الموضوع: ---- تنظيف شنطة الياريس للحماية من الصدا والاتربة بالشكل الصحيح ---

المشاركة الأصلية كتبت بواسطة BLOODY_STONE

الاندركوت ده مادة كده عاملة زي مطاط اسود بريحة بتترش سبراي و تنشف تبقى زي طبقة مطاط رقيقة فوق الصاج .. بتبقى عازل حرارة و صوت و حماية من الصدا ... معظم العربيات الحديثة بتنزل بيها

لو عايز تفهم اكتر

اغسل الياريس من تحت كويس في بنزينة و حط ايدك ورة العجلة اللي قدام فوق جنب المساعد و حتلاقي مادة عالصاج شبه الزفت الاسود كده اضغط غليها حتلاقيها طرية ... هو ده الاندركوت

بينزل عشان الحماية من الصدا (ده غير ان عربيات تويوتا بتاخد طبقة جلفنة محترمة اول ما تطلع من المصنع عشان متصديش ابدا ) ( و عشان كده حاول قد ما تقدر متسمكرش و ترش حاجة عشان طبقة الجلفنة دي بتقع لما الصاج بيتسخن و يتسمكر)

انا جايبه من السعودية بيتباع اسبراي راشش بيه الشنطة من تحت و فوق عشان الشنطة مش واخدة طبقة عازل من برة من تحت العربية و راشش بيه العتب من تحت كمان عشان واخد طبقة اندركوت ضعيفة و عايز اجيب منه كمان لما اسافر ارش بيه من جوه العربية تحت الكنب و العتب من جوه و كده كعازل صوت و حرارة و حماية من الصدا

اعمل سيرش في جوجل car undercoating او في اليو تيوب حتلاقي شرح كتيييير و حتفهم الليلة ماشية ازاي