حجزت صيانة في العامرية يارجالة

**ahmed_m_ashraf** · 05-07-2012 06:10 PM

كلمت ١٦٢٠٢ عشان أحجز صيانة في العامرية, العربية مكملتش ١١٠٠ كم بس من ساعت ما إستلمتها ودراع المالتي فنكشن فيه مشكلة في خفض الصوت فإن شاء الله يغيروه في الضمان.

الأول إتصلت بالعامرية عشان أتأكد إن الدراع موجود, بس ملاحظ إن إللى بيردو في العامرية ملهومش أي علاقة بكونهم خدمة عملاء الصراحة, يعني بحس إن إللى بيرد عليا ميكانيكي مثلا (ألو .. أيوه ياباشا ....) هههههه, المهم شرحتلو الموضوع فقاللى (طب حضرتك عرفت منين إن العيب في الدراع) قلتلو (زرار تعليه الصوت شغال تمام, لاكن زرار الخفض مش شغال تمام, إنت إيه رأيك يبقى العيب فين؟!!!!!!) رد وقالي (ماشي عموما الدراع موجود), ربنا يسهل ويستر بقى ويحلوها من غير مالواحد يغتت ويقل أدبه هههههه.

بعد كده كلمت ١٦٢٠٢ ناس ذوق ذوق الصراحة, قلتله المراد عمله بالصيانة وشرحتلو نفس الموضوع.

النقطة الأهم وإللى تهم ناس كتير, قلتلو (أنا كمان عندي مشكلة بخصوص التكيف السخن والصهد إللى بتسببه المواسير بتاعته, وأعرف ناس حلو الموضوع في فرع المقطم بإنهم قامو بإلغاءئه ومنع المياه الساخنة من دخول الصالون), كنت متوقع إندهاش أو إستنكار لاقيتو قاللى (آه تمام, يبقى نضيف كمان إلغاء التكيف السخن)!!!! بصراحة مصدقتش, برضه كنت متوقع إني لسه حاهاتي ويتقطع نفسي في الإقناع, بس بصراحة قفلت وأنا مبسوط, بس لسه قلقان إني ألاقي عندهم إستنكار للحكاية لما أروح العامرية إن شاء الله, ربنا يسهل.

هو موضوع السخونية ده مش مدايقني قوي بس بصراحة لو هيفرق في التكيف زي ماسمعت هيكون أفضل من السخن إللى مضنش حد بيستخمة, وكمان أعتقد ده حيفرق في إستهلاك البنزين.

كفاية كده عليكو بقى, إيه الرغي ده كله!!!!

**كوباية شاى** · 05-07-2012 06:50 PM

ربنا معاك يا فندم :)

انا بردو بفكر الغى السخن لو مفيش حل غير كدة !

**Egyzizo** · 05-07-2012 11:38 PM

متهيأ لى مجرد عمل فرش جلد لأرضية العربية هيخليكم ماتحسوش بالمشكلة دى .. أنا عملته أول ما جبت العربية من 3 سنين ، وعمرى ما اشتكيت من صهد ولا سخونة ..

خسارة الغاء التكييف السخن ، جايز تحتاجوه فى احدى ليالى الشتاء القارصة.

**alsakr** · 06-07-2012 01:09 AM

السلام عليكم
ياريت الأستاذ ahmed نعرف منه التوكيل فعلا قام بألغاء التكييف السخن وأعمال الصيانه الدوريه
وجزاك الله خيرا

**ahmed_m_ashraf** · 06-07-2012 01:17 AM

المشاركة الأصلية كتبت بواسطة egyzizo

متهيأ لى مجرد عمل فرش جلد لأرضية العربية هيخليكم ماتحسوش بالمشكلة دى .. أنا عملته أول ما جبت العربية من 3 سنين ، وعمرى ما اشتكيت من صهد ولا سخونة ..

خسارة الغاء التكييف السخن ، جايز تحتاجوه فى احدى ليالى الشتاء القارصة.

هو الفكرة مش القضاء على الصهد قد ماهي الإستفاده القصوي من التكيف البارد, لأن أدائه بيزيد لما تلغي مصدر السخونة, وده أكيد بينعكس على إستهلاك البنزين.

أنا عن نفسي مش حاسس إني ممكن أستخدم التكيف السخن لكذا سبب:
- إندفاع هواء ساخن داخل العربية هيسبب شبوره على الزجاج من الداخل, ده من غير حاجة الزجاج بيشبر أول متركب العربية لو الجو برد.

- عزل العربية كويس جدا وهيكتم معاك لو قافل الزجاج وده في رأي كفاية.

- زياده إحتمال الإصابة بالبرد.

طب أنا عايز أسألك كخبير ٣ سنوات مع اللوجان, حضرتك كام مره شغلت التكيف السخن خلال ثلالث سنوات؟ إجابت حضرتك هتساعد كتير نعرف هو فعلا ليه لازمه في مصر ولا مش للدرجة.

**ahmed_m_ashraf** · 06-07-2012 01:18 AM

المشاركة الأصلية كتبت بواسطة alsakr

السلام عليكم
ياريت الأستاذ ahmed نعرف منه التوكيل فعلا قام بألغاء التكييف السخن وأعمال الصيانه الدوريه
وجزاك الله خيرا

أنا لسه رايح يوم الإثنين القادم إن شاء الله, لما تتم العملية هطمنكو.

**abo_pasem** · 06-07-2012 01:42 AM

ربنا معاكو يا رجاله وانا عن نفسي عايز ألغيه بس بقول طب في الشتا هاعمل إييه.

**shofa** · 08-07-2012 01:13 PM

بسم الله الرحمن الرحيم
مشكوووووور والله يعطيك الف عافيه

**hobby10** · 09-07-2012 07:39 PM

هو ياجماعة صيانة اسكندرية بقت لازم بالحجز ولا ايه ؟؟؟
............................................
بالنسبة لموضوع الغاء السخن انا كلمت مهندس فى التوكيل قالى استحالة نعمل كده فى التوكيل وده اصلا حاجة غلط ... وبالتالى انا حشوف الناس اللى حتتكلم معاهم فى التوكيل فعلا حيعملوا معاهم ايه ؟ ... وان حل العزل هو الصح بس ممكن نزود المساحة ودى غالبا لو حعملها حيبقى بره التوكيل

**Egyzizo** · 09-07-2012 11:29 PM

المشاركة الأصلية كتبت بواسطة ahmed_m_ashraf

هو الفكرة مش القضاء على الصهد قد ماهي الإستفاده القصوي من التكيف البارد, لأن أدائه بيزيد لما تلغي مصدر السخونة, وده أكيد بينعكس على إستهلاك البنزين.
.

يعنى زيادة كفاءة التكييف البارد هيبقى علشان حرارة المواسير اختفت من الصالون واللا لأسباب أخرى؟

الموضوع: حجزت صيانة في العامرية يارجالة

LinkBack

أدوات الموضوع

عرض

-

-

-

-

-

المواضيع المتشابهه

تقرير مختصر عن صيانة 20000 للوجان __ فرع العامرية اسكندرية

تقيمى لمركز صيانة العامرية يا اسكندرانية

مركز صيانة العامرية،، يعني إيه توكيل

حجزت صيانة ال 5000

تقرير مبدئى عن صيانة ال5000كم فى مركز صيانة العامرية

الكلمات الدلالية لهذا الموضوع

المفضلات

المفضلات

ضوابط المشاركة