الموضوع: هل الاسبويلر ممكن يزود ثبات الكورولا 2006

المشاركة الأصلية كتبت بواسطة Karim_Monir

انا اشتريت الاسبولير الاصلي اول ما جبتها وكان ب 1300 جنيه وكان من العالمية تقريبا ومن غير رش ورشيته برة طبعا
بيزود الثبات فعلا مش اكتر من 5 %
والتخريم على نفس الابعاد الصحيحة انا وقفت عربية باسبولر اصلي وخدت ابعد الاخرام بالمللي وخليت الكهربائي يخرم زي ما قولتلة
وبيعمل تقل واضح وانت بتقفل الشنطة حتي
عايز يزود اكتر هايكبر الجنوط ل 16 بس للاسف البروفايل هايبقي 50 وهايعمل بلالين في الكاوتش

هو فعلا السبويلر مش هيفرق فرق محسوس.. وكمان هيبان فقط عـ السرعات العالية فوق الـ120 كم/س.

و الجنط الـ16" فـ التويوتا الشيب ده (جربت واحدة زمان كانت خليجى GLi تقريبا مش XLi).. وكان فيها السبويلر oem،
ثباتها أفضل سيكا من اللى كانت بتنزل مصر العادية (جنط 15" أو طاسات، ومفيش سبويلر)؟!!

- بس فعلا يا كريم البروفايل 50 مش كتير؟؟!!!
والطبيعى انه ماينشفش العفشة أوى فـ "كورولا" المفروض ان لسه فيها Limit أو Margin واسعة؛ تنشف العفشة وبرضه ماتوصلش انها تتقال عليها "ناشفة"؟؟؟!!

المشاركة الأصلية كتبت بواسطة kar!m

واضح ان الثبات اللي هو عاوزة مش هيتحقق بتركيب السبويلر.

أنا هقول له على موضوع العفشه الرياضيه .. هل ممكن يلاقيها استيراد؟ يعني هل العربية دي بتنزل بعفشة رياضية بره مثلا؟

ممكن يجيب حاجة Aftermarket؛ يبدأ بـ سوست سبور توطيها بفرق محسوب زى الـApex والـMerwede متوفرين فـ مصر..
والتويوتا (اليابانى عموما) فيه ماركات مشهورة بتركب عليها زى الـApex الـTRD الـTein والـKyb، دى شركات يابانية أول حاجة بتعملها لعربياتهم.

لو الثبات ماوصلش للى هو عايزه.. يجرب رقم2: المساعدين، طقم دامبرات Koni أو Kyb..؟!!

بالنسبة للإستيراد:
مفيش غير عفشة الـAltis 1.8 (كورولا بتاع أمريكا).. بس تكون للـ1800cc: المفروض انها أنشف، أوطى (سوست أقصر ومساعدين بمشوار أقل).
معرفش الصراحة حاجة التويوتا متوفرة إستيراد كتير ولا لأ؟؟؟!!
- بس واحد صاحبى كان معدل كورولا الشيب ده ومهبطها.. كنت فاكره مركب Aftermarket، قاللى لأ دى عفشة إستيراد بتاع كورولا 1800؟؟!!!
خليه يسأل عليها، الحرفيين والوكالة فيهم كل حاجة؟!!