السلام عليكم يا شباب
النهارده هاحكيلكم النصباية الي اتعرضت ليها
انا عربيتي فيكترا 97 1600 مانيوال
المهم رحت موبيل الي في الرمايه اغير زيت وقلت للاخ الفاضل الي بيغير الزيت حط موبيل 3000 قعد يقنعني بالموبيل 1 وانا اقوله الميكانيكي قالي ماتحطوش علشان العربية هاتسخن المهم علشان اخلص من الزن حطيته (والباشا طبعا نسي يغير الفلتر) المهم طلعت الدائري ونزلت كورنيش المعادي الاقي العربية حرارتها فوق ال100 رحت طافي التكييف وواقف لحد ما بردت وكملت ووانا راجع اكتوبر سخنت تاني بس للامانه اليوم ده كان حر جدا (العربية كانت قارية 45.5 درجه الحراره)

المهم رحت غيرت الفلتر واجرب لقيتها لسه بتسخن الغريبه بقي انها بتسخن مع التكييف بس لو التكييف مطفي مابتسخنش

المهم كلمت اكسون موبيل اول امبارح وعملت شكوي ولسه ماردوش عليا شوية واكلمهم تاني النهاردة ولو ما عملوش حاجه هاكلم حماية المستهلك واقولكوا حصل ايه بس هل فعلا موبيل 1 الي بيقعد 10,000 اخف وتبريده اقل من ال3000 ؟؟