بخبط وأنا برجع

**matrix_it** · 25-06-2012 02:59 PM

المشاركة الأصلية كتبت بواسطة haitham1985

مش عارف لازلت عند رأيي ........... وحاسس إن أنت خواف حبتين ........... ولعلمك اللى بيخاف بيتخبط وبيخبط ......... قاوم نفسك وإتعافى على العربية بس بحساب ومن ناحية تانية إيه يعنى اللى ممكن يحصل ......... العربية تتخبط متتخبط لأنها فى نفس الوقت ونفس المكان كانت هاتتخبط بس بواسطة حد تانى وده رزق السمكرى ...... مبدعوش للإهمال ولا حاجة !! ........ بس مبحبش حد يبقى متقوقع على نفسه لمجرد خوف داخلى فى الأغلب الأعم بيبقى وهم بدليل إن أنت هتضحك على الأيام دى بعد سنة ولا إتنين وتقووووووووول أنا كنت تييييييييييت

لازلت عند رأيي ....... طبعا انا مش ضد التكنولوجيا بس أنا ضد التكنولوجيا اللى بتحجر العقل وترسخ للبلاده

بالتوفييييييييييييييييييي يق

كلامك مفييييييد بجد يا بخت اللى هتعلمه السواقة

**HAITHAM1985** · 25-06-2012 03:10 PM

المشاركة الأصلية كتبت بواسطة matrix_it

كلامك مفييييييد بجد يا بخت اللى هتعلمه السواقة

يا بختى أنا بمعرفتكوا والله كلامى ده إحساسى مش رياء ربنا عالم

**matrix_it** · 25-06-2012 03:35 PM

لا اصل كلام حضرتك دة فكرنى وانا بتعلم السواقة !!!! دلوقتى مع ان عندى 20 سنة شاب بقى و بتاع حركات بخاااااااااف اجرب اسوق حتى عشان اتعلمت السواقة و مسوقتش بعدها

**amrelsaqqa** · 25-06-2012 03:59 PM

مشكلتك مش محتاجة حساسات ركن
لازم تحلها الاول وبعدين تركب حساسات دى هتبقى حاجة رفاهية عشان ما تتعبش نفسك في البص في المراية كتير والرجوع بالراحة

انت الاول لازم تتعلم ترجع بالراحة وتسيطر على العربية

انت ممكن جدا تسيطر على العربية وتحس بيها
لدرجة انك وانت راجع تلمس الحيطة او العربية اللى وراك وتحس باللمسة دى من غير ما تأثر على عربيتك او العربية اللى وراك

اتعود ترجع سنتى بسنتى وملى بملي ، وبأقل عزم ممكن واتعلم تركز مع العربية وتزود احساسك

مع الوقت هتلاقيك بتعرف العربية مثلا على بعد متر ولا نص متر

ولو عايز تلزق بالظبط بالظبط في اللى وراك مالهاش غير حلين يا تفضل ترجع بالراحة لحد ما تلمس اللى وراك يا حد برة وبيتابع معاك

فانت لازم تركز على حاجتين :

تتعود على العربية بحيث تقدر المسافة اللى وراك في حدود متر ونص الى نص متر
وتتعلم ترجع ببطء شديد جدا وتحس بالعربية اول ما تلمس في اللى وراك وتقف فورا بدون خبطات