الموضوع: مــشــــــــــاكــل وطريـــــقة حلــــــــــها مــــــــع e36

المشاركة الأصلية كتبت بواسطة minicooper20

على راسى يابشا

يا فندم العفو , انا بس حبيت أوضح الأمور عشان اللى ماردهوش على نفسى ما أردهوش على غيري

من حوالى مايقرب من أسبوع روحت للميكانيكي عشان ينظف الرشاشات والمانفول وكمان يشوف العربية لو محتاجة حاجة لأنها كانت مخنوقة شوية وكمان كان فى استهلأك عالى شوية فى البنزين , بعد الصيانة وبعد تغير البوجيهات العربية فاقت اوى وصوت الموتور أصبح احلى من الأول لكن أستهلأك البنزين مازال عالى ,, فقولت ياواد تعالى على نفسك وأستحمل شوية تناكة منصور وروح شوف هايقولك أيه ,, مش هاتصدقوا لو قلت لكم أنى أخدت فى المشوار ما يقرب من ساعة وأكتر عشان أوصلله ,, وهو مقبلته معايا خدت 5 إلى 7 دقائق بالظبط .. والله لو مظبط ميعاد مع رئيس أركان الجيش كانت هتأخد وقت أكتر من كده ..
قولت له يا منصور باشا أنا عاوز حضرتك تقولى الأستهلأك ده طبيعى ولأ كدة فى حاجة غلط ,,
فرد عليا وقال لى كل المكن الأبيض القديم كده بيعمل جوة البلد مع التكيف 120 فى الصفيحة وبرة البلد 160 للصفيحة ..
فقلت له طب معاليك تقترح أيه يا فندم ؟!!
فرد وقال لى ..شيل المكنة دي وركب m43 ..
فقلت له ,, طب أيه رأى معاليك فى المكنة اللى هية m50tub20
فقال لى ,, دي ستة سليندر وبتأكل بنزين فخليك فى الصغير .. فأنا حبيت بعدها أرخم عليه لأنه بصراحة كان بيرد على أسئلتى وكأنى بشحت منه , وقلت له .. طب هي حضرتك مصنعية تركيب المكنة الجديدة بتتكلف كام ,,فقال لى 800 جنيه ..أنتوا أيه رأيكم فى الكلأم ده وسعر المصنعية دي ؟!!!!

ثانياً :بعدها أخدت بعضى ورحت على مصطفى ميكا فى أحمد عصمت وقولت يواد أتأكد منه تانى وشوف كده العربية دي تمام ,, فرد عليا بعد ما شافها وقال لى صوت الموتور والمكنة حلوة بس هو من رأيه أنى أشيل المكنة القديمة بتاعتها وأحط واحدة 25 أو واحدة زيها بس موديل 97 ..
أنا عندي المكنة عشرة على عشرة فى السحب وصوتها كويس جداً وده بشهادة أكتر من ميكانيكي شافها لأنى كنت حاسس أن صوتها خشن وعالى شوية .. معلش سامحونى أصلى دايماً مشكلتى انى بقارن صوتها بصوت مواتير التويوتا والهيونداي اللى كانوا معايا .... بس المشكلة هى فى أستهلأك البنزين ... والمشكلة التانية أن صوت المكنة بيعلي بعد 120 فمش عارف هل ده طبيعي على المكن القديم ده ولأ مش طبيعي
ثالثاً : قولت ياواد أتعب شوية كمان وتعالى على نفسك ورح الحرفين عشان تقطع الشك باليقين ,, فرحت عند عادل منصورة عشان أحطها على الجهاز وأعرف لو فى حاجة .. الكمبيوتر قرأ مشكلة فى حساس الأكسجين والأير ماس لأن منصور بيه كان فتحه نهار ماكنت بعمل عنده عفشة من شهر ولعب فيه بالمفك ..

رابعاً : رحت بعدها عند واحد أسمه الشيخ عادل فى شارع حربى السروجى وقولت أدردش معاه شوية وأعرف الأسعار ماشية أزاى .. فقال لى أن الأير ماس عامل 550 ,, وحساس الأكسجين بيعمل له حوالى 480 جنيه بس هو نصحنى أنى أغير حساس الأكسجين بس وقال لى أن ألأير ماس عندك كويس بس لما حساس الأكسجين بيبوظ فبيدي قرأية غلط للأير ماس !!!!!!!!!!
أنتوا أيه رأيكم فى الحوارات دي ..أرفع المكنة وأركب تانية وأشتري دماغى وأوفر فلوسى ,, ولأ مالهاش لأزمة المصاريف الكتير بتاعت المكن الأستيراد والمصنعيات وأكتفى بتغير حساس الأكسجين ..والله لو أنتوا شايفين أن الدنيا هتتظبط بعد كده مع تغير الأشياء البسيطة دى والشغل على المكنة القديمة فما فيش عندي مشكلة أنى أشترى حساس أكسجين ولو طلبت أشتري أير ماس كمان ..
من فضلكم دلونى على الصح أنا محتاج رأيكم ونصيحتكم

المشاركة الأصلية كتبت بواسطة ahmad--ezzat

باشا بالنسبه للنقطه رقم 3
انت عايز تغير يايات لان شكلها تعب وبتهبط مع الحمل

يستحسن تجيب سوست سبور هتظبط معاك اوي اوي اوي

يعنى أيه يايات ,, معلش سامح أخوك فى جهله ..وتفتكر السوست الأسبور هاتظبط وياترى لأزم تكون لعفشة ستة سليندر ولأ فى منها لل 4 سليندر , أنا لسة النهاردة الميكانيكى بيكلمنى فى نفس الحوار اللى أنت بتتكلم فيه ده ,, ومعلش سؤال أخير لو عندك معلومة عن الأسعار يبقى كتر خيرك وأكون شاكر جداً