ارجو الافادة لانها المرة الاولي

**fanky_fanky** · 03-07-2012 04:14 PM

الأول احب اوجه تحية لكل اعضاء المنتدي والقائمين عليه لانه بجد منتدي اكتر من رائع وحاسس اني في وسط اسرة كبيرة مش مجر ناس بتتكلم وخلاص ،،،

ثانياً اخوكم بقي محتار في حاجة ومحتاج مساعدة ..
انا لأول مرةيبقي معايا مبلغ كبير اشتري بيه عربية الحمد لله .. المبلغ ده ان شاء الله هيبقي 70 ألف جنيه ومحتاج اعرف أرائكم في الأسئلة التالية:

1 - أشتري عربية زيرو ولا اشتري عربية تكون كسر زيرو بمواصفات اعلي من الزيرو اللي في السعر ده ؟

2 - ايه افضل عربية في السعر ده .. انا عارف ان الاختيارات مش كتير ( فيرنا-لانوس-اسبيرانزا 516- او ساجا بس الساجا 1300 cc ) فياريت الناس تقولي ايه رايها ده طبعا لو هشتري زيرو

3 - ولو هشتري كسر زيور ايه افضل الحاجات اللي ممكن تبقي بحالة الزيرو في السعر ده؟؟

4 - ولحد كام كيلو في العداد يعتبر كسر زيرو؟

اسف للاطالة ولكني حسيت ان الناس هنا همها الحقيقي الافادة والاستفادة فياريت الاقي اهتمام من حضراتكم بموضوعي .. وشكراً مرة تانية

**bobozoro** · 03-07-2012 04:49 PM

الساجا 1300cc مش عيب خصوصا انها بتعمل 94 HP مشكلتك في الساجا الوكيل وقطع الغيار لكن غير كده العربية محترمة

موضوع كسر الزيرو ده لازم تبقي ضامنه قوي انا ماعرفش ازاي بس ممكن اصدقئنا هنا يدلوك

**mohamed_mesho3** · 03-07-2012 05:00 PM

لو هتستحمل التوكيل و غلاسته خليك فى الساجا
لو مش هتغير قريب و عايلتك كبيرة و عايز عربية واسعة خليك فى اللوجان
لو مش هتسافر كتير خليك فى الفيرنا
لو عايز حاجة فيها كل حاجة بس وسط خليك فى اللانوس
ابعد عن ال 516
موضوع كسر الزيرو مش مضمون , الزيرو زيرو لو ماروتى

**fanky_fanky** · 03-07-2012 06:10 PM

المشاركة الأصلية كتبت بواسطة bobozoro

الساجا 1300cc مش عيب خصوصا انها بتعمل 94 hp مشكلتك في الساجا الوكيل وقطع الغيار لكن غير كده العربية محترمة

موضوع كسر الزيرو ده لازم تبقي ضامنه قوي انا ماعرفش ازاي بس ممكن اصدقئنا هنا يدلوك

المشاركة الأصلية كتبت بواسطة mohamed_mesho3

لو هتستحمل التوكيل و غلاسته خليك فى الساجا
لو مش هتغير قريب و عايلتك كبيرة و عايز عربية واسعة خليك فى اللوجان
لو مش هتسافر كتير خليك فى الفيرنا
لو عايز حاجة فيها كل حاجة بس وسط خليك فى اللانوس
ابعد عن ال 516
موضوع كسر الزيرو مش مضمون , الزيرو زيرو لو ماروتى

شكرا بجد للأهتمام .. بس واضح ان توكيل البروتون فيه مشاكل

شكلها كده الفيرنا واللوجان هما الأقرب .. وحلوة اوي حكاية الزيرو زيرو ولو كانت ماروتي :) فعلا مقولة في محلها جدا

شكرا بجد

**S O P H O S** · 03-07-2012 06:35 PM

حضرتك شوف فيرنا او لوجان وقارن بينهم
من حيث احتياجاتك ايه
موفق ان شاء الله ...

**mohamed_mesho3** · 04-07-2012 03:07 AM

المشاركة الأصلية كتبت بواسطة fanky_fanky

شكرا بجد للأهتمام .. بس واضح ان توكيل البروتون فيه مشاكل

شكلها كده الفيرنا واللوجان هما الأقرب .. وحلوة اوي حكاية الزيرو زيرو ولو كانت ماروتي :) فعلا مقولة في محلها جدا

شكرا بجد

العفو يا باشا دا واجب علينا
الفيرنا ممتازة فى السحب و التكييف رهيب عن اللوجان عيبها الثبات و الارتفاع عن الارض
اللوجان اعلى بكتير من الفيرنا ( لان الفيرنا مع الحمولة بتحك جامد ) اوسع كتير من الفيرنا , عيبها ان قطع غيارها غالية شوية و التكييف مش بقوة اليابانى و الكورى و سحبها تقيل نوعا ما , بس عربية ممتازة