الموضوع: استفسار عن الصنى الجديدة

المشاركة الأصلية كتبت بواسطة dodyam

استاذ حسام ( hossam_elwani ) أشكرك على مساعدتك وأنا بالفعل حجزت النهادرة الحمد لله ربنا يكفينا شر طريقها يا رب

بالنسبة للالنترا سعرها بعيد عليا بصراحة و بصيت النهاردة على السيراتو بصراحة تقفيلها ما عجبنيش يمكن لان الصنى مربعة فى دماغى مش عارف بس انا مش هاشترى عربية كورى أغلى من اليابانى و كمان مفيهاش عوامل أمان

وركبت الاوبترا لقيت نفسى اخدت قرار بعدها علطول بالصنى لانها انسب للعائلة

المهم روحت لمعرض عبد اللطيف جميل - نيسان الدوان تاون
عرفت من المندوب ان بيبقى فى عربيات عرض لونها فضى و مش للبيع فقلت يمكن علشان كده معجبنيش التقفيل وقلتله على موضوع الشيكرتون قالى زيك تعالى أوريك الليفينا تقفيل بره صينى تقريبا وشوفت فيها نفس القصة وكمان الصنى القديمة كانت موجودة ونفس القصة برضه وكان معايا واحد صاحبى تانى هو و المندوب اتفقوا انها كده لسهولة التعامل معاها فى الصيانة وقالى ان الكوتش الصينى ده كويس و مش مصرى وان المصرى زجاج و فرش و ضفيرة و ان الموتور و الفتيس يابانى و ان فى حاجات بتيجى من مصنع نيسان الهند وطبعا مصانع نيسان بتخضع لرقابة نيسان اليابان

فى معلومة تانية عرفتها منه جميلة جدا
ان البلان بتاعهم للصيانات هيقل لنص التمن عن صيانات الصنى القديمة وكمان قطع الغيار

وربنا يوفقك و تحجز بكرة ان شاء الله حسب ما قريت موضوعك ويشرفنى اتعرف عليك

مبروك عليك حضرتك روحت الساعه كام اصل انا كنت هناك الساعه 4 تقريبا؟؟

واخترت لون العربيه ولون الصالون ايه؟؟

وحتستلم امتى؟؟

الغريبه ان معلومة الكاوتش الى قالها المندوب هناك وهو اسمه اسلام قالى انه كورى مش صينى بس ماعرفتش اجادل لان مكنش فيه ولا عربيه عشان اثبتله ده

هل ممكن يكون فيه دفعات بكاوتش كورى ودفعات بكاوتش صينى ؟؟

تحياتى وبلتوفيق وياريت تكون متواصل للافاده والاستفاده من كل ماهو جديد

أنا كنت هناك الساعة 5 بعد الشغل و اخترت اللون البرونزى طبعا و الفرش بيج و اللون التانى دهبى وهأستلم بعد شهر ان شاء الله
و الكاوتش المندوب التانى قالى نفس الكلام و قالى انه هيستحمل معاك و انه كويس فى السرعة و الزحلقة
و اتفقت معاه لما يبقى عنده لون برونزى أو دهبى يكلمنى

و لقيت عنده الصنى القديمة ex لونها اسود بس تحفة هى التابلوه بتاعها طبعا خامته ربر جميلة و فى اماكن فى التابلوه من فوق علشان لو حطيت حاجة عليه ماتقعش بس كنبتها ضيقة فى القعدة و ده يفرق معايا
وواضح اننا ممكن نستلم مع بعض فى نفس اليوم

وعلى فكرة كان لسه واصلهم عروض تقسيط جديدة على الميل بس بيبقى فى حظر بيع هابقى اشوفها و احطها فى المنتدى لما يبعتهالى المندوب

بس كنت عاوز أسألك على اجراءات بنك ناصر لو دفعت 60% من العربية و هل فى حظر بيع و لا لأ و هل لازم أحول المرتب عليهم
لانى استسهلت البنك الأهلى علشان عندى حساب هناك و هو تقريبا فايدته 8.5% بعد ما تحسب المصاريف الادارية

