جودة الصاااج افيدونى بالله عليكم - ارجو الاهتمام للضرورة

**mhi00002000** · 26-06-2012 01:51 PM

السلام عليكم ورحمة الله وبركاتة

دلوقتى انا مقبل باذن الله على شراء سيارة فى حدود 70 وبفكر فى ال byd عشان قوة الموتور بالمقارنة مع موتور اللوجان لكن عندى وجهة نظر برجاء ايضاحها من محترفى هذا القسم دلوقتى بنشوف كلنا عربيات سبرانزا ماشية ف الشارع سواء كانت ملاكى او تاكسى لكن فى الحالتين بنلاحظ قوة الشكل الخارجى والاحتفاظ بالانسيابية وعدم تنقير الصاج او الدهان عدا الخبطات الواضحة طبعا اما ال byd ان اغلب السيارات اللى شوفتها كانت فيها تنقير خفيف فهل دى حالات خاصة ولا فعلا الصاج فى byd ضعيف نوعا ما لان لو الموضوع دة حقيقى يبقى هصرف نظر لان بكدة شكل العربية هيقدم بسرعة رهيبة خاصة انى ناوى على اللون السيلفر لو ممكن نصيحة بالله عليكم افيدوووونى والسلام ختام.

**M.Ayman** · 26-06-2012 04:21 PM

طب انا عندى سؤال هو حضرتك ليه مفكرتش فى البريليانس لانها انضف و احسن حتى من ال byd ,,, موضوع الصاج ده للاسف مقدرش افيدك فيه بالنسبه لل byd ,,, بس فكر فى ال fsv لانها شيك قوى و عربيه مرضيه بشكل كبير راحه و اداء رياضى و سعر كويس و شنطها واااااسعه و ثبات و شيك قووى

**lolita** · 26-06-2012 04:46 PM

verna verna verna

**mhi00002000** · 26-06-2012 05:56 PM

المشاركة الأصلية كتبت بواسطة bor3ey

طب انا عندى سؤال هو حضرتك ليه مفكرتش فى البريليانس لانها انضف و احسن حتى من ال byd ,,, موضوع الصاج ده للاسف مقدرش افيدك فيه بالنسبه لل byd ,,, بس فكر فى ال fsv لانها شيك قوى و عربيه مرضيه بشكل كبير راحه و اداء رياضى و سعر كويس و شنطها واااااسعه و ثبات و شيك قووى

طب ممكن سعرها لو سمحت

**sv065** · 26-06-2012 09:25 PM

السلام عليكم

الأخ الفاضل بخصوص تنقير الصاج يرجع لعوامل خارجية ليس لجودة صاج السيارة دور فيه حيث أنه جري العرف في مصر علي إنتظار السيارة بنوع من التزنيق بحيث لا يبقي مجال كافي لفتح وغلق الأبواب دون الإحتكاك بالسيارات المجاورة فضلا عن السلوكيات العدائية للبعض

أما بخصوص جودة الصاج فهو عبارة عن نسخ من صاج الكورولا ولم نسمع عن أحد إشتكي من مشاكل تتعلق بجودة الصاج فلا تقلق مطلقا من هذه الجزئية ويمكنك تقليل مشاكل التجاريح أو التنقير بمحاولة توفير مكان إنتظار مناسب والذي يصعب علي الكثيرين إلا أنه يستحيل منع التجاريح أو التنقير بشكل مطلق

تحياتي

**M.Ayman** · 27-06-2012 01:37 AM

المشاركة الأصلية كتبت بواسطة mhi00002000

طب ممكن سعرها لو سمحت

هبعت لحضرتك رساله فيها جروب ال brillance frv and fsv فى ال facebook و حضرتك اعرف منهم اخر الاسعار و كل اللى عايز تعرفه عن العربيه

**salem2004** · 14-07-2012 11:22 PM

أنا عندي العربية دي موديل 2011 و عاملة 5200 كيلو حتى الآن و ملاحظتي بالنسبة للصاج إنه مش قوي يعني ضعيف و أي خبطة أو ترييحة بتعلم فيه يمكن الكبوت هو إللي قوي بس الأبواب و الإكصدام و الرفارف ضعيفة للغاية يعني تخلي بالك منها .. دي حاجة الحاجة التانية توكيل القطامية بتاعها زباااااااااااااااالة عدا كام واحد شغال فيه و العربية تدخل فيها عيوب واضحة و تطلع زي ما هي و يقولك العربية زي الفل و حطيناها عالجهاز و الجهاز قال إنها تمام و طبعا كله إشتغالات و كلمتهم كتيييير لدرجة الصوت العالي و لكن لا حياة لمن تنادي يعني من الآخر لو هتجيب العربية دي شوف مركز خدمة أو ميكانيكي بره

**hany901119** · 15-07-2012 09:41 AM

المشاركة الأصلية كتبت بواسطة salem2004

أنا عندي العربية دي موديل 2011 و عاملة 5200 كيلو حتى الآن و ملاحظتي بالنسبة للصاج إنه مش قوي يعني ضعيف و أي خبطة أو ترييحة بتعلم فيه يمكن الكبوت هو إللي قوي بس الأبواب و الإكصدام و الرفارف ضعيفة للغاية يعني تخلي بالك منها .. دي حاجة الحاجة التانية توكيل القطامية بتاعها زباااااااااااااااالة عدا كام واحد شغال فيه و العربية تدخل فيها عيوب واضحة و تطلع زي ما هي و يقولك العربية زي الفل و حطيناها عالجهاز و الجهاز قال إنها تمام و طبعا كله إشتغالات و كلمتهم كتيييير لدرجة الصوت العالي و لكن لا حياة لمن تنادي يعني من الآخر لو هتجيب العربية دي شوف مركز خدمة أو ميكانيكي بره

ربنا يستر ده انا رايحلهم بكره انشاء الله ولما آجى هبقى ااكد الكلام ده او هنفيييييه

**rti** · 27-07-2012 04:52 AM

صدقني كله زي بعضه فى موضوع الصاج ده و ياريت تدخل على الرابط ده هتشوف حاجة مش هتصدقها http://www.nilemotors.net/Nile/301280-15.html و يمكن السبب فى كده ان بقى في مواصفة معينة لصاج ورفارف السيارات و دي حاجة ليها علاقه بالحوادث لا قدر الله .

**flightbyd** · 27-07-2012 01:34 PM

صاج اية يا خلق اللى بتتكلموا علية بس العربية خلاص مية مية مفيهاش الهوا ومش فاضل غير الصاج يا فرحتى دى عربية تجمعت فيها كل عيوب جميع سيارات العالم ابتداء من السيات حتى .......اللى بلانا بيها ربنا ما يرحموا فى الدنيا ولا فى الاخرة بمشيئة اللة