اقتباس:
المشاركة الأصلية كتبت بواسطة islamlight
والله يا معلم انا نفسى الرئيس يكون مش مصرى اصلا.
البلد دى مينفعش يكون منها رئيس مجلس ادارة شركة ناجح ابدا.
يعنى عندك 80 مليون بنى ادم هاتلى واحد فيهم ينفع يشتغل رئيس بلد محترمة فى اوروبا مثلا.
بتفكر فى ايه صدقنى مافيش .
+11111
معاك حق ... ده على مستوى شركة لمن يكون مدير الشركة أجنبي ... بتلاقي الشغل ماشي بأنتظام وزي الألف ولمن يكون المدير مصري شوف الهرتلة الي بتبقى موجودة
اقتباس:
المشاركة الأصلية كتبت بواسطة human
تسلم يا غالى
اكيد كان عندكم جامع او زاوية . بعد المغرب تلاقى الواد ده ركن شويه تحت شجره و ماسك الملقاط عمال يشيل الشوك من ايده و ملى ميه من الجامع
أأأأأأأأأأأأأه واللهِ يا عزيزي كـــــــــــان بيوقفوا زمان بس تحت الشجرة ... في حته ضلة أما الأن فلم يعد لهم أثـــــــر بتاتاً
أنا خايف لايكونوا بياعين التين الشوكي قالوا ده مبيوكلش عيش خلينا أبيع تيرمس أحسنلي ... أنتو عارفين طبق التيرمس الصغير وصل ل 2 جنية .
طيب ياترى الغلابة هيأزئزووو أيه بس .
اقتباس:
المشاركة الأصلية كتبت بواسطة islamlight
مردتش عليا يا ميدو؟
ولا العرض مش مغرى بكسر الميم هههههههههه
حبيب قلبى والله
والله انا عن نفسي بقه عندي مشاكل مع الجاهز
عوزين يدفعوني غرامة أحتلال المنطقة الخضراء الي بجوار البيت طيب انا زنبي أيه كانت صحره وخرابة وكلها ردش جيت انا روقتها وزرعتها واهتميت بيهاوزرعت ورد وزهور والشجر كبر بسم الله مشاء الله وبقة خمسة متر ... يبقى أحتليتها ليه بدل ما يبعتولي جواب شكر وتقدير من المحفظة بعتولي جواب بعلم الوصول واستدعاء ... خلوني جيبت الواد قطع الزرع كلووو وولعت فيه وقلت ينعل أبوهاااااااااااا بلد أتفوووووووو على ده جهاز .وانا استاهل ضرب الجززززززززم أني عاوز المكان الي حوليا نضيف ومتخضر ... وحرقاني قوي قوي كلمة أحتلال دي كان نفسي أطلع أبهدل رئيس الجهاز ... وقلوا ايه شايفيني أسرائيلي ... جيت أحلتليت أرضكم وأرض الي خلفوكم ... ده احنا عايشين في صحرااااا طيب بيعوها لي وانا مستعد ادفع تمنها بدل ما تدفعوني غرامة وتقلولي مسموح لك زرع 70 سم أرتفاع سبعين سانتي دي لسه فسلة زرع شجرة فيكس هقصها أخليها 70 سم أزاي بس يا ناس هههههههههه
حاجة تجنن ... ويقلك أحتلال طيب ما تروحوا تشوفوا بتوع الفيوم الي محتلين الشوارع بعربيات النص نقل بتاعتهم وقفلين ميدان الحصري بدل ما تيجو تتشطرو علينا ... ماتروحوا الحي السادس وتشوفوا البيعين وهما فارشين حتى على الرصيف الي في النص والارصفة الي على الجناب ولا ده مش أحتلال ... شوفوا الكافيهات والقهاوي الي فرشة في نص الشارع وشاشة ال سي دي وأفلام أبياحية محطوطة عيني عينك وشاشة جمبها على مطش وشاشة تالتة عليها مصارعة في نص الشارع وجين يقولولي أحتلال .هو الي يزرع ويخضر خراااااااابة يبقى محتل عليا النعمة لو فرشة عربية كبدة وشيشة ومسخرة وخدت كهربا كمان من عمود النور الي في الشارع ماحد هيجي يكلمني بس اني انظف وازرع ورد وشجر وزهور يقلك أحتلال منطقة خضراء وهو فين الخضار ده مابقلنا عشرين سنة حجار وجبال ورملة وردش وزبالة مرمية جمبنا محدش فكر يجي يشيلها ... المهم نرجع لموضوع التين الشوكي . أنتا رحت فين يا تين ياشوكي ...
