نيسان نايل تيم تقدم .. 7 تقيمات و نتـائـج اخـتبارات قـيادة نيـسان صنـى الشكل الجديد

**Eng_Moh.Dewair** · 24-06-2012 05:51 AM

يا شباب انا شوفت العربيه النهارده و فتحتها و قعدت فيها و بصيت عليها كويس احب اقولكم ان العربيه دى هتعمل شغل عالى اوى ... العربيه شكلها جميل من جميع الزوايا و التقفيل بتاعها جيد جدا و ممكن تحس بيه عن طريق قفله الابواب من اقل لمسه الباب بيقفل و كمان ارتفاع العربيه جميل و وسعها الداخلى ممتاز بجد انا مكنتش مصدق ان العربيه الصغيره من بره هتبقى واسعه من جوا بالشكل ده ... بالنسبه بقى للخامات الداخليه اى نعم فى بلاستيك كتير بس نوعيه البلاستيك نفسها كويسه جدا و مش بالسوء اللى الناس بتكلم عليه هنا بالعكس انا شايف انها عمليه جدا و هتبقى مريحه فى التنظيف الداخلى لابعد الحدود و مش هتلاقى بقع سوداء فى الفرش مكان دراعك العرقان و دى مشكله بعانى منها فى عربيتى و كل فتره لازم تروح تنظيف كيماوى و مصاريف على الفاضى :) بالنسبه للعيوب انا اتفق مع التقارير من حيث الاوكر يفضل تكون نيكل من جوه و يتركب دراع فى السقف للاربع ابواب و كمان لفت انتباهى ان مرايات العربيه مش مرنه بمعنى انها لو اتتخبطت هتتكسر فورا و مفيش اى ليونه منها فى الحركه للاتجاه المعاكس ........... بصراحه العربيه دى عربيه مدينه رقم واحد و لو اداء الموتور بتاعها مع الفتيس مرضى هتحقق نجاح باهر الفتره اللى جايه
ملحوظه بس صغيره انا مستغرب من الجدال الحادث حول عدد احصنه الماتور و فرق ال 9 حصنه دول احب اقولكم ان شواعنا الحبيبه اللى بتتحرك بمعدل متر فى الساعه كفايه عليها اوى حصان واحد و متحسوسنيش انكم مقضينها خميس و جمعه فى الناسكار , تحياتى

**mody3on** · 24-06-2012 08:58 AM

المشاركة الأصلية كتبت بواسطة Ahmed.TV

حضرتك طالما مصمم على رايك على انها 99 الجروس مش الصافى
ومش مصدق كلام السبع اعضاء اللى راحوا وجربوا تسارع العربية على السرعات وتجميعها
ومش مصدق كلامنا وعايز فيديو عشان تتاكد
يبقا حضرتك انزل طالما مهتم وعايز المعلومة الصح وروح اوتو ايجيبت وناخد العربية .. وشوف المعاد اللى يناسبك وانا اخد اجازة من الشغل مخصوص واروح معاك عشان ناخد العربية ونطلع على طريق مفتوح .. لان المكان اللى بيعملوا فيه التيست دريف مع اى حد غريب مش حيقدر يجرى بالعربية .. وانا حكون جايب عربيتى التيدا ال1600 سى سى .. اللى هى 118 حصان والصافى بتعها 109 او 108 ونطلع ونجرب ونشوف اداء العربية عامل ازاى ..
تحياتى :)))

الحكاية مش حكاية تكذيب يا احمد باشا حاشا لله :)
بس فعلا العربية 99 حصان جروس وده اللي في موقع نيسان الهند
حضرتك جربت تسارع العربية تمام جدا جابت 0-100 في كام ثانية مش لازم فيديو :)
انا بتناقش بس مع حضرتك والموضوع مش شاغلني اوي كده يعني :D
للاسف مش هعرف اروح اوتو ايجبت في الوقت الحالي ولكني اتشرف بمعرفة حضرتك Anyway يعني :)

**Ahmed.TV** · 24-06-2012 01:55 PM

المشاركة الأصلية كتبت بواسطة mody3on

الحكاية مش حكاية تكذيب يا احمد باشا حاشا لله :)
بس فعلا العربية 99 حصان جروس وده اللي في موقع نيسان الهند

