ارجو المساعده في فتيس البي ام

**AHMAD FAHEEM** · 22-06-2008 04:54 PM

السلام عليكم ورحمه الله وبركاته
انا معايا عربيه بي ام 520 اي موديل 92 وحصل معايا حاجه غريبه جدا
الفتيس بتاعها اوتوماتك مبقاش ينقل في حاره ال P ولا في 4 ,3 2

يعني الحارات اللي شغال فيها هي
R-n-d فقط لا بيطلع قدام ولا بيرجع لورا كان فيه حاجه حديد منعاه
مع ان العربيه ماشيه كويس الحمد لله ومفيش اي تغير علي السحب او اي اصوات غريبه مع المشي
يا ريت لو حد يعرف ايه العيب دا وهل تكلفه اصلاحه غالي ولا رخيص
وهل ياثر علي العربيه اني امشي بيها كتير علي الوضع دا
وشكرا للجميع الاخوه في المنتدي

**Xpert** · 22-06-2008 05:02 PM

بص يا سيدي .. بما ان انا مش مجمع الحكايه بالظبط انا هسال ...
الفتيس بياخد الغيار ال P و مش عاوز يمشي ؟ده كده يبقي شيل الفتيس و ارميه جنب ال 4 اللي انا راميهم هههههههههههههه
لو العصايه مش عاوزه تتحرك علي ال P يبقي شوف ممكن العصايه تكون فيها حاجه محشوره .. و ممكن تروح لميكانيكي يشوف يفك العصايه من الفتيس و يحرك الحته بتاعه الغيارات نفسها .. و ممكن العصايه نفسها تكون باظط ..
لما بتدوس السوسته بتاعه الغيارات بتحس بالسوسته ؟ ممكن يكون قلب العصايه فالت كمان...
يا باشا عندنا قسم خاص للبي ان يا باشا علشان مانتوهش في المواضيع كده ههههههههه

**AHMAD FAHEEM** · 22-06-2008 05:21 PM

معلش يا اكسبرت باشا
هو الفتير ما بيرحش البي خالص
باختصار كان الفتيس بقي 3 نقلات بس R-n-d
معرفش موضوع السوسته دا بس هي من الاول كانت مش شغاله
يعني بنقل علي طول
انا شاري العربيه مستعمله من اربع سنين وكانت السوسته مش شغاله برضه
شكرا لاهتمامك يا زعييييييم

**Xpert** · 22-06-2008 05:29 PM

ماهه السوسته دي ليها لزمه والله ...
بص يا سيدي .. و 90% ده اللي حصل ..المالك السابق لغي السوسته و فك العصايه و لعب فيها ..و لغي السوسته ...
السوسته دي ليها لزمه يا باشا .. السوسته دي بترفع قلب معدني او بلاسيتك حسب نوع العصايه .. القلب ده عباره عن سيخ بيترفع لما تدوس علي السوسته .. فكرته انه علشان و انت ماشي و حد خبط العصايه لقدام ماتاخدش الr بالغلط .. فبالتالب لازم تدوس السوسته علشان تغير و تدي ال R ... غالبا لو ده اللي حصل (وده الارجح) يبقي اللي حصل ده في العصايه .. و القلب ده سقط او حاجه و مابيغيرش ...عوضك علي الله و اشتري عصايه فتيس جديده .. (اتاكد الاول ... بانك تروح للميكانيكي تقوله ينزل تحت العربيه و يتاكد ان الفتيس بياخد غياراته عادي من تحت لو فصل العصايه عنه) .. و اوعي تخليه يجرب و العربيه دايره لحسن تدعكه تحتيك ههههههههههههه