@@@@@@@
اقتباس:
المشاركة الأصلية كتبت بواسطة islamlight
لازم يعنى الفشخرة وسلطة والجو ده ما تقضيها اورديحى من غير سلاطة
ههههههههههههه على رأيك سلطة أيه بس ... دي حتى بقة موضه قديمة ... ههههههه
اقتباس:
المشاركة الأصلية كتبت بواسطة mohammedabdallh
هى ايه السلطه دى يا ميدو يا اخويا
؟؟؟؟؟؟؟؟؟؟؟؟؟؟؟؟؟
وانتوا عندكوا بتطبخوا كدا كل يوم
انا فاكر زمان يوم ما نطبخ بتبقى هيصه ولمه
لاما حد جه من السفر
او من الاخر مناسبه نقعد بقى على حسها ايام وشهور
اما دلوقتى كل حاجه موجوده وملهاش طعم مع الفرق فى الاسعار
ههههههههههههههههههه
حبيبي يا محمد ههههههه والله ياباشا ربنا يســــتر بنطبخ من غلبنا ... حاكم العيال لو مطبختلهمش يقولك نطلب من مؤمن ولا كنتاكي ولا بيتزا هت ويتخرب بيت أبويا انا ... ده أيه ده يا جدع على المطاعم بتاعت اليومين دول ... تخش المطعم من دول تقلوا مثلاً عاوز بيج ماك ... يقولك كومبو ولا سندويتش تقلو كومبو ... يقلك لارج ولا ميديم ... أنتا طبعاً تتخدع وتفتكر لارج يعني الهمبورجر لارج ... أتاري الافندي بيتكلم على البطاطس والبيبسي ... فأنتا يا عيني تقلوا لارج ... يقلك أتيشززز ولا ويذ أوت تشيزز يعني بالجبنه تقلوا يالله بأتشيز ..يقولك طيب والبطاطس عاوزها كريزبي .. ولا بطاطس عادية تبقى ساعتها عاوز تقول في سرك اللهم طولك يارووووووووح على هذا اللوح هو انا كل ما اقولوا حاجة يرجع يسئلني متخلص بقة ياكبتن كان زمانك عملتهم ههههههههههههههه حاجة تفقع المرارة بجد
المهم تقولوا عادية يقولك 32.5 جنيه حضرتك
أيييييييييييييه أتنين وتلاتين جنيه همبورجر وشوية بطاطس ليه انشاء الله .... دبحينلي جموسة مخصوص علشاني الله يرحمك ياعم ونبي ... كنت بسبعة جنية تفول وتملى التنك .
وتاخود فروت صلات كمان معاها . أيييييييييييه زمن والله زمن
والي يغيظك ان الوجبة قدامك متعلق صورتها قااااااااااااااد كده هو ... ويجيلك حتت سندويتش صغنطط قاد كدهو ..
والي يفقع مرارتك مكتوب قدامك السعر 20.99 جنية
وتيجي تحاسب يدفعك 32 جنيه ونص ...
فلذلك بنطبخ ... ولو عاوزين نحطلهم كاتشب على الملوخية هنحطهالهم وميونيز كمان بس المهم ياكلو من الاكل الشعبي
هههههههههههههه عيال تحرق الدم .
اقتباس:
المشاركة الأصلية كتبت بواسطة pro_samir
أول مره كلته في اعدادي تقريبا .. كنت بتف البذر ، وخدت تريقه للصبح زي ما هاخد دلوقتي
هههههههههههه حبيب قلبي يا سمير
تعرف اني لغايت دلوقتي مبعرفش أقشــــــر اللب السوبر وباكلو بقشروا وبرضوا مبسلمش من التريقة ههههههههه
اقتباس:
المشاركة الأصلية كتبت بواسطة maserati
السلام عليكم و رحمة الله و بركاته
أنا بحب التين الشوكى جدا جدا, بس للأسف البذر الكتير اللى فيه, بيعمل امساك لو أكلت منه كتير.
ياسيدي أمساك أمساك بس هو فين ..
أقسم بالله كان زمان الواحد ياكول التين من هنا وأتفرج على الطاقة والقوة من هنا ... أنهردة بقة ظهري يطق طق ... ومفاصلي سايبة ... وركبتي بتوجعني ... ونظري ضعف ... والقرعة بنت اللزينة الي مش راضية توقف كل يوم ويوم توسع لدرجة أني بفكر ألزق شعري بأميـــــــــــر علشان ميوقعش ههههههههههه فينك يا تيييييين فينك
@@@@@@@@
واللهِ واللهِ كنت كل يوم الصبح أفطر وأتعشى بيه
ولو كان في مطش كورة شراب ولا حاجة كنت اوقف واتغدى بيه كمان ... واكتر تيناية أحبها الخضـــــرة أو الحمرة الفرولة
بتبقى ماسكة نفسها كده اللهم صلي على النبي وتزلط على طول هههههههههههههههه