على فكرة بكرة هيجيلهم العربية بس تقريبا اسود انا هاروح لو اللون برونزى او دهبى و هابقى اتابع معاك

المشاركة الأصلية كتبت بواسطة dodyam

أنا كنت هناك الساعة 5 بعد الشغل و اخترت اللون البرونزى طبعا و الفرش بيج و اللون التانى دهبى وهأستلم بعد شهر ان شاء الله
و الكاوتش المندوب التانى قالى نفس الكلام و قالى انه هيستحمل معاك و انه كويس فى السرعة و الزحلقة
و اتفقت معاه لما يبقى عنده لون برونزى أو دهبى يكلمنى

و لقيت عنده الصنى القديمة ex لونها اسود بس تحفة هى التابلوه بتاعها طبعا خامته ربر جميلة و فى اماكن فى التابلوه من فوق علشان لو حطيت حاجة عليه ماتقعش بس كنبتها ضيقة فى القعدة و ده يفرق معايا
وواضح اننا ممكن نستلم مع بعض فى نفس اليوم

وعلى فكرة كان لسه واصلهم عروض تقسيط جديدة على الميل بس بيبقى فى حظر بيع هابقى اشوفها و احطها فى المنتدى لما يبعتهالى المندوب

بس كنت عاوز أسألك على اجراءات بنك ناصر لو دفعت 60% من العربية و هل فى حظر بيع و لا لأ و هل لازم أحول المرتب عليهم
لانى استسهلت البنك الأهلى علشان عندى حساب هناك و هو تقريبا فايدته 8.5% بعد ما تحسب المصاريف الادارية

يعنى احنا الاتنين بصره فى اللون هههه بس انا صالونى اسود

وفعلا كان فيه نيسان سودا العمال كانو بينظفوها عشان تتسلم بس خلاص الشكل القديم راحت عليه وبقى كلاسيكى اوى

اما بلنسبه لبنك ناصر انا حتعاقد معاه بنظام ضمان الوديعه يعنى لازم يكون موجود وديعه بنسبه 40% من المديونيه بعد حساب الفائده وانا دافع مقدم 65% من تمن العربيه

يعنى القاعده بنظام الوديعه انك تدفع مقدم لايقل عن 15% + 40% وديعه من قيمة المديونيه الاجماليه

وتدفع قسطك كل شهر عادى وبتاخد العائد على الوديعه بعد سنه من تاريخ الايداع والعائد اعلى من نسبه الفائده على المديونيه من المتبقى من تمن العربيه

اما نظام ضمان المرتب لازم يكون مرتبك ضامن للقسط مضروب *2 يعنى لو قسطك 1000 جنيه لازم يكون مرتبك 2000 والكلام ده من خدمة عملاء البنك وياريت تتأكد منه

بس الاكيد انك مابتحولش المرتب بتاعك على البنك .... الى بيحصل انك بتجيب خطاب من الشغل عندك يتعهد بيه بتحويل مرتبك الى البنك فى حين طلب البنك التحويل وده طبعا مش حيحصل الا لما تقصر فى دفع الاقساط

والاحلى ان مفيش اى تأمين الزامى على العربيه يعنى حنترحم من 20000 الف رايحين على الارض وده من وجهة نظرى لان فيه ناس بتفضل التأمين تحت اى ظروف

بس اعتقد ان البنك الاهلى بيشترط التأمين صح ولا لا ؟؟

تحياتى

المشاركة الأصلية كتبت بواسطة dodyam

على فكرة بكرة هيجيلهم العربية بس تقريبا اسود انا هاروح لو اللون برونزى او دهبى و هابقى اتابع معاك

انت ماشوفتش البرونزى على الطبيعه؟؟

انا شوفته تحفه + انه فى الاعلان الرسمى جميل جدا .....

