بخبط وأنا برجع

**MohammedAladel** · 24-06-2012 12:22 PM

يا جماعة أنا مش بعرف أرجع كويس المرايات بتخدعنى تبقى الحيط خلاص قربت أخبط وفاكر إن لسة باقى شوية وألبس أعمل إيه عشان أرجع ويبقى مفيش غير مسافة صغيرة بينى وبين الحيطة اللى ورايا أو عربية مثلا زى ما بشوف ناس كتير بتعملها من غير ما تخبط

**truss** · 24-06-2012 12:30 PM

اكيد المرايات هتخدعك عشان هى بتبين الاشياء القريبة بعيدة لتغطية اكبر مجال رؤية ممكنة..

و انت راجع بضهرك و وراك حيطة مافيهاش حاجة لو بصيت من الشباك عشان تقدر المسافة صح, و ممكن كمان تنزل من العربية لو استلزم الامر .. و لو بالليل ممكن تعتمد شوية على نور الاستوب و انت راجع بضهرك عشان تقدر المسافة, و بعد كدة هتتعود و هتحفظ العربية.
و حل تانى انك تركب حساسات ركن.

**OMAR61995** · 24-06-2012 02:07 PM

أحسن حل أنك تجيب parking sensor بصوت بس
و لما ترجع و الصوت يشتغل فكده أنت تبقى قربت من الحيطة
ساعتها تبص فى المراية و تشوق المسافة شكلها ايه
و هتتعود بعد كام مرة

**MohammedAladel** · 24-06-2012 11:39 PM

فعلا أنا بالليل الموضوع بيبقى أسهل بعتمد على النور والظل بتاعه بس فعلا حاجة رخمة إن العربية تلمس الحيطة منك لأنها بتتأثر جامد وشكرا لحضراتكم لأنى كنت فاكر إن دا عيب عندى خصوصا انى متعلم جديد السواقة ومحدش علمنى وبفضل الله بسوق كويس

**Ahmed Selim** · 25-06-2012 01:14 AM

حساسات ركن تخلصك من المشكلة دي

**BLOODY_STONE** · 25-06-2012 02:04 AM

ركب حساسات و ريح دماغك

**HAITHAM1985** · 25-06-2012 10:55 AM

نور كشافات الــ stop كافية ........ لو لقيت إضائتها بتزيد يبقى أنت بتقرب من الحيطة أكتر لغاية ماتحس إنك شايف ضوء مبهر على الحيطة يبقى إنت كده على بعد 10 سم مثلا

بلااااش حساسات إتعلم مش تستسهل ......... زى الفتيس الأوتو والمانوال ........ خلى واحد كده من اللى إتعلموا على الأوتو يسوق مانوال هيبقى عامل زى البطة البكينى

خلى نفسك طوييييييييييييييييييييييي ييييل

**MohammedAladel** · 25-06-2012 02:19 PM

المشاركة الأصلية كتبت بواسطة HAITHAM1985

نور كشافات الــ stop كافية ........ لو لقيت إضائتها بتزيد يبقى أنت بتقرب من الحيطة أكتر لغاية ماتحس إنك شايف ضوء مبهر على الحيطة يبقى إنت كده على بعد 10 سم مثلا

بلااااش حساسات إتعلم مش تستسهل ......... زى الفتيس الأوتو والمانوال ........ خلى واحد كده من اللى إتعلموا على الأوتو يسوق مانوال هيبقى عامل زى البطة البكينى

خلى نفسك طوييييييييييييييييييييييي ييييل

تعالا نحسبها عمليا مبدئيا فعلا نور الستوب بيساعدك كتير أنا لحد الوقت خبطت العربية من ورا بالظبط 5 مرات أربع مرات فى الحيطة يا دوبك ريحت والرفرف عندى فبر طبعا بس اتجرح رابع مرة كنت راجع وواقفة ورايا نوبيرا خبطتها وحصل خير وصاحبها قال لى عادى ولا يهمك ربنا يكرمه هو محصلش حاجة عنده ولا عندى بس موقف كان فى قمة الإحراج وانا كنت مرعوب أول ما سمعت صوت الخبطة خامس مرة بقى وأنا بركن العربية فى الجنينة ريحت على سيف حيط الفراندا فى الجمب اليمين فالعربية اتجرح الاكصدام من الناحية دى لو معايا الحساس كنت هتعلم بسهولة لأنى هبقى مطمن قوى وأنا برجع وخصوصا زى ما قال العضو الكريم لو فيه ماسورة ودى حصل معايا كذا مرة تبقى قالب حجر كبير واستحالة أى حد يشوفه وطبعا بيأثر ع الكاوتش والعفشة وكل حا جة المهم الحساس مهم وان شاء الله عمن قريب هركبه كفاية إنى أرجع وأنا مطمن غير كدا هو بيعلمك برضه بتبقى حفظت أبعاد العربية كويس من غير ما تخبط بعد كدا ممكن تشيله وترجع بأمان او تركب أى عربية تانية وانا عربيتى مستعملة يعنى المبلغ المدفوع فيها مش كتير إنما لو عربية ز يرو ونفس الموقف حصل كنت هتحسر على التجريحات جى

