الموضوع: انتى واحده مش محترمه

اولا البس ده موضوع نسبى ممكن تكون واحده محجبة ولبسها واسع فى نظر البعض محتشمة وفى نظر ناس تانيه متبرجة

رأيك انت حر فيه وقد يكون صح وان البس ده غريب عن المجتمع بتاعك والبيئة الى انت عايش فيها وده على فكره رأى انا الشخصى ومقتنع بيه,

انما فى نفس الوقت الى يقول اذا كانت هى بتليس لبس مش عاجبنى يبقى تستاهل ان حد يتحرش بيها يبقى انت لما تنزل البحر بمايوه ويجى حد ليه فى الخشن يتحرش بيك متزعلش,

الى بيقول ان أكيد الى بتلبس كده بتبقى عايزه تتعاكس يبقى متزعلش اما تلبس شورت عشان تروح تلعب كوره والناس تقول عليك ده اكيد لابس شورت علشان عايز يتشقط,

الى بيقارن مابين حريه شخصيه فى اللبس وحرية شخصية فى التحرش كأنه بيقارن ما بين الحرية الشخصية فى انك تشرب سجاير بالحرية الشخصية فى انك تطفى السجارة فى عين اى حد ماشى فى الشارع وتعميه,

شايف ان الى بيتحرش ببنت لابسه مفتوح فى الشارع عشان محروم وشكلها مستفز معذور, يبقى متزعلش لما تنزل بعربيتك وواحد معندوش عربية يسرقها عشان عربيتك شكلها مستفز بالنسبه له ويبقى برده معذور,

طبعا البس الضيق والقصير حرام اسلاميا بدون مجادلة, بس انت مش عايش فى بلد كلها مسلمين, ولو مسلمة, انت دينك أمرك انك تعاكسها او تتحرش بيها? ولا أمرك انك تغض بصرك؟

اخلاقيا هى حره تلبس الى هيا عايزاه وانت متضايقهاش,
دينيا ربنا الى هيحاسبها مش انت,
بص لنفسك قبل متحاسب الناس التانيه, اعرف ان مش معنى ان فى بنى أدم مختلف عنك فى اى حاجة يبقى ده مبرر انك تحكم عليه وتقيمه وممكن يكون هو او هى احسن منك عند ربنا.

قلة التربية المتدينة هيه سبب كل دة.بس قله ادب البنت وتبرجها مش مبرر ابدا ان الولد يتحرش .

بس انت مش عايش فى بلد كلها مسلمين

و برضه الدين المسيحي بيدعوا للبس الواسع الفضفاض و للحجاب ... الموضوع ملوش علاقه بالدين علي فكره

المشاركة الأصلية كتبت بواسطة screenplays

و برضه الدين المسيحي بيدعوا للبس الواسع الفضفاض و للحجاب ... الموضوع ملوش علاقه بالدين علي فكره

صح, بس كل واحد بيفهم الدين بطريقته, فى ناس مقتنعه ان المسيحين لازم يتحجبو مادام قاعدين فى بلد اغلبيتها مسلمين وان شعر البنت ده فتنه, زى ما برده فى ناس فى اوروبا مقتنعين ان النقاب والحجاب ده المفروض يتمنع مادام فى دوله اغلبيتها بوذيين او اى ديانه تانيه.

المشاركة الأصلية كتبت بواسطة authority973

صح, بس كل واحد بيفهم الدين بطريقته, فى ناس مقتنعه ان المسيحين لازم يتحجبو مادام قاعدين فى بلد اغلبيتها مسلمين وان شعر البنت ده فتنه, زى ما برده فى ناس فى اوروبا مقتنعين ان النقاب والحجاب ده المفروض يتمنع مادام فى دوله اغلبيتها بوذيين او اى ديانه تانيه.

وعشان كده انا قلت حتى لو مسلمة

المشاركة الأصلية كتبت بواسطة mohdamin18

انا فعلا اكتر حاجة بتغيظني لما تبقى واحدة متجوزة و بتلبس كدا ! غالباً بيكون كيس بطاطس مش راجل

وانت الصادق ده في بيجبر مراته انها تلبس كده حتي لو هه عايزه تبقي محترمه