حضرتك جربت تسارع العربية تمام جدا جابت 0-100 في كام ثانية مش لازم فيديو :)

انا بتناقش بس مع حضرتك والموضوع مش شاغلني اوي كده يعني :D
للاسف مش هعرف اروح اوتو ايجبت في الوقت الحالي ولكني اتشرف بمعرفة حضرتك Anyway يعني :)

حضرتك مكتوب كدا على موقع الهند جميل .. بس ايه اللى خالاك تتاكد ان ده الجروس ! مع انهم مش كاتبين ده ايه

هفهمك حاجة

مش كل البلاد ومواقع الانترنت بتعتها مكتوب زى بعض .. بيكتبوا التقييم اللى العملاء بتعوهم بيهتمو بيه .. بمعنى
فى امريكا كاتبين ان ماتور hr16 اللى زى عربيتى 109 هورس باور .. وده الصافى فعلا .. لان الماتور ده الجروس بتاعه 118 حصان والنت بتاعه 109 و108 كمان
ومعروف ان مواتير الhr15 الجروس بتعها 108 والنت الصافى 99 حصان

وكل ده لان العملاء فى امريكا والشركة هناك بيهتموا بمعرفة وتوضيح الصافى لعملائهم وبيكتبوه على مواقعهم

هى دى الحكاية وارجوا انت تكون تفهمت وجهت نظرى

بخصوص كام ثانية تسارع العربية من 0-100

ده انا كاتبه فعلا من غير فيديو
حضرتك راجع التقرير كويس واقرائه حتلاقينى كاتب كام ثانية وباى طريقة سواقة .. واللى كان سايق وقتها احمد زونج

فى النهاية
تحت امرك ويشرفنا نقاشك .. وكلنا من النقاشات بنستفاد وبناكد المعلومة لبعض باقناع .. مش بفرض سيطرة الراى زى ما الاخرين بيعملوا لتعصبهم

وبصراحة اتشرفت بيك بامانة وان شاء الله التقى بيك على خير فى اقرب فرصة باذن الله
تحياتى ليك ياجميل

**MOK3336** · 24-06-2012 08:22 PM

الموضوع المفروض يبقي مثبت للأهمية

**limo81** · 24-06-2012 11:20 PM

بعيدا عن الهند والسند
انتوا كلكم ناس جميلة جدا ومحترمه جدا
وكما توقعت وصدق ظنى بقيمه السياره وظني بكم انا كنت حاجزها ومنتظر تقريركم ع نار كما في مشاركاتي السابقة
وكان نفسي اكون معاكم في التقييم بس انا مش صقر زيكم انا لسه بصوصو
هوخارج من عربيتين 128 بس كل ده كنت مستني الصني تعملها
يعني العربيه لو حصان واحد زي صاحبنا ما قال هتبقي بالنسبه لي تمام التمام
والله كفايه اسم Nissan
بس اولا واخيرا شكر جامد اوي للصقور الجامده اوي
يا ريتني كنت معاكم في المنتدي ده من زمان

**Sehsss** · 24-06-2012 11:32 PM

المشاركة الأصلية كتبت بواسطة limo81

بعيدا عن الهند والسند
انتوا كلكم ناس جميلة جدا ومحترمه جدا
وكما توقعت وصدق ظنى بقيمه السياره وظني بكم انا كنت حاجزها ومنتظر تقريركم ع نار كما في مشاركاتي السابقة
وكان نفسي اكون معاكم في التقييم بس انا مش صقر زيكم انا لسه بصوصو
هوخارج من عربيتين 128 بس كل ده كنت مستني الصني تعملها
يعني العربيه لو حصان واحد زي صاحبنا ما قال هتبقي بالنسبه لي تمام التمام
والله كفايه اسم nissan
بس اولا واخيرا شكر جامد اوي للصقور الجامده اوي
يا ريتني كنت معاكم في المنتدي ده من زمان

العفو يا باشا.. وطبعا عنت نورتنا واشرفنا بيك

**tiger76** · 25-06-2012 06:49 PM

الف الف شكر على المجهود و التقرير و كفاية انكم بتنقلوا تجربتكم لينا

و بعدين انا بعتذر جدا على قلة تواجدى بس والله العظيم مشغول حبتين
و كان نفسى اكون من الفريق اللى عمل تست دريف بس ربنا يسهلها فى اللى جاى