المرة دي بقى عايز انضم بجد

**ahmedmaklad** · 04-07-2012 12:25 AM

السلام عليكم
انا كان معايا اوبل فكترا سي و و الحمد لله اتباعت و دلوقتي بقى بجد انا عايز اجيب رينو من زمان و انا عايز اجيبها قبل ما ابيع عربيتي الاقي اعلانات على عربيات حلوة جدا و اول ما ابيع فجاة تختفي كل الرينو ميجان
كل مرة كنت بفكر في ميجان و لحد دلوقتي عجباني و برده عجباني الفلوانس بس الفئة اللي فيها جنوط
السؤال بقى و المساعدة
1- الميجان من 2007 لفوق الفئة اللي فيها جنوط برده ممكن تعمل كام
2- الفلوانس 2010 الفئة اللي فيها جنوط برده ممكن تعمل كام
3- هل التكييف في الفلونس و الميجان فعلا ضعيف و عامل ازاي الايام دي في الحر ده
4- هل هتصدم لما انزل من الفكترا للميجان او الفلوانس
5- الثبات عامل ايه
6- كان في زميلنا هنا باع هوندا و جاب فلوانس و مشجعني جدا لان الهوندا من اختياراتي برده
لو حد يعرف ميجان من موديل 2007 فيما فوق او فلونس نضيفة يا ريت يقولي لاني متبهدل من غير عربية
يا رب بقى المرة دي

**MohammedAladel** · 04-07-2012 01:29 AM

اشتريت ميجان 2007 مستعملة 105 ألف كيلو جنوط وتكييف بكرة عادى وفيها حكة فى الرفرف حالتها ممتازة والحمد لله وعاجبانى جدا وحاسس إنها تساوى كتيييييييييير اشترتها ب 65 ألف بس عايزة شوية مصاريف برضه بس الميجان ثباتها رائع عن تجربة لحد 140 مرضتش أجرى بيها أكتر من كدا عشان أنا موسوس من الكاوتش حالته وحشة التكييف جيد ولكن ليس ممتاز الفلوانس أسمع إنه أقوى من الميجان ولكن أنا بحب ميجان قوى وحاسس إنها بالنسبة لعربيات تانية مرسيدس والله

**Mohab.Nabil** · 04-07-2012 01:55 AM

المشاركة الأصلية كتبت بواسطة ahmedmaklad

السلام عليكم
انا كان معايا اوبل فكترا سي و و الحمد لله اتباعت و دلوقتي بقى بجد انا عايز اجيب رينو من زمان و انا عايز اجيبها قبل ما ابيع عربيتي الاقي اعلانات على عربيات حلوة جدا و اول ما ابيع فجاة تختفي كل الرينو ميجان :b4_048:
كل مرة كنت بفكر في ميجان و لحد دلوقتي عجباني و برده عجباني الفلوانس بس الفئة اللي فيها جنوط
السؤال بقى و المساعدة
1- الميجان من 2007 لفوق الفئة اللي فيها جنوط برده ممكن تعمل كام
2- الفلوانس 2010 الفئة اللي فيها جنوط برده ممكن تعمل كام
3- هل التكييف في الفلونس و الميجان فعلا ضعيف و عامل ازاي الايام دي في الحر ده
4- هل هتصدم لما انزل من الفكترا للميجان او الفلوانس
5- الثبات عامل ايه
6- كان في زميلنا هنا باع هوندا و جاب فلوانس و مشجعني جدا لان الهوندا من اختياراتي برده
لو حد يعرف ميجان من موديل 2007 فيما فوق او فلونس نضيفة يا ريت يقولي لاني متبهدل من غير عربية
يا رب بقى المرة دي

الاسعار معرفش اوى بصراحة عشان مفتيش ممكن الزملاء يفيدوا اكتر بس هقول اللى اعرفه رينج الميجان مثلا ممكن من 70 الف لحد 80 الف لو حالة نظيفة اوى و الفلوينس ممكن من 100 لـ 110 لو حالة كويسة برضه

التكييف مش ضعيف بس بصراحة مش زى اليابانى بس حاله زى حال كل الاوروبى مش بيهتموا بالتكييف اوى بس هو كويس مش وحش و مش ممتاز .. تكييف الفلوينس احسن شوية من تكييف الميجان

لا مش هيبقى فيه صدمة خالص ان شاء الله و هتحس انك راكب عربية محترمة سواء ديه او ديه

