انا شاب و عاوز اتجوز تقدر تساعدني اتبرع و لو بجنيه

**samehafez** · 01-07-2008 06:33 AM

المشكلة الحقيقية في الجواز بعيدا عن التكاليف المتنيلة بستين نيله ....ان معظم الشباب مش عارف هو بيجوز ليه ....(لا مش زي المسرحية ..مش عارفة الفرخة بتبيض ليه )
لا ايه الهدف من الجواز ........ الاستقرار طبعا
طيب ما انت مستقر في بيت اهلك عاوز حاجة تانية
لا عاوز اكون انا المتحكم في حياتي ...الحرية يعني ....طب ما تسيب البيت و تقعد لوحدك اجر شقة مثلا ...يعني هقعد فيها لوحدي .......طيب انت بتجوز عشان متقعدشي لوحدك ...ليه بتخاف من الضلمة
انت بتجوز عشان كل الاسباب دي مع بعض و اسباب تانية كتير
المشكلة ان لا الشباب و لا البنات عندهم ثقافة الزواج ....
يعني بكلم واحد صاحبي و بقوللة لازم يكون فيه احترام ما بين الراجل و مراته قاللي يعني ايه اقولها حضرتك يعني ..
ما علينا .......مش عاوزين نتكلم عشان الجيل بتاعنا ده جيل اتلعب في دماغه البخت

**mohamed_88sk** · 01-07-2008 06:57 AM

المشكلة ان لا الشباب و لا البنات عندهم ثقافة الزواج

فعلا أتفق مع حضرتك
وفي بعض شباب بيتجوز عشان ده في أعتقاده مظهر أجتماعي فقط أو عشان مايفتوش أو مايفوتهاش القطر

.......مش عاوزين نتكلم عشان الجيل بتاعنا ده جيل اتلعب في دماغه البخت

ده أتلعب فيه بلاي إستاشين ههههههههههههه
بس بصراحة لما شاب أو شابه يلاقي والعياذ بالله مثال عانس أو عانسه في العائله عنده لازم يبقى معقد ياأما يبقى كارة الجواز أو عاوز أو عايزة تتجوز وخلاص للأسف ..
للأسف مجتمعنا نظرته للمتأخر عن الزواج او المتأخره نظرة وحشه ..
وكمان المغالاة في المهور وفي أسعار الشقق وألخ واللي كمل على كل ده أسعار المعيشه يخلي ناس كتير تتعقد والعياذ بالله
:::::::::::::::::::::::::::::::::::::::::::
عارف أنا حضرتك بدور على أي بناية أدفعلهم في حدود مثلا 20 ألف وأقسط الباقي بس مش لاقي ..

**samehafez** · 01-07-2008 10:26 AM

المشاركة الأصلية كتبت بواسطة mohamed_88sk

عارف أنا حضرتك بدور على أي بناية أدفعلهم في حدود مثلا 20 ألف وأقسط الباقي بس مش لاقي ..

بص يا باشا عليك و علي زهراء مدينة نصر بس مش شقق الجيش لا عدي الناحية التانية .......في العشوائيات هتلاقي عمارات جديدة بتتبني و الشقق اسعارها ....يعني بس عشان اكون صريح معاك محتاج تتقل جيبك شوية و الكلام ده لو هتتعامل مع مقاول مباشرة يعني صاحب عمارة و بيبيع
اما لو عاوز تدفع مقدم 20 الف عندك كذا شركة تسويق عقاري في نفس المنطقة شقق مساحتها حوالي 90 متر بسعر الف جنيه للمتر تقريبا و بصراحة انا مبحبش الشركات اللي من النوع ده ....يعني لو تعرف شركة ترست جروب بتاعة بيتشو ....شركة كبيرة و مطلعة عين الناس فمابالك بالشركات الصغيرة

ملحوظة

عشان مغلطش غلطة الناس اللي كانت بتقول اسعار قديمة فاسعار الشقق دي كان من اكتر من سنة

**mohamed_88sk** · 01-07-2008 03:53 PM

بص يا باشا عليك و علي زهراء مدينة نصر بس مش شقق الجيش لا عدي الناحية التانية .......في العشوائيات هتلاقي عمارات جديدة بتتبني و الشقق اسعارها ....يعني بس عشان اكون صريح معاك محتاج تتقل جيبك شوية و الكلام ده لو هتتعامل مع مقاول مباشرة يعني صاحب عمارة و بيبيع
اما لو عاوز تدفع مقدم 20 الف عندك كذا شركة تسويق عقاري في نفس المنطقة شقق مساحتها حوالي 90 متر بسعر الف جنيه للمتر تقريبا و بصراحة انا مبحبش الشركات اللي من النوع ده ....يعني لو تعرف شركة ترست جروب بتاعة بيتشو ....شركة كبيرة و مطلعة عين الناس فمابالك بالشركات الصغيرة

ملحوظة

عشان مغلطش غلطة الناس اللي كانت بتقول اسعار قديمة فاسعار الشقق دي كان من اكتر من سنة

والله بجد أنا متشكر لحضرتك جدا
طيب ماتعرفش حاجه في إسكندرية .. أصل انا من أليكس وكنت عايز حاجه هنا بس برضو كل اللي ألاقيه بيكونوا شركات صغيرة ..

**TIMODAX** · 03-08-2008 02:26 PM

المشاركة الأصلية كتبت بواسطة waellolo26

والله كلا مك ضحكنى جداااااااااااااااااااااا انتا زى الفل.
أقولك حاجة والله على ما أقول شهيد : أنا كنت زيك كدة بالظبط يعنى كنت بحسبها بالورقة والقلم وطبعا ده واقع محتووم فى حياتنا دلوقتى بس والله لما نويت نية خالصة لوجه الله انى عايز اتجوز عشان ربنا يعصمنى من الخطأ و أكمل نص دينى والله الأمور مشيت بطريقة لا يمكن تخيلها فمجرد انى رحت اتقدمت لأهلها تانى يوم وسعيت فى الموضوع ولجأت الى الله وتتضرعت اليه سبحان الله فجأة لقيت نفسى متجوز فى 3 اشهر وحياتى كلها اتغيرت وجالى شغل جديد ووو...
الخلاصة انك ترمى تكالك على الله وتتقى الله وتعقد النية وتعزم .. وصدقنى مش هتصدق اللى هيحصلك ..
وربنا يكرمنا جميعا وعلى فكرة مش شرط الواحد ربنا يحققلو حلمه على طول انا مثلا قعدت 5 سنين عقبال مربنا كرمنى واتجوزت وعقبال معرفت الطريق الصح اللى كان لازم امشى عليه من زمان .

الكلام سمعته كتير كتير و شكله كده صح جد 1111111111111