الفن المسماري - حقائق تاريخية - موضوع متجدد

**rahwan** · 13-07-2008 12:49 PM

أنا كباحث حفجر مفجأة حتقلب الدراسة التاريخية دى رأسا على عقب. انا اكتشفت حفرية مهمه جدا على عربيتى، و يبدو إن الجنس اللطيف كمان وضع بصماته الأنثوية على الفن المسمارى، و طور منه كتير، فاستخدموا طلاء الأطافر بدل من المسمار، و الصورة خير من يعبر. و يبدو إن الموضوع موقفش بس عند الواد زقلط و البوب الشنكوط، لكن كمان الفنانة الرائدة البت برومة العايئة من جيل الرواد بالنسبة للسيدات. و انا لسه محتفظ بالحفرية، و ناوى اعرضها فى اقرب معرض

**youssef_sallam** · 13-07-2008 01:00 PM

ده فن تجريدي
بس ليها معنى يعنى أنظر بعين فنان حتحس إن العلامة دة ليها معنى

**misho2mimy** · 13-07-2008 04:22 PM

المشاركة الأصلية كتبت بواسطة mohamed_88sk

متهيألي في مغلوطة تاريخية بالنسبة للفن المسماري يقول بعض المؤرخين أن أصولة ترجع إلى زمن ما قبل موبينيل (ق.م) وفعلا كان رائد تلك المدرسة الواد بصلة والذي تتلمذ على يديه الممسمر الكبير (زقلوط) ويقول المؤرخون عن زقلوط أنه التلميذ الذي تفوق على أستاذه ......
ثم تتوالى وتتعاقب الأزمان وتتوالى معها تميز وأنفراد الفن المسماري بإحتلال المراكز والمراتب الأولى حتى أنها في وقتنا الحالي ومن سعة إنتشار ذلك الفن الممتع قد لا تجد أي من السيارات (وهي ألات تم أختراعها من قبل شخص يدعى بنز) إلا وتتواجد عليها منحوتات ولوحات مسمارية متميزة ومبدعة وقد ضهرت قمة أبداع الفن المسماري في أنتشاره أنه وصل إلى كل الفئات الطبقية والعمرية مما يدل أن الشعب المصري منذ قديم الأذل وقبل موبينيل وهو محب لذلك الفن ....
:::::::::::::::::::::::::::::::::::::::::::::::::: :::::
ويا رب إرحمنا من ده فن لأن الناس خلاص قربوا يبقوا يباتوا عند السمكرية .....
مشكور يا أستاذ محمد عبد الجواد على الموضوع الرائع ده وأعذرني معرفتش أرد عليك في اللينكات التانيه بتاعة الموضوع المسماري لأني كنت بخلص مشاوير كده طول اليوم أمبارح وراجع مهدود ونمت قتيل لسه صاحي وقلت أرد هنا لأنه حيبقى أشمل وأعم ...
جزاك الله خير وتقبل خالص مودتي .

يا سلام عليك يا ابو السيد والله مشرف مدرسين الرياضيات بمعلوماتك العظيمة لتاريخ الفن المسماري

**mohamed_88sk** · 13-07-2008 04:29 PM

يا سلام عليك يا ابو السيد والله مشرف مدرسين الرياضيات بمعلوماتك العظيمة لتاريخ الفن المسماري

أخجلتم تواضعنا يا محمود باشا

إيه مقرأتش حاجة عن الفن العظيم ده من قبل !!!! ياريت تتسلح بالعلم النافع اللي تنتفع بيه في ظل تواجد الفن ده
عليك أنك تبحث عنه في مراجع التارخ ...

**meza** · 13-07-2008 07:04 PM

المشاركة الأصلية كتبت بواسطة rahwan

أنا كباحث حفجر مفجأة حتقلب الدراسة التاريخية دى رأسا على عقب. انا اكتشفت حفرية مهمه جدا على عربيتى، و يبدو إن الجنس اللطيف كمان وضع بصماته الأنثوية على الفن المسمارى، و طور منه كتير، فاستخدموا طلاء الأطافر بدل من المسمار، و الصورة خير من يعبر. و يبدو إن الموضوع موقفش بس عند الواد زقلط و البوب الشنكوط، لكن كمان الفنانة الرائدة البت برومة العايئة من جيل الرواد بالنسبة للسيدات. و انا لسه محتفظ بالحفرية، و ناوى اعرضها فى اقرب معرض

الرسمة دى لو أنا فكرت أعيد رسمها ... ممكن تاخد معايا ساعة و فى الأخر برضه مش هتطلع بنفس تفاصيل الصورة الأصلية ....... لكن الفنانة دى من مهارتها .. رسمت اللوحة الفنية دى بحركة واحده من إيديها ... فعلاً منتهى الإحترافية و التمكن.

**rahwan** · 14-07-2008 10:02 AM

المشاركة الأصلية كتبت بواسطة meza

الرسمة دى لو أنا فكرت أعيد رسمها ... ممكن تاخد معايا ساعة و فى الأخر برضه مش هتطلع بنفس تفاصيل الصورة الأصلية ....... لكن الفنانة دى من مهارتها .. رسمت اللوحة الفنية دى بحركة واحده من إيديها ... فعلاً منتهى الإحترافية و التمكن.

على العموم أنا لسه محتفظ باللوحة الأصلية، و ماتغلاش عليك يا باشا، ممكن تشوفها فى أى وقت. و لو أنت معجب قوى بالفنانة يا ريت تحاول تعرف هى مين و تقولى، عشان اشكرها بنفسى

**aif** · 14-07-2008 10:41 AM

يا جماعة عشان الفايدة تعم علي جميع الزملاء
انا باقترح اللي معجب بالفن النبيل ده ... ممكن يتصل علي رقم 09001111 ويسيب عنوانه ورقم سيارته ونوعها وبتركن فين بالظبط .... ونوع الفن تحديدا ... سريالي .... تجريدي ...فوتوجرافي ....وكمان حوكشة ولوحاتة الجامدة
واحنا تسهيلا على الزملاء ح نقدم لأول مرة في مصر والشرق الاوسط ....الفن المسماري ... هوم ديلفري ..... ومجانا وباسرع مما تتصورو ... بس انت اتصل .... وفي خلال 24 ساعة ستجد ما يسرك
بس انت اتصل وعبر عن نفسك
بس انت اتصل
عبر
اتصل
عبر

**7yatna** · 22-09-2008 05:12 AM

متفكرنيش
بحسرتى
الله يلعن ام دة فن
منهم لله حسبى الله ونعم الوكيل
حسسسسسسبى الله ونعم الويل ( بيقلد فيلم جائنا البيان التالى ) :d
المهم نرجع لبلوتى السودا المسيحة
عربيتي حبيبتى شنكوتى الروشة
اللى بعتها عن طريق منتداكم الشديد
عربيتي عملت بيها فى يوم حادثة
الحمد لله ربنا قدر ولطف
رحت عملت العمرة
من سكرة ودوكو
ورش
ويوم ما استلمت العربية
بعد اما اترشت بيوم واحد
وكان لون تحفة
عمركم ما تشوفوه على 128
لون الازرق الميتالك بتاع الافيو 2007 اللى باليل بيقلب كحلى
وغيرتة فى الرخصة كمان
عيل ابن ستين تييييييييييييييت ( الرقابة )
بعديها والله ب 24 ساعة فقط لا غير
ورسملى
اسمة واسم المزة
وقلب كبييييييييييييييير على شنطة العربية
والله جاتلى نقطة