الموضوع: تقرير صيانة 1000 كيلومتر للصنى الجديدة

السلام عليكم وكل عام وانتم بخير بمناسبة شهر رمضان الكريم
فى البدية انا عملت الصيانة فى اوتو ايجيبت الكيلو 26 ابورواش وطبعا كنت حاجز قبليها
ملحوظة العربيه ما بتنزلش بفلتر تكييف مكانه موجود بس الفلتر انت اللى بتشتريه
طبعا انا عارف ان الكلام اللى بكتبه معظم الاعضاء عرفينيه بس فى ناس زى حلاتى ممكن تكون دى اول مرة بتتعامل مع توكيل
طبعا اول مارحت كان فى واحد اول ما بتركن السيارة جوه التوكيل بيسألك عداد الكيلو متر عامل كام وبعد كده بتخش عند موظفة الاستقبال وبتقولها على الحجز بتاعك وبتديك رقم وتنتظر حتى يظهر رقمك على الشاشة وامامه رقم مكتب مهندس الاستقبال 1 او 2.....
فى البدايه هو بيقولك على الى هيتم فى العربيه فى صيان الالف مثل تغيير زيت وتغيير فلتر الزيت وتغيير وردة معدن تقريبا فى طبة الزيت وتربيط العفشة الكشف على الفرامل .....الخ وبعدين بتقوله على اى ملحوظه فى العربية وبيكتبها فى محضر فحص بيدلك اصله الى بتسلمه له لما تيجى تستلم العربيه وبيدك محضرتانى فى الاجزاء اللى تم التشييك
وبعدده بتقول على اى ملحوظة فى العربية انا قولتله على 4 ملحوظات
1-فرق فى فتحه الكسيت عند التابلو شمال
2- فبرة غير ممثبته جيدا فى الزجاج الامامى للعربيه
3-صوت تزييقه فى خلفيه العربيه وانا ماشى على الهادى فى طريق مكسر واحيانا بسمعها وانا باخد مطب
4-صوت تكته بحسها فى الجانب الايمن من الكواتش بس مش تكتكة معدن انا حاسس انها احتكاك كاوتش مع الطريق بس باردو قولته عليها
ولما كنت بتكلم معاه بخصوص الفرامل كنت بكلمه عليه القى لو بتسمع صوت صفارة كان التيل خلص القى دا صوت abs بس بصراحة الصوت دا ماكنش بيظهر قبل صيان الالف وهو صوةت صفارة فى الفرمل بس ظهر بعد صيانه الالف بس انا حسيت ان اداء الفرامل ا تحسن
المهم الملحوظه 1 و3 لاقتيها موجودة وهو قالى فرق الكاسيت اللى عندك من فوق دا موجود فى كذا عربية تانيه اما صوت التزيقية فدا انا ملاحظتوش الا بعد ما مشيت والملحوظه 4 باردو لسه موجودة

تكلفة الصيانه كلها بتاعة الالف313.51 جنيه يعنى بتدفع 314 جنيه مصرى علشان المصنعيه بتبقى مجانيه دا ثمن الخامات فقط
نوع الزيت total quartz 90
بس انا ناوى ان شالله هروح تانى بسبب موضوع التزييقة دا وصوت الصفارة ولو اى حد عند معلومة عن صوت التزيقية ممكن تكون من ايه اكون مشكورا انه يفيدنى
انا عرف ان الطرق فى مصر غير ادميه والواحد ساعات بياكل مطبات غصب عنه بس ما عتقدش ان كل العربيات اللى فى فيها صوت تزييق بعضها بس مش كلها وخصوصا دى عربيه جديدة

والسلام عليكم ورحمة الله وبركاته

رمضان كريم


سبحان الله وبحده سبحان الله العظيم
اللهم صلى على سيدنا محمد صلى الله عيه وسلم

مبروك و عقبالى لما اشتريها يا رب