بس هما مش محتاجين يشحتوا كده في مصر ما هم بيعملوا كدة في بلدهم ..و العن
كنت لسة مابقاليش في السعودية 6 شهور و كان ليا شغل في مكتب شركة الاتصالات السعودية في ينبع و طبعا اول واحد قابلني هناك بتاع الامن المهم عمللي فيلم عشان ادخل شاف الاقامة و الجواب اللي انا جاي بيه من المكتب ....... المهم و انا خارج اخر النهار كان الاخ خلص دوامة و رايح يركب عربيته اللي هي حته كوروللا معفنة (طبعا و قتها بالنسبة لي الكروللا ماكنتشي معفنة ) المهم سالني معك 100 ريال ...و انا كاي محترم قمت ضارب ايدي في جيبي و مطلع 100 ريال فكة علي اساس انه عاوز يفك 100 ريال خد الفلوس و ركب عربيتة ...قلت عادي هيطلع الورقة المجمدة دلوقتي شوية و قام مدور قلت عادي عشان يعرف يفتح الازاز شوية و مشي ... و سابني واقف متنح تتنيحة كانت محتاجة رسام من رسامين عصر النهضة عشان يرسمها قمت واخد عربيتي و مشيت و نفس التتنيحة دي علي وشي .....و يمكن قعدت متنح كدة بعد الموقف ده يجي 3 شهور
بس بعدها بفترة قريت مقال لكاتبة سعودية تتكلم فيه عن الشحات السعودي و بصراحة كان عندها حق في حاجات هو بيخش الاول بمسكنة و بعدين لو طولت عليه يقوم قالب عليك و ممكن يشتمك كمان .... كل بلد و فيها اللي مكفيها ....
المفضلات