مشكلة فريدة فى عربيتى

**goodman9822** · 30-07-2012 03:47 AM

اولا احب اشكر المنتدى وخاصة قسم البى واى دى لانه ساعدنى جدا فى اختيار سيارة مناسبة بعد ما كنت حيران جدا وبعد المقارنات فى المنتدى والسماع لاراء اعضاء المنتدى الكرام قررت اشترى بى واى دى وجبتها مستعملة موديل 2008 تقفيل صينى والصراحة العربية ابهرتنى بثباتها على الطريق وقوة موتورها وفخامتها وكمالياتها ما شاء الله بالنسبة لسعرها تعتبر عربية فريدة من نوعها ولكن الحلو دايما ميكملش ولازم يبقى فى عيب مؤرق
المشكلة انى قبل ما اكتب مشاركتى دى لطلب مساعدتكم قريت كل المشاركات قديمة وجديدة هنا لعل وعسى اشوف مشكلتى والرد عليها لكن ملقتش حتى التوكيل قال دى مشكلة محدش جاب سيرتها قبل كده..معلش بقى ارزاق
المهم طولت عليكم مشكلتى هى عداد السرعة وعداد الحرارة..الاتنين بيخرفوا..عداد السرعة مكنش شغال خالص رحت لكهربائى فقام بتنظيف الحساس فاشتغل ولكن الامبير قدامى بيقرا السرعة اقل من السرعة الفعلية تقريبا بالنصف يعنى لو ماشى اربعين يقرا عشرين وعرفت ده من غلق الابواب مركزيا اللى الكهربائى بتاعى قالى بيكون على اربعين فاجد الامبير يقول السرعة عشرين..
اما امبير الحرارة فبيشتغلنى بجد لوحده الاقيه زى الفل وفجاة الاقى المؤشر واقع من طوله ولا يتحرك بمجرد ما اقفل العربية وافتحها تانى ولو بعد دقيقة
طيب ايه الحل الان..الموضوع ده سرق فرحتى بالعربية

**mohamed_prog** · 30-07-2012 04:16 AM

الحل والله اعلم اعادة برمجة كنترول مع تغيير حساسات وكبل السرعة مع الفيوز

**lonedoctor** · 30-07-2012 05:34 AM

المشاركة الأصلية كتبت بواسطة mohamed_prog

الحل والله اعلم اعادة برمجة كنترول مع تغيير حساسات وكبل السرعة مع الفيوز

انا مع الراى ده تماما

**hany901119** · 30-07-2012 10:16 AM

متاااابع

**goodman9822** · 30-07-2012 12:28 PM

انا رحت بيها للميكانيكى بتاعى ولكام كهربائى ولواحد بتاع عدادات وتقريبا اغلبهم اتفقوا ان العيب عيب امبير وان المطلوب لحل المشكلة تغيير الامبير نفسه اللى بيقرا قدامى فى التابلوه..لكن انا مش لاقيه عندى فى المنصورة..علما ان كل حاجتها لاقيتها فى المنصورة وبسهولة وباسعار حلوة كمان الا دى ودايما كان ردهم اصل محدش طلب العدادات قبل كده او اشتكى منها..يا ترى هلاقيهم فى القاهرة؟؟لو حد من خبراء البى واى دى واغلبكم من القاهرة هنا ياكدلى انزل اجبهم مش مشكلة لانى فى الصيام ده خايف اوى اروح ويقولى مش موجود وشكرا ليكم

**goodman9822** · 30-07-2012 02:53 PM

الف شكر للاخوة فى مركز القطامية بعتولى رسالة بمجرد ما نشرت مشكلتى هنا واحد الاخوة فى المركز فى التليفون رجح فعلا ان المشكلة بسبب الشاشة اللى بتقرا السرعة والحرارة وحددلى تمنها فى التليفون حوالى 600 جنيه وان شاء الله المشكلة تتحل على ايديهم