الموضوع: موسوعة السيينا (قطع غيار - بدائل - فنيين -........)

عاوز كتالوج سيينا 2002 1400سيسي عربى

المشاركة الأصلية كتبت بواسطة marwan2368

السلام عليكم ورحمة الله هذا الموضوع لتجميع كل ما يخص السيينا وعارف ان في مواضيع كثيره لهذا الغرض ولكن مشكلتها انها مواضيع قديمة وغير مرتبة وبالتالي لا تتفق مع الواقع كل حاجة بتتغير

كمان
اكثر مشكلة بتقابل العربية وسوقها قطع الغيار فعلا مشكلة نحن نقع بين المطرقة والسندان
مطرقة الكيلاني واسعاره الخرافية المستفزة وحسبي الله ونعم الوكيل في استغلاله البشع اللي شجعوا عليه سلبيتنا

وسندان بتوع الاستيراد اللي بيضربوا اسعار قربت من اسعار الكيلاني رغم انهم استعمال وجايبين الحاجة بتراب الفلوس لدرجة واحد النهارده عايز يبيع ليه غطاء علبة الفيوزات ب 80 جنيه وحالته قذرة

الحل ..... البركة في الجماعة والتعاون وتناقل الخبرات بل والتوحد والاتفاق الذي يصل ان نتفق مع محل قطع غيار جديد واستيراد يستورد لنا ونتعاون معه جميعا بمكسب منطقي له ونضرب ابو الكيلاني بس لازم محل له اسمه ليكون قادر على ذلك وطبعا هيتعاون معانا لو لقى اننا مثلا 50 صاحب عربية وممكن نجمع اكثر من كده
وكذلك في الميكانيا والكهرباء نتفق مع واحد وحتى ملاك سيينا في المحافظات ممكن يكونوا معانا ونشتري لهم من هذا المحل ونشحنه لهم وهكذا

فكره ممكن تكون خياليه انما مع شعب يملك الارادة مافيش مستحيل

كمان

عايزين اي واحد بالصدفة اكتشف ان هناك قطعة في السيارة تتوافق مع قطه من سيارة اخرى بناء على تجربة يقول يعني مثلا واحد قالي حاجة هجربها بكره وانقلها لكم ان غمازات اشارتها تمشي مع غمازات الانوس
وهكذا نقدر نضع بديل واعتقد ان اللي اخترع الميكانيكا بتاعتها ما اخترعش العجلة حتى حساستها اكيد هناك شبيه بس عيب المصريين مش بيعرفوا ولا يحبوا يجربوا وضيعوا سمعة عربية ماشي بيها على 140 النهاردة على الدائري وبالتكيف ولله الحمد اللي معايا مش حاسين بالطريق ثبات سرعة سحب ما شاء الله
فيها عيوب ......... طبعا ... مافيش حاجة من غير عيوب ... تكيفها مش قد كده عندي عشان في منافذ مش بيخرج منها الهوا الفتيس حارتها ضيقة شوية يمكن محتاجة تظبيط .............. وعلى فكره .... ادخل على اي قسم واي سيارة هتلاقي مشاكل والغاز السيينا اعشقها بس نظبط مشاكلها ونتفق

تفضلوا على بركة الله ضعوا خبراتكم نتبادل الخير وقد نصل لتوافق وتعاون يعتقده البعض اليوم ضربا من الخيال ليكون غدا واقعا نحسد عليه