الموضوع: انا شاب و عاوز اتجوز تقدر تساعدني اتبرع و لو بجنيه

انا اليومين دول بدور على شقه جديده ياريت تسعدونى
http://www.nilemotors.net/Nile/showthread.php?t=29843

المشاركة الأصلية كتبت بواسطة Nile_Storm

للاسف زودو عليهم واحد في حالتي متنيل في كليه الطب يعني ميقدرش يقف علي رجله الا بعد مايبقي سنه 30 سنه :( يعني كمان 8 سنين
تخيلو هتكون الااسعار كام :( :(
شكلي مش هتجوز اساسا :(

على فكره انا عندى 26.5
الرزق فى ايد ربنا
متفكرش غير انك تتعب عشان تلاقى نتيجه تعبك و ربنا يكرمك

احلي كلام من احلي ناس ....و كله كلام موزون و جميل ( نظريا )

سبب اني كتبت الموضوع ده اني كنت قاعد مع زميل و بنتكلم عن الجواز و الحوارات بتاعته و سالني بما اني خاطب عن المصاريف و حسبناها مع بعض ...طلعت بالشكل ده اولا ابتدي علي قدك و اضيق الحدود ده كلام ممتاز بس نسبي ...
مفيش اختلاف كبير بين حساباتي و حسابات الاخوة مع اخذ الزيادات في الاسعار

طب خد عندك بقي ... النوم ب 15 مش متشطبه ... السفره ب 9 مش متشطبه .. شوف انت بقي اسعار الالكترونيات (اللي تعرف تعيش بيها) ...
الاسعار ضربت في العلالي ههههههههههه

الاسعار ولعت جامد .. انا بعد ما قلت هاظبط الشقه في الرخص ... مالحقتش الرخص هههههههههههههههه الشقه علي الحيطان تاني ههههههههههه

و اكسبرت باشا كده وضح النظرية
يبقي الكلام علي موضوع الشقة ...صعب قوي ان حد يوافق علي شقة ايجار مع الاخذ في الاعتبار ان الموضوع ده اساسا مش مطروح للنقاش عندنا في البيت اول حاجة بعد ما اشتغلت وجهمي ليها الحاج اني ابتدي احوش عشان اشتري شقة
علي فكرة يا شباب الشقة اللي انا واخدها قدام سنترال 3 مدينة نصر يعني عشوائيات ..... و دي طبعا خدتها من فترة قبل ما اخطب بكتير
يبقي كدة الحسبة صح ....
يعني يا abzaky باشا انا حسبتي زيك بالظبط مع فارق زيادة الاسعار و الشقة
و ادينا مرزوعيين و مرميين في البحر اهه عشان نلم المصاري و نتنيل نتجوز

الجواز ده عامل زي شرب السجاير في كل حاجة و انت صغير بيبقي نفسك تتجوز و برضة بيبقي نفسك تشرب سجاير و بعد ما تتجوز او تشرب سجاير بيبقي نفسك تيطلو صعب تبطل تدخين و الاصعب انك تبطل جواز المشكلة ان الاتنين مضرين بالصحة و المال .... هنعمل ايه بقي

بصوا يا جماعة ..
ربنا سحانه وتعالى بيقول في كتابه العزيز : " وليستعفف الذين لا يجدون نكاحاً حتى يغنيهم الله من فضله "
يعني غناك من فضل ربك مرتبط ارتباط تام بعفتك وانت مش لاقي تتجوز ..
لكن عدم الاستعفاف والصرمحة ، وخلافه .. ستؤدي بك إلى العجز الدائم عن الزواج .
والرسول صلوات الله وسلامه عليه بيقول : " ثلاثة حق على الله أن يعينهم ، وذكر منهم الناكح يريد العفاف " أخرجه الترمذي .
يعني الخلاصة كن عفيفاً ، وابتغ العفة بزواجك ، والله يعينك على ما أردت ، ومهما كانت الظروف معاكسة ، سيوفقك الله إلى الصواب والخير بإذنه .
تقبلوا خالص مودتي

المشاركة الأصلية كتبت بواسطة د.أحمد سمير

بصوا يا جماعة ..
ربنا سحانه وتعالى بيقول في كتابه العزيز : " وليستعفف الذين لا يجدون نكاحاً حتى يغنيهم الله من فضله "
يعني غناك من فضل ربك مرتبط ارتباط تام بعفتك وانت مش لاقي تتجوز ..
لكن عدم الاستعفاف والصرمحة ، وخلافه .. ستؤدي بك إلى العجز الدائم عن الزواج .
والرسول صلوات الله وسلامه عليه بيقول : " ثلاثة حق على الله أن يعينهم ، وذكر منهم الناكح يريد العفاف " أخرجه الترمذي .
يعني الخلاصة كن عفيفاً ، وابتغ العفة بزواجك ، والله يعينك على ما أردت ، ومهما كانت الظروف معاكسة ، سيوفقك الله إلى الصواب والخير بإذنه .
تقبلوا خالص مودتي

بار ك الله فيك يا دكتور

اوجزت و افدت د/احمد ..... لكن القضية موسعتش اوي كدة احنا بنتكلم في قصة تانية ...قصة ان ازاي الجواز دلوقتي بقي الهدف منه تدمير مدخرات الشباب و العملية بصراحة ملهاش علاقة بطلبات اهل العروسة او غيرة الموضوع ليه علاقة بحال البلد اللي احنا عايشين فيها البلد اللي الاسعار فيها بتزيد كل يوم عن اليوم اللي قبلو