بس تعرف لما بصيت لجنط اليفينا الــ 15 حسيته حيبقى روعه لو على الصنى لانه تحفه فى حد ذاته وخصوصا انه اربعه مسمار

بس يترى ممكن يكون موجود استعمال فى الحرفيين فى القاهره او عند بتوع الاستيراد او فى بور سعيد ؟؟

انا شوفت طبعا الدهبى و البرونزى على الطبيعة الاتنين تحفة بس البرونزى عليه الطلب أكتر انا كنت هأحجز زيك الفرش اسود علشان الأولاد طبعا لكن لما شوفت البيج مع العربية البرونزى لقيته تحفة كانت واقفة عند مودرن سيدى جابر بس كنت عاوز أتأكد من الالوان تانى علشان ترتيب الأولوية مش أكتر لانى نفسى كنت اجيبها لون فاتح دهبى يعنى و كان نفسى فى السيلفر بس ما عجبنيش لما شوفته فرشه لازم اسود و النواكل و الشبكة الامامية مش باينين فيه

بالنسبة للبنك الأهلى أنا هاظبط قرض شخصى مع تحويل المرتب فبالتالى مفيش لا تأمين و لا حظر بيع وارخص 3 سنين براحتى فايدة 7.95 % و مصاريف ادارية 2% تخصم مقدما و فايدة أول شهر تخصم مقدما برضه يعنهى تحسبها تلاقى تقريبا 8.5 % كله على بعضه

على العموم انا كنت شايف بنك ناصر على الموقع بتاعه حاطط شرح هابص عليه بكرة و اشوف ايه القصة

آه افتكرت حاجة المدير بتاعى النهاردة كان بيرخص عربيته فى المرور كان اتصل بالنمرة بتاعتهم بتاعت الترخيص عن طريق التليفون من قبل كده و قالولوه يجى النهاردة علشان الفحص الفنى قالى كان طابور عند الفحص بس استقبله تقريبا واحد و خده لشباك مخصوص للخدمة الجديدة فاضى انا ما ركزتش معاه أوى ومش عارف هتنفع مع العربيات الجديدة و لا ايه الكلام هأشوف بكرة و أقولك بس عامة والله كويس ان عندنا فى مصر حاجة زى كده

المشاركة الأصلية كتبت بواسطة dodyam

انا شوفت طبعا الدهبى و البرونزى على الطبيعة الاتنين تحفة بس البرونزى عليه الطلب أكتر انا كنت هأحجز زيك الفرش اسود علشان الأولاد طبعا لكن لما شوفت البيج مع العربية البرونزى لقيته تحفة كانت واقفة عند مودرن سيدى جابر بس كنت عاوز أتأكد من الالوان تانى علشان ترتيب الأولوية مش أكتر لانى نفسى كنت اجيبها لون فاتح دهبى يعنى و كان نفسى فى السيلفر بس ما عجبنيش لما شوفته فرشه لازم اسود و النواكل و الشبكة الامامية مش باينين فيه

بالنسبة للبنك الأهلى أنا هاظبط قرض شخصى مع تحويل المرتب فبالتالى مفيش لا تأمين و لا حظر بيع وارخص 3 سنين براحتى فايدة 7.95 % و مصاريف ادارية 2% تخصم مقدما و فايدة أول شهر تخصم مقدما برضه يعنهى تحسبها تلاقى تقريبا 8.5 % كله على بعضه

على العموم انا كنت شايف بنك ناصر على الموقع بتاعه حاطط شرح هابص عليه بكرة و اشوف ايه القصة

آه افتكرت حاجة المدير بتاعى النهاردة كان بيرخص عربيته فى المرور كان اتصل بالنمرة بتاعتهم بتاعت الترخيص عن طريق التليفون من قبل كده و قالولوه يجى النهاردة علشان الفحص الفنى قالى كان طابور عند الفحص بس استقبله تقريبا واحد و خده لشباك مخصوص للخدمة الجديدة فاضى انا ما ركزتش معاه أوى ومش عارف هتنفع مع العربيات الجديدة و لا ايه الكلام هأشوف بكرة و أقولك بس عامة والله كويس ان عندنا فى مصر حاجة زى كده

ربنا يوفقك

بس بخصوص خدمة المرور دى مش فاهمها اشرحلى اكتر

موضوع شيق وفيه كلام كتير مفيد . متابع .