الموضوع: جودة الصاااج افيدونى بالله عليكم - ارجو الاهتمام للضرورة

المشاركة الأصلية كتبت بواسطة flightbyd

صاج اية يا خلق اللى بتتكلموا علية بس العربية خلاص مية مية مفيهاش الهوا ومش فاضل غير الصاج يا فرحتى دى عربية تجمعت فيها كل عيوب جميع سيارات العالم ابتداء من السيات حتى .......اللى بلانا بيها ربنا ما يرحموا فى الدنيا ولا فى الاخرة بمشيئة الله

سبحان الله لو انت قرفان قوي كده منها متفكك منها و بعها و لو عايز حد يشتريها منك اجبلك بس كفاية اسلوبك اللى مش عارفين نوصفه بغير المحبط يا عم صدقني محدش محتاج يسمع نصيحك وارشاداتك اللى ملهاش اي معنى او فايدة لحد مش عجباك العربية غورهه و ريحنا

شوفوا يا قوم ..حوار الصاج ده فكسان بصراحة..لانى ببساطة اشتريت عربيتى موديل الفين وتمانية مستعملة من اسبوعين بس ..يعنى العربية بترمح فى الشوارع من اربع سنين تقريبا اهو والصاج عادى جدا جدا بل ممكن تقول ممتاز كمان..لا منقر ولا يحزنون لكن طبعا فى خربشة على بسيط كده ودى مشكلة ملهاش حل بسبب سلوكيات بعض المصريين العدوانية وبسبب الزحمة والركن فى حتت ضيقة اللى كلنا مضطرين له فلازم هيبقى فى تجريح الا بقى لو استعمالك قليل لعربيتك وبتركن فى جراجات دايما فده له وضع اخر..بالمناسبة عربيتى فابريكة برة الا بعض المرمات فى الحزام عدا ذلك مفيش ..ماشاء الله سقف شنطة رفارف كبوت مفيش فيهم حاجة الحمد لله..والغريب انى من المنصورة وعمرى ما شفت اى عربية بى واى دى منقرة رغم انتشارها عندنا..ومش معنى كلامى يعنى انها صاج مرسيدس ولا بى ام..عشان متفهمش غلط بس انا قصدى انها زيها زى غيرها من الجديد كله كده صاج مش بمتانة عربيات ايام زمان ويمكن ده بسبب شروط الامان فى الحوادث