الثبات معروف فى الرينو .. ماشاء الله الاثنين ثباتهم احسن من بعض و الاثنين امان جدا

بالتوفيق ان شاء الله

**ahmedmaklad** · 04-07-2012 10:23 AM

المشاركة الأصلية كتبت بواسطة mohammedaladel

اشتريت ميجان 2007 مستعملة 105 ألف كيلو جنوط وتكييف بكرة عادى وفيها حكة فى الرفرف حالتها ممتازة والحمد لله وعاجبانى جدا وحاسس إنها تساوى كتيييييييييير اشترتها ب 65 ألف بس عايزة شوية مصاريف برضه بس الميجان ثباتها رائع عن تجربة لحد 140 مرضتش أجرى بيها أكتر من كدا عشان أنا موسوس من الكاوتش حالته وحشة التكييف جيد ولكن ليس ممتاز الفلوانس أسمع إنه أقوى من الميجان ولكن أنا بحب ميجان قوى وحاسس إنها بالنسبة لعربيات تانية مرسيدس والله

و الله انا بحب العربية دي برغم كل ما يقال و الثبات لحد 140 ده كفاية قوي

المشاركة الأصلية كتبت بواسطة mohab.nabil

الاسعار معرفش اوى بصراحة عشان مفتيش ممكن الزملاء يفيدوا اكتر بس هقول اللى اعرفه رينج الميجان مثلا ممكن من 70 الف لحد 80 الف لو حالة نظيفة اوى و الفلوينس ممكن من 100 لـ 110 لو حالة كويسة برضه

التكييف مش ضعيف بس بصراحة مش زى اليابانى بس حاله زى حال كل الاوروبى مش بيهتموا بالتكييف اوى بس هو كويس مش وحش و مش ممتاز .. تكييف الفلوينس احسن شوية من تكييف الميجان

لا مش هيبقى فيه صدمة خالص ان شاء الله و هتحس انك راكب عربية محترمة سواء ديه او ديه

الثبات معروف فى الرينو .. ماشاء الله الاثنين ثباتهم احسن من بعض و الاثنين امان جدا

بالتوفيق ان شاء الله

انا ركبت عربية ميجان موديل 2009 هايله بس التكييف كان ضعيف جدا بس مش عارف كنت حاسس انها فيها مشكلة بس شفت فلوانس امبارح ثبت صاحبها :)و قالي تكييفها كويس
و كالعادة اختفت كل الفلوانس و الميجان من البيع :) ربنا يسهل

**MohammedAladel** · 04-07-2012 01:39 PM

دور وإن شاء الله هتلاقى حاجة كويسة والتكييف مش ضعيف التكييف جيد وأنا بالنسبة لى مش محتاجه فى عز الحر بفتح الشبابيك حاجة بسيطة والشماسات ومية مية لكن فى الشتاء مقدرش أستغنى عنه :)

**horas3000** · 04-07-2012 02:18 PM

شوف دي يا باشا

http://www.nilemotors.net/Nile/29707...post3874409497

**ahmedmaklad** · 04-07-2012 03:11 PM

المشاركة الأصلية كتبت بواسطة horas3000

شوف دي يا باشا

http://www.nilemotors.net/nile/29707...post3874409497

المشاركة الأصلية كتبت بواسطة mohammedaladel

بصراحة لقطة الفلوانس النبيتى دى ربنا يوفقه فى بيعها

بصراحة هي هايلة و ربنا يبارك لصاحبها ان شاء الله بس انا عايز الفئة الاعلى على طول يعني شوية الكماليات دي هتفرق معايا عشان كنت راكب الاوبل ربنا يسهل ان شاء الله
على العموم بجد شكرا جدا على المجهود و دي حاجة بجد مشجعاني اني اجيب رينو يعني لو احتجت حاجة هلاقي ناس كتير هنا تساعدني

**MohammedAladel** · 04-07-2012 03:23 PM

الميجان أوبشنها أعلى من الفيكترا للعلم :)

**MohammedAladel** · 04-07-2012 03:24 PM

طيب ما تقولنا حضرتك على مميزات الأوبل اللى كانت مع حضرتك لأنى بحب جدا الفيكترا الشكل الجديد وياريت تقولنا ع الأوبشن بتاعها وهل فيها فتحة سقف ولا لا للعلم ميجان هاى لاين فيها فتحة سقف بانوراما حكاااااااااية