التكييف

**MOK3336** · 27-06-2012 01:33 AM

لازم يأثر علي السحب
يعني مش هتسحب معاك زى ما انت مش مشغل التكييف
بص مش التأثير الكبير يعني لو أنت مركز قوى مع العربية هتحس بيه طبعا لكن لو واحد أول مرة يركب العربية مش هيحس بحاجة

**Dr'AhmZZong** · 27-06-2012 02:42 AM

أكيد في تأثير حتى لو بـ 1% .. بس عمر موتور الصني ماهيحسسك بكدة ..

**superhano** · 27-06-2012 10:17 AM

السؤال المهم دلوقتي بقي يا شباب
هل يوجد اي مشكلة في تشغيل التكييف علي السرعات وبالأخص السرعات العالية؟

السؤال دة سألتهلكم عشان ناس كتيييييييير نصحوني بتشغيل التكييف وانا ممور او علي السرعات البطيئه, لان تشغيل التكييف علي السرعات العالية يتلف بلية الكومبرسور.

مستنيين رضوضكم يا اهل الخبرة

**mamingira** · 27-06-2012 01:57 PM

المشاركة الأصلية كتبت بواسطة AhmaZonG

أكيد في تأثير حتى لو بـ 1% .. بس عمر موتور الصني ماهيحسسك بكدة ..

لا انا بحس انالعربية اتكتفت شوية ولازم ادوس على بدال البنزين اجمد من العادى علشان السحب يزيد وملحوظة تانية ان مثلا لو فيه نقلة بتحصل عند 2500 rpm من غير تكييف بتحصل عند 3000 rpm واكتر بالتكييف وصوت الموتور بيعلا .

**Elsebily** · 27-06-2012 02:32 PM

المشاركة الأصلية كتبت بواسطة superhano

السؤال المهم دلوقتي بقي يا شباب
هل يوجد اي مشكلة في تشغيل التكييف علي السرعات وبالأخص السرعات العالية؟

السؤال دة سألتهلكم عشان ناس كتيييييييير نصحوني بتشغيل التكييف وانا ممور او علي السرعات البطيئه, لان تشغيل التكييف علي السرعات العالية يتلف بلية الكومبرسور.

مستنيين رضوضكم يا اهل الخبرة

انا اول مره اسمع الكلام ده بصراحه وياريت لو حد من الاعضاء عنده معلومات عن الموضوع ده يوضحلنا ازاي الكلام ده ؟؟؟؟؟؟؟

**Youssef.Awad** · 27-06-2012 06:36 PM

مفيش اى عربية فى العالم كله ما بتتأثرش بتشغيل التكييف جوة او برة البلد
ولكن .. عملية نسبة وتناسب
يعنى فيه عربيات بتتكتف بتشغيل التكييف وبيظهر تأثيره السلبى بشكل ملحوظ
وفيه عربيات تانية متوسطة وثالثة مش بتتأثر بشكل ملحوظ ومنها الصنى
عن نفسى وعربيتى مانيوال ex كنت باحس بتأثير بسيط فى التسارع من 80-90 فما فوق .. وكنت بافصل الكومبريسور لما احب اخطى عربية قدامى على السريع والمسافة يادوب تكفى لأن استجابة الموتور بتتأخر لحظات بسيطة .. غير كده شغله مع كل دوارة كونتاكت مش بتتأثر خالص