تسلم يا ريس ... وعايزين نشوفك في المنصورة قريب ولإبقي بص علي الموضوع التاني لو الظروف سمحت
عرض للطباعة
دخلت علي موقع دايو موتورز كوريا gmdat ولقيت بيانات الدينامو كالتالي:
1- 1.2l sohc 80 a
2- 1.4l dohc 85 a
وده معناه إن أقل جهد للدينامو 80 أمبير مع العلم إن ماتور الأفيو المصرية 1.5l sohc
ده مش جهد يا دكتور ده الأمبير و ده رقم كبير و كافي لأي شيء كما سبق و قلتلك .... متقلقش
الجهد ده هو ال 12 فولت الثابتين اللي بيعلو مع الشحن الي 14 فولت وده بيسمي فرق الجهد بين نقطتي الموجب و السالب
التيار ده بيمر فقط لما بيكون فيه حمل تم توصيله علي المصدر (طرفي الموجب و السالب للمولد او البطارية) هعطي حضرتك مثال : لو عندك بطارية في البيت مثلا 12 فولت مشحونه و مش متوصل بيها شيء هي هكذا مصر للطاقة الكهربية لها فرق جهد بين طرفيها مقداره 12 فولت .. طيب لو وصلنا عليها لمبه مثلا 55 وات في هذه اللحظة فقط يمر التيار لأننا وصلنا حمل علي مصدر الطاقة و يكون هذا التيار مناسب للحمل (اللمبة ال 55 وات) بس
و من ذلك يبقي التيار اللي بنسميه الأمبير هو اللي بيتغير حسب الحمل لذلك أي مولد كهربي بيكون معمول حسابه يتحمل أمبير لحمل أعلي بكتير من اللي بيتسحب فعليا حتي لا يتأثر و يتحرق مع الوقت
شاكر ليك يا أستاذ/ إيهاب التوضيح القيم والشرح الوافي ... مبدئيا أستئذنك ترد علي الموضوع التالي بخبرتك المتميزة:
http://www.nilemotors.net/Nile/298570-a.html
وما تنساش موضوع الأر بي إم وهجيب لك الرابط بتاعة في أقرب وقت ممكن.
روحت إنهاردة للكهربائي ... بص لقي في فردتين كلاكس ... رغم إن الأفيو فردة كلاكس واحدة بفيشة واحدة ... لكن فية سلك طالع منها ومتركب عليه فردة تانية ... قالي دى محتاجة كتاوت لأن الفردة التانية إللي هي متركبة وإضافية علي العربية عمل حمل وبيبان التأثير لما الأحمال الكهربية تزيد علي العربية مع تشغيل التكييف ... فما رأيكم أركب كتاوت ولا أفصل الفردة الزيادة.
متهيالي لو الصوت مش واطي افصل
بس غريبه عمله حمل وهيه مش راكب عليها حاجه
متهيالي تجرب وتفصلها وتشوف
افصل الفردة الزيادة و بلاش لعب في ضفيرة العربية
انا مبحبش ابدا مد اسلاك و عك في حوض الموتور بخلاف كابلات الفبريكة
:36_1_50[1]: