عملت حادثة و انا رايح المقابلة

**Islam_galal** · 22-06-2008 12:12 PM

ألف سلامة و ربنا يعوض عليك

**ZALABANY** · 22-06-2008 12:16 PM

قدر الله وما شاء فعل
حمد الله على سلامتك يا أكرم باشا
والحمد لله انها جت على كده فداك أي حاجه طالما انت سليم وربنا يعوضك خير

**osama** · 22-06-2008 12:17 PM

قدر الله وماشاء فعل
ربنا يعوض عليك

**Ahmed Selim** · 22-06-2008 12:28 PM

ألف سلامة عليك يا باشا

قدر الله و ما شاء فعل

أنا يومياً طريقى الدائرى من مدينة نصر الى المنيب و من فترة لقيت واحد بعربية لادا بيركن على منزل الكوبرى اللى فوق أتوستراد المعادى على الشمال و يسيب العربية و ينزل يعدى الناحية التانية !!!!!!!!!!!!!!!!!!!!!!

شفته لمدة 3 أيام متتالية و بعد كده مشفتوش

نفسى أفهم بيفكر أزاى ؟؟؟؟؟؟؟
أيه السبب اللى يخليه يسيب عربيته فى طريق سريع على الشمال ؟؟؟؟؟؟؟؟؟؟؟؟؟؟؟؟؟؟؟؟

حسبى الله ونعم الوكيل

**tamohsen** · 22-06-2008 12:54 PM

قدر الله و ماشاء فعل
حمدا لله على السلامة

للأسف نفس الموقف حصل معايا قبل كده علي الكورنيش
بني أدم واقف علي الشمال بدون سبب
كان عندي إما اني افرمل جامد
او اخد غرزه زي النقل ماعمل معاك واللي ورايا يلبس

للأسف اخترت اني ادي إشاره انتظار وبعدين افرمل جامد
وقفت فعلا قبله
لكن اللي ورا اللي ورايا كان طايير دخل فيه وزقه عليا
فدخل فيا وانا دخلت في البيه االي واقف سبب المصيبه
بس خبطته كانت بسيطه جدا
بالمقارنه للي حصل بباقي الضحايا

**SEATLOVER** · 22-06-2008 12:56 PM

قدر الله وما شاء فعل
الف سلامة يا اكرم

**Nader** · 22-06-2008 01:10 PM

لا حول ولا قوة الا بالله

معلش يا اكرم انا معرفتش غير امبارح بعد انت ما روحت

ربنا يعوض عليك ويجازيك جزاء الصابرين.

انا عموماً طريقي كل يوم على الدائري من مدينة نصر للمعادي

وكل يوم عربية نص نقل "عربية نظافة" بتكون واقفة ناحية الشمال

مستنية العمال اللي بيلموا اكوام الرمال من على جانبي الطريق وكنت

هلبس فيها مرتين قبل كدة لولا ستر ربنا.... خلوا بالكم يا جماعة من

العربية دي بتكون موجودة كل في المنطقة بين كارفور ونازلة المعادي

في الساعة 8 ونصف صباحاً تقريباً.