحظة جدا و مش بشد ولا اى حاجة بس حتى اطفية كدة و افضل ثابت على سرعة و قوم مشغلة حتلاقى العربية قامت مفرملة !

مش عارف بقى هل الكلام دة يختلف مع الكورولا ولا لأ

الحركه ديه غلط اوي يا فهد و متعملهاش تاني
متطفيش التكيف و لا تولعه غير و العربيه واقفه
و بالنسبه للقلته انا جربت الالنترا 2006 و كان فعلا بيأثر التكييف (1600 سي سي ده الموتور القديم طبعا) بس لو ركزت فيه عندنا في الكورولا (1600) مش بيأثر خالص او حاجه بسيطه جدا جدا تكاد لا تذكر و انا عارف ان حركة تشغيل التكيف و طفيه و العربيه ماشيه غلط و انا جربته بس ما العربيه ما فرملتش خالص معرفش بقي ليه كده !
انا سالتلك واحد صاحبي معاه النترا 2007 (نفس موتور عربيتك انت عارف طبعا :)) قلي مش بيأثر خااالص اعتقد هي بتيجي من احساس الراكب بقي و هل حاطط في دماغه انه مشغل التكييف و هيأثر ولا لأ و يمكن انا دوست بنزين زياده لما شغلت التكييف في الكورولا
و الله اعلم :)

**mohamedway** · 26-06-2008 11:09 AM

موضوع ان التكييف لا يؤثر على سحب العربيه ده كلام غير علمى و غلط ، اى عربيه مهما كانت لازم التكييف يأثر طبعا واللى ما بيحسش انه اثر يبقه المشكله فيه هو لان فى ناس احساسها بالعربيه مش عالى ده حتى فيه ناس ممكن تمشى بالعربيه والتيل خالصان و مش واخد باله او حتى الكاوتش نايم و مش واخد باله.......؟؟؟؟؟!!!!!!

**fahd_628** · 26-06-2008 01:15 PM

الحركه ديه غلط اوي يا فهد و متعملهاش تاني
متطفيش التكيف و لا تولعه غير و العربيه واقفه
و بالنسبه للقلته انا جربت الالنترا 2006 و كان فعلا بيأثر التكييف (1600 سي سي ده الموتور القديم طبعا) بس لو ركزت فيه عندنا في الكورولا (1600) مش بيأثر خالص او حاجه بسيطه جدا جدا تكاد لا تذكر و انا عارف ان حركة تشغيل التكيف و طفيه و العربيه ماشيه غلط و انا جربته بس ما العربيه ما فرملتش خالص معرفش بقي ليه كده !
انا سالتلك واحد صاحبي معاه النترا 2007 (نفس موتور عربيتك انت عارف طبعا :)) قلي مش بيأثر خااالص اعتقد هي بتيجي من احساس الراكب بقي و هل حاطط في دماغه انه مشغل التكييف و هيأثر ولا لأ و يمكن انا دوست بنزين زياده لما شغلت التكييف في الكورولا
و الله اعلم :)

لأ يا باشا بجد بيأثر

انا لما بكون سايق لازم ادوس بنزين اكتر من و انا مش مشغل و بفرق ملحوظ و بلاقى العربية مش بتمشى زى و انا طافية ! و بعدين لما اطفية شوية و اجى امشى الاقى نفسى العربية بتجرى منى لأنى بدوس نفس الدوسة و انا مشغل التكييف و لازم اقلل الدوسة و كمان بتلاقى طلعة العربية بقت اقوى بكتيير عن و انت مشغلة !

انا مقتنع انة لازم علشان متحسش بالفرق بتاع التكييف دة مش اقل من عربية 2000 2400 سى سى موتورها عفى !

و صحيح لية غلط انى اطفى و اولع التكييف و انا ماشى ؟

**أبو عبدالله** · 26-06-2008 06:35 PM

ايه يا جماعه براحه شويه
كلام علملي ايه بس
ما انتم لو بتتكلموا كلام عملي كمان هتعرفوا ان رد الواحد انه مش بيأثر معناه انه مش بتحس بالتأثير لدرجه انك تبقى حاسس بضعف السحب
وهو ده مغذى السؤال اللي اتسال من الاول

وطبيعي طول ما في كمبروسر تكييف وماتور عربيه وده بياخد من ده
يبقى اكيد هيبقى في تأثير ولكن القصد من السؤال ان التأثير بيسحب من عزم العربيه جامد يعني بيأثر على الاداء ولا لأ
مش القصد انه مفيش تأثير بنسبة 0 % يعني

السؤال كان :

هل تكيف الكورولا 2007 ال1300 سى سى بياثر عليها لما بيشتغل ولا عادى السحب عادى
سواء كانت مانيول ولا اوتوماتيك
وهل تجميع الاتوماتيك فيها حلو ولا زى اللانسر ال 1300 الاتوماتيك بطىء
انا بتكلم عن الكورولا ال1300

**hofo** · 30-06-2008 12:39 AM

الاوكتافيا ال A5 كانت من غير ما اشغل التكييف بتمشى بمجرد ما اشيل رجلى من على الدبرياج لكن بالتكييف لازم ادوس شوية بنزين عشان العربية تبدأ تتحرك ونفس الكلام فى الفيرنا والافيو والياريس اشمعنا بئه الكورولا