الموضوع: انا شاب و عاوز اتجوز تقدر تساعدني اتبرع و لو بجنيه

أنا في واحد صاحبي مهندس ذي الفل و في عز شبابه و مستواه العلمي و الاجتماعي و المادي كويس جداً و شكله جنتل مان

من الآخر عريس لقطة زي ما بيقولوا

إترفض من أكتر من ١٥ عروسة

عارفين ليه

علشان راسه ناشفة

عنده شقة في حلمية الزتون ومصمم يتجوز فيها وبصراحة شقة جميلة و-١٤٠ متر وهو كان ناوي يخليها قصر بالديكورات وغيره لأنها على المحارة

لكن كل ما يتقدم لأي عروسة تقوله لأ يفتح الله لازم أعيش في مدينة نصر أو مصر الجديدة ناهيك عن إلي عايزين يعيشوا في الرحاب

وهو راسه وألف سيف يتجوز في الشقة إلي باباه جابهاله على انها شقته بتاع الجواز
عارفين بعد اليأس إستسلم وباعها وجاب شقة في حسنين هيكل :)

غير السراميك كله وعمل فيها شغل جامد

اتقدم لعروسة في الجامعة الامريكية وقالها تعالي أفرجك على الشقة قالتله غير السراميك كله تاني وكمان غير الابواب والشبابيك علشان مش ستايل !!

وكمان الدهان مش عارف إيه وووووو-...!!!

رضي بالهم والهم مش راضي بيه

مجرد حالة وأهو قادر على الزواج وبردو مش عارف يتجوز

حد عنده عروسة ليه :)

Thanks
Eng.Sherif Shaker

عاوزين الصراحة المشكلة في وقتنا ده بقت في البنات مش في اهلهم ....بصراحة مبقوش عارفين عاوزيين ايه ... عاوزة الشقة تخلص بسرعة و تتجوزوا بسرعة فتقوم انت متنيل معكوك في الشغل بدل ما تشجعك تلاقيها مظبطاك كام صاروخ نكد موجه ان انت سايبها و مشغول في شغلك ... متبقاش فاهم هم عاوزين ايه .... تقوللك عاوزة شهر عسل مش عارف فين و شوية مستعدة تقضي معاك شهر العسل في سفندة العرس مشكلة البنات انهم علي راي صديق عزيز( د/تامر احمد مؤلف كتاب ضربة حب ) عندهم حاجة اسمها ارادة النكد الذاتي و دي حاجة كدة لما بيحسوا ان الحياة حلوة و مفيهاش مشاكل فلازم يخلقوا مشاكل من العدم ... و المشكلة انهم مش بس بيخنقوك لا و بيخنقوا نفسهم اكتر منك ... اظرف حل انك انت تشيل عنهم المسؤلية دي يعني كل فترة كدة دب خناقة علي اي حاجة تافهة و اتقمص و ازعل ....و بعد كده اتصالحوا .......صدقوني مابيعرفوش يعيشوا من غير نكد ...
لو ينفع يلغوا الخطوبة هتبقي الحياة تمام .... بتكع كع و بتبقي فرحان
المشكلة ان الراجل سعادته في سعادة اللي مسؤليين منه
و فترة الخطوبة دي مجرد فترة انتقالية بتتحول فيها من شخص عايش عشان مزاجة و نفسة الي الة تضحيه بالكهرباء بتضحي بكل حاجة و اول حاجة بتضحي بيها اصحابك ... مفيش مقابلات الا بعد السعة 12 بالليل علي ما تاخد اطلاق السراح المشروط و يا سلام لو قبل ما تنزل من عندهم حماك مسمعك كلمتين حلوين من نوعية انت اتاخرت اوي في تجهيز الشقة و عاوزيين نحدد مواعيد بقي ....و الكلام اللي بيسد النفس و هييييه ربنا يسهل
امتي بقي اربي شنبي و يطلعلي كرش و ارجع البيت اخر النهار و انا شايل البطيخة و الجورنال

المشاركة الأصلية كتبت بواسطة samehafez

امتي بقي اربي شنبي و يطلعلي كرش و ارجع البيت اخر النهار و انا شايل البطيخة و الجورنال

:):):):):):):):):)
انا شكلى بقى كده اليومين دول (كرش و بطيخه و الوسيط عشان بدور على شقه:):):))

سبحان الله

أنا اتزوجت ب 25 ألف والحمد لله لولا الله ما استطعت أن أتزوج .
ولو كنت حسبتها بالطريقة كنت أكيد هاروح أرمي نفسي من فوق الكوبري بس الحمد لله

----------------------------

يا جماعة الزواج في حد ذاته باب كبييييييييييييييييير للرزق. وأسأل معظم المتزوجين عن رزقه قبل الزواج وبعده وياريت أي حد متزوج يقول رأيه في النقطة دي بالذات الرزق قبل الزواج وبعده

قال الله تعالي
(إن يكونوا فقراء يغنهم الله من فضله)

ده وعد ربنا للمتزوج
وأنا عن نفسي أعترف بفضل الله علي بذلك

طبعا يا جماعة الجواز باب كبير للرزق كفاية انه في مرضاة الله سبحانة و تعالي



بس الرزق هيزيد بمشيئة الله عشان المصاريف هتزيد ......... بيسالوا واحد يا تري ايه تاثير الجواز عليك من الناحية المادية جاواب بقيت مليونير بعد الجواز ...ما شاء الله طب و قبل الجواز رد و قال ....................... كنت ملياردير

خد بالك - عن تجربه- حاله النكد بتيجي لاي حد بيقعد في البيت علي طوول ..و ده العيب المصري الشائع ... انما لو بتخرج و تتفسح كل وييك اند هاتلاقي الحياه لذيذه

متفق معاك 100%