الموضوع: نيسان نايل تيم تقدم .. 7 تقيمات و نتـائـج اخـتبارات قـيادة نيـسان صنـى الشكل الجديد

المشاركة الأصلية كتبت بواسطة mozalol

والله يا جماعة مش عارف اقوووووول اية بالظبط اقرائوا الكلام دة والنبي

العربية انا حجزها بقالي شهر ولسة مستلمتش لحد دلوقتي وكنت من اشد المعجبين بيها لحد مارحت كذة مرة اشفها في كذه معرض وبصراحة كل يوم اعجابي بيها عن اليوم الي قبلة

التقفيل بتاع العربية زفت من جوة وتكلم الموزع يقلك مهي بمائة الف جنية كان المائة الف دي ورقة بعشرة

التقفيل المصري فعلا فعلا مش محسسني اني راكب عربية جديدة خالص ومفيش كدة فرحة العربية الزيروا

كرسي السائق من ناحية اليمين لزقين فية حته موكيت زبالة شكلها عرة ترفعها تلاقي تحتها ماسورة الكرسي واللحام فيها شكلة زبالة وباين وشكل الموكيت الملزوق فالكرسي من ناحية اليمن دة مقلكوش لو شاري عربية صيني مش هتبقي كدة

بالاضافة الي ان الشماسات معكوسة متفهم فيها غلط متعرف المراية المفروض تبقي في الشماسة بتاعة الراكب المجاور للسائق حطنها في الشماسة بتاعة السائق والحزام الي بتشيل فية اي اوراق او الرخصة الي مفروض يبقي من جوة الشماسة عملينة من برة

واديني عجن وشغل بلدي تمام علي كيف كيفك

الزجاج الخلفي تحس انه ملزوق علي العربية علي طول ومش موجود البرواز الباغ الي بيبقي حولين الزجاج يدي اي منظر

يلة خلي الغلابة تاكل وبجنية ونص وتعالي بص

ومرة تلاقي نبيتي والفرش الي جوة فاتح في معرض وتدووووخ ويطلع عينك علي فرش غامق تلاقية في لون تاني برنزي مثلا وتيجي تدور علي برنزي بفرش فاتح متلاقيش غير اسود بفرش غامق وتيجي تدور علي اسود بفرش غامق متلقيش غير اسود بفرش فاتح او برنزي بفرش غامق وتدور علي رمادي بفرش غامق متلاقيش غير رمادي بفرش فاتح وتيجي تدور علي رمادي بفرش فاتح متلاقيش غير رمادي بفرش فاتح ودوخيني يا لمونة دوخين وتخبط ومفيش تركيز في الوان محددة بفرش ثابت وعلي العميل انه يختار

بصراحة انا حاجزها ومش مطمأن ولا حاسس اني راكب عربية زيروا .... العربية من جوة تحس انها مستعملة وصالنها مجددينة عن واد سروجي في كعابيش عند مات نام

الي عندة كلام يصبرني بية يقولة بسرعة لحسن انا هتجيلي جلطة

يعنى انت كاتب المشاركه ده اكتر من خمس مرات هيا اللجان الالكترونيه سابت تخصص السياسه بعد الركود الى حصل فيه وسقوط شفيق واشتغلت فى مجال العربيات والتلسين عليها ولا ايه؟؟؟؟؟

المشاركة الأصلية كتبت بواسطة hossam_elwani

يعنى انت كاتب المشاركه ده اكتر من خمس مرات هيا اللجان الالكترونيه سابت تخصص السياسه بعد الركود الى حصل فيه وسقوط شفيق واشتغلت فى مجال العربيات والتلسين عليها ولا ايه؟؟؟؟؟

التلسين مرة واحدة دة علي اساس ان العربية تخصك وعجباك وكدة

يابية عندك معلومة مفيدة قلها عشان كلنا نستفيد ولو معندكش انصحك تتكلم في اي حاجة تانية وانصحك بالسياسة شكلك فاهم فيها ماهوا الشعب كلة دلوقتي بيعجن سياسة
لجان الكترونية وشفيق وكلام كبير الله ينور عليك ...... شكلك فاهم يا نصة
احنا يا سيدي الفاضل هنا عشان نفيد بعض ولو مفيش منك استفادة ممكن تسكت وتشوف الناس بتكتب اية وتستفيد منها
ثم احنا بنقول أرائنا وكل واحد و رئيه مش عشان العربية لمأخذه عجباك يعني ؟؟؟؟.... تسمي الاراء بتاعتنا تلسين علي العربية مرة واحدة
ثم الكل عمال بيتكلم علي العيوب بتاعة العربية ولا هي جت عندي وبقت كخة الكل عمال يلسن يا برنس سمعتها بقت علي كل لسان الحق بقة
دا تحليل للمزايا والعيوب (سياسي تحليل سياسي بالمناسبة) قبل ما الواحد يستلم
ولا كمان مش عاوزني استلم عشان العربية عجباك والله ياباشا حلال عليك بس انا داخل البيت من بابه

