الموضوع: هل من الممكن للانوس 1500 16 صباب ان تتحدى passat tsi

المشاركة الأصلية كتبت بواسطة towfeq

سلام عليكم
ابو حميد سؤال طيب
الموتور ال 2 كامة ده لقيته بسهوله يعني ولا لفيت علية
و جبته منين و بكام و امتى
و احتاج تعديل في الفتيس او العفشة او في اي حاجة ولا ركب عادي

بفكر اعمل الموضوع ده و بدل متكون لوحدك ابقى اونسك في الطريق

شوف لو ماتورك كويس حرام تغيرة بس لو مصر تعدل عندك ثلاث حلول
الاول تجيب وش سليندرنوبيرا كامل بادوات التغذيه وتركبه بدل الوش الى عندك
التانى تجيب ماتور 1500 او 1600 اتنين كامه وتركبه على طول -وياريت يكون 1600
الحل الاول والتانى يفضل انك تبدل الكنترول هيكونa2 -الكنترول بتاعك هيشتغل بس العربيه هتنتش جامد
التالت تركب ماتور ليجانزا 2000 سى سى -دة هيديك 140 حصان وعزم 196 نيوتن وما فيش عربيه هتسد معاك
--شوف مش هتحتاج الا انك تعدل الفرامل فقط ودة موضوع سهل جدا

المشاركة الأصلية كتبت بواسطة towfeq

ابو حميد
انت بتقول لو موتوري كويس حرام اغيره.ليه يعني..مع ان شايف ان ال 1500 او حتى ال 1600 ال 2 كامه احسن.اشد.اقوى اريح و بالذات مع التكييف.اوفر من الموتور الكامه الواحده في استهلاك البنزين..يعني تحس انه مكسب في نقط كتير.انا الموضوع مش في دماغي انه انفذه في الوقت الحالي بس ان شاء الله يمكن كمان شهرين او 3...في يا صاحبي اديني النصيحة كاملة لانى حسيت من كلامك ان موتور اللانوس الكامه الوحدة احسن...
عموما انت عملت القصة دي بقى فين..بورسعيد ولا الحرفيين ..
وهل متوفر ولا مش بسهولة الاقيه
كلفك كم شامل الكنترولر ال a2
وشكرا يا حبيبي
مستني ردك

بقول لو ماتورك كويس حرام تغيرة علشان التكلفه الماديه لا اقل ولا اكثر
الكنترول هتبدله بدون ما تدفع فرق فلوس زى ما حصل معايا
بالنسبه للماتور موجود كتير جدااا فى الحرفيين
ثانيا ماتور لانوس 16 صباب مينفعش يتقارن اصلا 8 صباب لا فى توفير بنزين ولا اداء او تسارع وسرعه قصوى