الموضوع: انتى واحده مش محترمه

المشاركة الأصلية كتبت بواسطة hany63

مهو يا باشا المريض النفسي ما بتفرقش معاه نوع اللبس و بعدين دي مسائله نسبيه يعني اللي شايفه حضرتك حشمه عيل صايع يشوفه كله إغراء الحل غض البصر ولا عايزين تحللوا الغلط بدليل ياما منتقبات اتعرضوا للتحرش طب دي كمان نعملها ايه نولع فيها؟

انا مبحللش الغلط ... كل واحده تحتشم و تعمل اللي عليها و ربنا يحفظها ... لكن مش تلبس المحزق و الملزق و الممزق و تقول يا خرابي لما تتعاكس

آه صح هحكى موقف نثقل بيه الموضوع بتاعنا لأكتر من مرة شفت منقبة لابسة عباية ملونة وضيقة وشيك قوى وجزمة ماشية طق تك طق تك والعباية دى مفتوحة من تحت مع عند الساقين عشان تدى براح فى المشى والشنطة فى إيديها والنقاب بقى مرسوم رسم على وشها مش خيمة وعينيها واضحة وضوح الشمس فيها مكياج سحر لونه متناسق مع العباية والنقاب طبعا أنا ركزت وبحلقت مقدرتش أقاوم الجاذبية وللعلم شفت كذا مرة منقبات نفس الاستايل دا خصوصا عندى فى الجامعة أنا بحس ان النوع دا بيحب يجرب وسيلة جديدة بما إن الراجل فضولى تجاه المرأة فهو عايز الشئ المميز والمختلف يعنى سهل ممتنع لا أنت شايفها ولا هى منقبة !!!!!!! وفعلا دا اللى بيحصل معايا مع الفئة دى من البنات :)

موقف كمان بس المرة دى عشان نربط الموضوع بالسيارات والكلام يحلو النهاردة الساعة الحادية عشر ونصف كنت فى المنيا المحافظة أنا ووالدى وإخواتى المهم واقف راكن العربية ودايخ وتعبان ولقيت بنت من إياهم اللى بنحكى عليهم دول جاية بعربية مخدتش بالى منها بكانتو ولا آ تن اللى شدنى البنت نفسها عربيتين راكنيين باسات وإلنترا وشهم للرصيف وضهرهم للشارع الشارع دا واسع يعنى قوى المهم هى قربت بسرعة وراحت هتلف من عند العربيتين وهوب إخبطى العربية الإلنترا من ورا فى الإكصدام تعمل إيه ؟؟ تستنى ثانية وتكمل تخبط الباسات وأنا كلاكس بيب بيب ولا الهوا المهم راحت رجعت تانى لورا عشان تفك الملحمة اللى عملتها وجاية عليا رحت شاورتلها وبرضه بيب بيب الحمد لله بصتلى وضحكت ضحكة رقيقة وأنا كنت هشد فى شعرى بس غصب عنى ضحكت وهى مشت تانى يعنى مش عارف ايه اللى عملته دا حتى ما نزلتش من العربية شافت إيه اللى حصل وكل دا محدش واخد باله غيرى نزلت أنا أشوف اللى حصل للعربيتين الإلنترا حكة خفيفة قوى تكاد تكون مش باينة والباسات محصلهاش حاجة من كرم ربنا على أصحابهم للعلم أنا مش سواق قوى على قدى لسة متعلم جديد مرة رجعت ريحت على عربية نزلت شفت المنظر كنت هعيط :)

المشاركة الأصلية كتبت بواسطة egyzizo

أحياناً ، باحمد ربنا انه مارزقنيش ببنات فى مجتمع زى مجتمعنا ..

والله يا باشا حال الولاد من حال البنات

انا يا جماعه مش بأيد اللبس الخارج ده عيب و حرام و اعتقد كلنا اجماع على كده
المشكله في المناقشه ان فيه فريقين:
1- ناس بتنتقد و تشتم البنات و شايفه انهم يستاهلوا اللي بيجرى لهم و شبه مؤيدين لكده من باب العقاب ليهم
2-ناس شايفه ان دي حريه و ربنا الوحيد اللي يحاسب و المفروض الشباب يغض بصره

رأيي الشخصي ان لو كل واحد احترم خصوصيه غيره و خلاه في نفسه غيره برضه هيحترم خصوصيته عشان لو عايز تبقى محترم و محدش يتعرض لك انت و اهل بيتك لازم تحترم غيرك و تسيب الغلط للقانون الارضي او للقانون الالهي اما غير كده المجتمع هيبقى كله تحرش سواء جنسي او حقد او كراهيه و البلد هتضيع