المشاركة الأصلية كتبت بواسطة mozalol

التلسين مرة واحدة دة علي اساس ان العربية تخصك وعجباك وكدة

يابية عندك معلومة مفيدة قلها عشان كلنا نستفيد ولو معندكش انصحك تتكلم في اي حاجة تانية وانصحك بالسياسة شكلك فاهم فيها ماهوا الشعب كلة دلوقتي بيعجن سياسة
لجان الكترونية وشفيق وكلام كبير الله ينور عليك ...... شكلك فاهم يا نصة
احنا يا سيدي الفاضل هنا عشان نفيد بعض ولو مفيش منك استفادة ممكن تسكت وتشوف الناس بتكتب اية وتستفيد منها
ثم احنا بنقول أرائنا وكل واحد و رئيه مش عشان العربية لمأخذه عجباك يعني ؟؟؟؟.... تسمي الاراء بتاعتنا تلسين علي العربية مرة واحدة
ثم الكل عمال بيتكلم علي العيوب بتاعة العربية ولا هي جت عندي وبقت كخة الكل عمال يلسن يا برنس سمعتها بقت علي كل لسان الحق بقة
دا تحليل للمزايا والعيوب (سياسي تحليل سياسي بالمناسبة) قبل ما الواحد يستلم
ولا كمان مش عاوزني استلم عشان العربية عجباك والله ياباشا حلال عليك بس انا داخل البيت من بابه

يانصه !!!!!!!! ماشى ياسيدى متشكرين على ذوقك العالى

والله انا ماقلتش الكلام ده الا لما لقيتك كاتب المشاركه دى خمس مرات فى مواضيع مختلفه بنفس النص بالزبط .... وفى نفس التوقيت وده يثير الاستغراب والشك ليه حضرتك رصيت المشاركه دى اكتر من مره بلشكل الغريب ده؟؟؟؟؟؟

ومفيش مشكله انك تذكر سلبيات العربيه حقك بس الطريقه هيا الى خلتنى ارد عليك بكده ....

صح ياجدعان ولا ايه حد يقولى انت غلطان؟؟؟

تحياتى واحترامى للجميع

المشاركة الأصلية كتبت بواسطة hossam_elwani

يانصه !!!!!!!! ماشى ياسيدى متشكرين على ذوقك العالى

والله انا ماقلتش الكلام ده الا لما لقيتك كاتب المشاركه دى خمس مرات فى مواضيع مختلفه بنفس النص بالزبط .... وفى نفس التوقيت وده يثير الاستغراب والشك ليه حضرتك رصيت المشاركه دى اكتر من مره بلشكل الغريب ده؟؟؟؟؟؟

ومفيش مشكله انك تذكر سلبيات العربيه حقك بس الطريقه هيا الى خلتنى ارد عليك بكده ....

صح ياجدعان ولا ايه حد يقولى انت غلطان؟؟؟

تحياتى واحترامى للجميع

فعلا الموضوع متكرر أكتر من مرة فى أكتر من موضوع يا جماعة السوق عرض وطلب والعربية لو فى واحد مش عجباه بلاش منها خالص العربيات كتير فى السوق وبلاش الكلام أللى مالوش لازمة وربنا يوفقنا جميعا للصالح ومتزعلش نفسك يا أ/ حسام

بصراحة كلنا اكيد بنشكر نيسان تيم على التقرير الوافي ده
انا فعلا بدأت أقتنع ان العربية دي كويسة اوي وهتنجح خاصة بعد نسخة شهر 10
ممكن يكون فيها حاجات هندي ماعرفش لكن واضح من الكلام ان اساسياتها ياباني وده المهم
موضوع الموتور الالمونيوم ده تطور في الصناعة واكيد له مزاياه
واضح ان الموتور 1500 مش فارق كتير من التقييمات
الفرش الاحلى والعفشة الناعمة والصالون الواسع واستهلاك البنزين الاقل والتقفيل الافضل والشكل الخارجي الاحدث كلها مزايا تتحدث عن نفسها
الي باقي تقييم السادة الاعضاء الي اشتروها وده هيبقى مهم اوي برضه
تحياتي