الموضوع: أجيب لوجان أوتوماتيك و لا نيسان صنى أتوماتيك

المشاركة الأصلية كتبت بواسطة lanos2004

اقسم بالله لو اشتريت لوجان هزعل منك
نيسان لا تقارن بلوجان
كفايه الحوادث الى بشوفها للوجان العجل بالمقص بيطلع من العربيه

يا ساتر يا رب دى اكيد حادثة جامدة جدا

المشاركة الأصلية كتبت بواسطة lanos2004

والله اربع مرات اشوف لوجان من غير عجل ماسك فى العربيه ومرة فيهم العجلتين الى قدام طلعوا بالمقصات بتاعهم
لولا انى مش بحب اصور الحاجات دى كنت صورتها

واضح ان حضرتك بتقابل لوجان كتير عاملة حوادث بس اسمحلى اختلف مع حضرتك فى نقطة
ان مش شرط ان اشوف كذا حادثة لنوع عربية معين ان دة يكون قاعدة فيها
يعنى مش اى حادثة حتسبب نفس التلفيات ... وكلنا بنشوف عجل طالع من مكانه ومقصات مكسورة على الطريق
لعربيات اغلى من اللوجان وبانواع مختلفة ... اى عربية ممكن فى حادثة معينة العجل يفرط والمقص يتكسر وبتحصل فى عربيات كتير وكلنا بنشوف
دى بتكون على حسب الحادثة وليست قوة العربية لاننا مانعرفش ملابسات الحادث
ما هو العجل فرط ليه اكيد دخل فى الخرسانة او جزيرة الطريق .. بتحصل فى احسن العائلات

المشاركة الأصلية كتبت بواسطة ahmed1006

عندك حق
وانا مع راي الاستاذ عمرو
لو يشتري مستعمل نظيف يتعلم عليها مدة قبل شراء زيرو يكون افضل
وجهة نظر سليمة ..

بالظبط يا استاذ احمد
لكن للتوضيح نصيحتى لصاحب الموضوع انه يشترى عربية مستعملة يتعلم فيها كويس لان زى ما احنا عارفين
الشوارع ماشى فيها همج كتير ولازم العربية الزيرو قائدها يكون بيسوق كويس علشان يحافظ عليها من الهمج
لكن نصيحتى دى ليست انقاص من اللوجان فى شيئ ولا تفضيل اللانوس عليها الحقيقة لكن كل ما
فى الامر ان اللانوس قطع غيارها ارخص من اللوجان وبالتالى حنستفاد ان صاحب الموضوع يوصل لدرجة جيدة من القيادة ثم يشترى زيرو فى حدود امكانياته
امكانياته تتيح له انه يشترى الصنى يبقى يتوكل على الله وساعتها حيتعرف مميزاتها وعيوبها .. امكانياته لا تسمح فى سيارات كتير فى الفئة السعرية وممتازة ومنهم اللوجان طبعا

المشاركة الأصلية كتبت بواسطة lanos2004

عزيزى انا شغلى بيحتم عليا انى ممكن اعمل فى اليوم من 200 كيلو الى 1200 كيلو وممكن اعمل 10000 كيلو فى شهر واروح اغير الزيت
قول كدة عايش على الطرق
اخر حادث شوفته تاكسى فى لو جان التاكسى نسبيا يعتبر سليم
اللوجان تهشم كامل للسيارة من الخلف والعجله اليمين الخلفيه ليس لها علاقه بالسيارة\
اسوا حوادث للوجان قى ليه تلاقى العربيه شبه سليمه والعجل مش موجود فيها
الرينو حاجه واللوجان شىء تانى خالص

استاذى الفاضل انا شخصيا عملت حادثة مع تاكسى لادا انا دخلت بحرف عربيتى اللوجان الغلبانة دى
فى جنبه والتلفيات عندى كانت الاتى
فانوس امامى والاكصدام اتخرم فى مكان الخبطة عارف التاكسى اللادا التلفيات عنده ايه
جنب كام من اول منتصف الرفرف الامامى وحتى اخر الرفرف الخلفى بالبابين ضايعين
عادى يعنى كل حادثة وليها ملابساتها وظروفها والنقطة اللى اتخبطت فيها العربية
....................
وفى ظرف تانى كان واحد صحبى هو اللى سايق واخدها وطلع يجرى بيها فى شارع جمال عبد الناصر عندنا فى اسكندرية
تاكسى رما عليه فجاة فهو رد فعله انه كسر الدركسيون بيفادى التاكسى ركب الجزيرة ونزل ودة مش جزيرة واطيه دى عالية جدا
التلفيات كانت استعدال الجنط وترصيص وظبط زوايا بس كدة وروحنا كشفنا على العفشة زى الفل ولا يوجد اى اثر للحادث ولا مقص اتكسر ولا عجل حصله حاجة
زى ما بقول لحضرتك كل حادثة ليها ظروفها وملابستها واى عربية ممكن يحصلها حادثة يحصل فيها اكتر بكتير من كسر مقص

الانوس سيارة خشنه نوعا ما فيها روح العربيات القديمه

فوق فوق فوق راسى اللانوس واصحابها وعربية اصيلة وكتير جابتنا وودتنا وبنعتز بيها جدا
بس حضرتك لاحظ انك بتكلم 3 سنين مالك للعربية اللوجان يعنى عارف نقط ضعفها كويس جدا

لو الصنى الشكل الجديد اه تستاهل الدين
الشكل القديم لا اتوكل على الله وهات اللوجان