**HAITHAM1985** · 25-06-2012 02:48 PM

المشاركة الأصلية كتبت بواسطة mohammedaladel

تعالا نحسبها عمليا مبدئيا فعلا نور الستوب بيساعدك كتير أنا لحد الوقت خبطت العربية من ورا بالظبط 5 مرات أربع مرات فى الحيطة يا دوبك ريحت والرفرف عندى فبر طبعا بس اتجرح رابع مرة كنت راجع وواقفة ورايا نوبيرا خبطتها وحصل خير وصاحبها قال لى عادى ولا يهمك ربنا يكرمه هو محصلش حاجة عنده ولا عندى بس موقف كان فى قمة الإحراج وانا كنت مرعوب أول ما سمعت صوت الخبطة خامس مرة بقى وأنا بركن العربية فى الجنينة ريحت على سيف حيط الفراندا فى الجمب اليمين فالعربية اتجرح الاكصدام من الناحية دى لو معايا الحساس كنت هتعلم بسهولة لأنى هبقى مطمن قوى وأنا برجع وخصوصا زى ما قال العضو الكريم لو فيه ماسورة ودى حصل معايا كذا مرة تبقى قالب حجر كبير واستحالة أى حد يشوفه وطبعا بيأثر ع الكاوتش والعفشة وكل حا جة المهم الحساس مهم وان شاء الله عمن قريب هركبه كفاية إنى أرجع وأنا مطمن غير كدا هو بيعلمك برضه بتبقى حفظت أبعاد العربية كويس من غير ما تخبط بعد كدا ممكن تشيله وترجع بأمان او تركب أى عربية تانية وانا عربيتى مستعملة يعنى المبلغ المدفوع فيها مش كتير إنما لو عربية ز يرو ونفس الموقف حصل كنت هتحسر على التجريحات جى

مش عارف لازلت عند رأيي ........... وحاسس إن أنت خواف حبتين ........... ولعلمك اللى بيخاف بيتخبط وبيخبط ......... قاوم نفسك وإتعافى على العربية بس بحساب ومن ناحية تانية إيه يعنى اللى ممكن يحصل ......... العربية تتخبط متتخبط لأنها فى نفس الوقت ونفس المكان كانت هاتتخبط بس بواسطة حد تانى وده رزق السمكرى ...... مبدعوش للإهمال ولا حاجة !! ........ بس مبحبش حد يبقى متقوقع على نفسه لمجرد خوف داخلى فى الأغلب الأعم بيبقى وهم بدليل إن أنت هتضحك على الأيام دى بعد سنة ولا إتنين وتقووووووووول أنا كنت تييييييييييت

لازلت عند رأيي ....... طبعا انا مش ضد التكنولوجيا بس أنا ضد التكنولوجيا اللى بتحجر العقل وترسخ للبلاده

بالتوفييييييييييييييييييي يق

الموضوع: بخبط وأنا برجع

LinkBack

أدوات الموضوع

عرض

-

-

-

-

-

المواضيع المتشابهه

تكتكه من ناحيها العجل الامامى وانا برجع لوراء

العربيه وانا برجع لورا بتقطع ياريت تفيدونى

128قديمةمعدل الموتور1300ولكن الفتيس بخبط في الميزان ما الحل؟

حد يفدنى فى الركن العمودى ، بخبط عربيات الناس

مشكله محيراني اوي في البروتون جين 2 وانا برجع للخلف ارجو المساعده

الكلمات الدلالية لهذا الموضوع

المفضلات

المفضلات

ضوابط المشاركة