ناوي أبقي أوكتافياوي بعد ما كنت فابياوي سنين طويلة

**khaledelsakaty** · 09-07-2012 09:45 AM

يا شباب سكودا صباح الجمال
خلاص قررت أبيع الفابيا ميني مع الرغم من ولائي الكبير جدا ليها و لكن مضطر عشان العيلة عندي كبرت و لسة جايب زينة (الإبنة الثالثة )
و بما إني سكوداوي من سنييييين طويلة فطبعا بفكر حاليا في الأوكتافيا !
بيني و بينكم ميال أكتر للA4 خاصة إن عايزها في حدود 95 إلي 100 ألف جنيه .
أولا إيه رأيكو في هذا الإختيار ؟؟
ثانيا عايز أعرف رأيكو في أوكتافيا A4 شفتها إمبارح، هي 2008 أوتوماتيك و فابريكا بالكامل (بيتي) عاملة 75 ألف كيلو و حالته نضيفة جدا.
هي محتاجة كاوتش جديد و شوية حاجات بسيطة (حوالي 5 ألاف جنيه كله علي بعضه).
صاحب العربية طالب 100 ألف جنيه و أعتقد ينزل لحد 95 ألف.
فإيه رأيكو يا شباب، رأيكو مهم جدا بالنسبالي.
ألف شكر و جزاكم الله كل خير

**HAITHAM1985** · 09-07-2012 10:48 AM

تحول طبيعى لواحد إسكوداوى قدييم من فابيـــــــا لـ a4 إختيار رائع وأنا شكلى هاعمل زيك قريب

بالتوفيــــــــــق

**khaledelsakaty** · 09-07-2012 10:50 AM

طب و إيه أخبار اسعر ؟؟؟

**Amr_Azab** · 09-07-2012 10:53 AM

اختيار موفق جدا يا باشا طبعا والـ a4 علي حد معلوماتي هي الآخت الكبيرة للفابيا يعني مش حتفتقد الفابيا اوي لانها هي هي مع فارق سعة الموتور وحجم العربية
وبالنسبة للسعر فانا معنديش فكرة اوي عن الاسعار حاليا بس انا واحد صاحبي كان جايب a4 من بورسعيد بموضوع الآعاقة ده موديل 2007 وكانت عاملة في حدود 75 الف كيلو جابها بـ 75000 جنيه ( طبعا سعر العربية المجهزة للآعاقة بيبقي رخيص مش زي السعر العادي ) فمتهيألي السعر اللي بتقول عليه مش وحش لو حالتها كويسة اوي وطبعا ده ميمنعش انك تكسر معاه شوية وربنا يوفقك يا باشا والفابياوية حيقلوا واحد كده

**khaledelsakaty** · 09-07-2012 06:15 PM

المشاركة الأصلية كتبت بواسطة ahmed metwaly

انا اسف جدا مش عارف اطول في انا داخل موبي
يا ريت حضرتك تتكلم عن اوبشن

إنت بتقول إيه يا أحمد أنا مش فاهم حاجة !!

**AhMeD MeTwAlY** · 10-07-2012 05:52 PM

المشاركة الأصلية كتبت بواسطة khaledelsakaty

إنت بتقول إيه يا أحمد أنا مش فاهم حاجة !!

معلش انا كنت داخل من موبيل لقيت شبكه وانا في البنك قلت ادخل اشوف المنتدي عامل ايه ههههههههه
ابو بلاش بقئ
المهم
حضرتك متكلمتش عن الاوبشن الي في العربيه؟؟؟