أجيب لوجان أوتوماتيك و لا نيسان صنى أتوماتيك

**said24581** · 20-06-2012 08:04 AM

ألف ألف شكر لكل الأصدقاء
فى هذا المنتدى العظيم
و جزاكم الله خيرا لهذه المشاركات القيمة
أنا بصراحة قررت فعلا
إنى أبعد عن الدين
لأن فيه فعلا إلتزامات منى فى الفترة اللى جاية
و قررت خلاص لوجان إن شاء الله تعالى
بس سؤال تانى الله يكرمكم ما هو الفرق فى الإمكانيات
بين اللوجان المانيوال و الأتوماتيك و هل يكافئ فعلا فرق
8 ألاف جنيه و لا ده فرق مبالغ فيه
و لكم ألف شكر

**tondar90** · 20-06-2012 12:09 PM

بالنسبة للفرق بين المانيول و الاوتوماتيك هو راحة الدماغ

انا كل العربيات الي سوقتها كانت اتوماتيك بس اللوجان بتعتي منيول

ساعات بقول للعربية ارحموا عزيز قوم ذل :) اضحك

انا لو مكانك حشتري الاوتوماتيك ............. و اريح الدماغ

**mody3on** · 21-06-2012 02:49 PM

اوتوماتيك اكيد .. موتور اقوى وراحة بال

**Neo206** · 24-06-2012 11:24 AM

الاتوماتيك يا عم و ريح دماغك
و متساش صلاة الاستخارة

**grgem2007** · 06-07-2012 05:50 AM

كلام عاقل جدااااااااااااااااااااااا ااااااااااااا ومتفق معاك قلبا وقالبا

**mazher_m** · 06-07-2012 05:55 AM

المشاركة الأصلية كتبت بواسطة amr.elsayed

الحقيقة انا ليا وجه نظر بعيدة شوية لكن حقولها وحضرتك سيد قرارك
انا لا انصح اى حد يكون حديث التعلم بالقيادة انه يشترى عربية زيرو العربية الزيرو اى كانت بيبقى الخربوش بحساب وبيضايق جدا
......
مش عايز اكون محبط لكن عايز اقول لحضرتك ان القيادة فى مصر محتاجة ممارسة على الاقل لمدة سنتين علشان تركب زيرو وتكون مطمئن ان سرعة رد الفعل عند حضرتك وصلت لمرحلة عالية لان فى بلدنا اهم من انك بتعرف تسوق انك تعرف تتلافى اخطاء الغير وما اكثرها الحقيقة
...........
انا اقترح على حضرتك عربية مستعملة تكون نضيفة وفى نفس الوقت سعر اعادة بيعها كويس وقطع غيارها رخيصة بحيث تمشى بيها لمدة سنة وتعرضها للبيع وهى معاك لحد ما تجيب سعر كويس وممكن قوى تجيبلك نفس السعر اللى اشترتها بيها
وانا ارشح لحضرتك عربية زى اللانوس حتى موديل 2007 بيكون كورى وعربيات كويسة جدا يمكن تقفيلها افضل من التقفيل الحالى
بالاضافة ان قطع غيارها رخيصة يعنى لا قدر الله فى حالة اى خطا او حكة او حاجة تحصل بيكون تصليحها او تغيرها رخيص وسهل
وبعد السنة دى ما تعدى تشوف اذا كان الفلوس تسمح انك تشترى الصنى فاكيد حتكون افضل لكن لو الفلوس حتخليك تتداين فبلاش واللوجان عربية محترمة وحتسمتع بيها بردو ولاحظ انك حيكون عندك مصاريف زى الترخيص وحتحتاج فرش وبعض المنظفات للعناية بالعربية وغطا وحجات زى كدة وبتجمع مبلغ
وربنا يرشدك للاختيار الافضل ان شاء الله

:018a1d~146:

**ahmed_m_ashraf** · 06-07-2012 05:56 AM

المشاركة الأصلية كتبت بواسطة said24581

ألف ألف شكر لكل الأصدقاء
فى هذا المنتدى العظيم
و جزاكم الله خيرا لهذه المشاركات القيمة
أنا بصراحة قررت فعلا
إنى أبعد عن الدين
لأن فيه فعلا إلتزامات منى فى الفترة اللى جاية
و قررت خلاص لوجان إن شاء الله تعالى
بس سؤال تانى الله يكرمكم ما هو الفرق فى الإمكانيات
بين اللوجان المانيوال و الأتوماتيك و هل يكافئ فعلا فرق
8 ألاف جنيه و لا ده فرق مبالغ فيه
و لكم ألف شكر

إعمل إستخاره عشان ربنا يبارك في إختيارك ويبعد عنك عيوب الصناعة والوسواس

فرق ال ٨ آلاف جنيه مقابل موتور أعلى (نفس موتور الداستر) وفتيس أوتو, والفرق يستاهل قوي, ده بالنسبة للقيمة. لاكن راحة الأوتو لا تقدر بثمن.