الموضوع: حصل معايا موقف في منتهي القرف ... ياريت كل الناس تاخد بالها

المشاركة الأصلية كتبت بواسطة abdm

حضرتك أكيد اللى حيحصل أنك هتجدد الرخصة عن طريق أجراءات ورقية فقط بدون أختبرات ... كأن الرخصة أنتهت وبتعملها تجديد من غير أختبارات عادى يعنى أو بدل فاقد نظرا لضياع الرخصة .. لآن مش منطقى خالص أنك تعمل أى أختبارات تانية جديدة فى حالة تغيير العنوان أو فقد الرخصة وأستخراج بدل فاقد .... حضرتك أسئل وأتأكد تانى فى المرور هل فى حالة تغير العنوان بدون أخطار مسبق تعاد أختبارات القيادة والآشارات ؟ ... وأن شاء الله الرد هيكون لا

ولما تسأل وتتأكد فى المرورأبقى قول لنا هنا علشان نعرف ونتأكد

والله الموفق والمستعان

انا اكيد هسأل في المرور تاني واتاكد بردو
بس حضرتك لو اتفرجت علي الفيديو اللي انا حاطه
الظابط بيقولك بتعاد كل حاجة حتي الاختبارات

المشاركة الأصلية كتبت بواسطة fanky_fanky

انا كنت ساكن في امبابة .. وكنت عامل رخصتي الخاصة علي مرور العجوزة .. تمام كده مفيش مشكلة
المهم ربنا كرمني وعزلت ورحت المقطم وفضلت فترة طويلة عنواني في البطاقة علي امبابة ولما البطاقة انتهت رحت عملت تجديد ليها علي عنوان المقطم ... كل ده ورخصة القيادة بتاعتي مفيهاش مشكلة والعنوان اللي فيها القديم بتاع امبابة...

من حوالي شهر ونص ضاعت محفظتي وبالتالي رحت عملت محضرين واحد بالرخصة وواحد بالبطاقة
ولما عملت البطاقة الجديدة وجيت اعمل الرخصة اكتشفت المفاجأة السخيفة جداً

طلعولي شهادة بيانات زي بتاعة العربية بس ببيانتي انا علشان اروح بيها من مرور العجوزة لمرور المقطم .. وكتبولي فيها الاتي :

يراعي تطبيق المادة 38 من قانون المرور .. ولما سألت علي المادة 38 من قانون المرور .. طلعت مصيبة سودا ....... انه اللي بيغير عنوانة في البطاقة لازم يخطر المرور في خلال 30 يوم من تغيير محل اقامته .. لو معملش اخطار للمرور وعدي علي تاريخ صدور البطاقة اكتر من 30 يوم .. تعتبر رخصة القيادة في حكم الملغية .. وبالتالي انا كده هروح مرور المقطم واختبر من أول وجديد وكأني عمري ما كان معايا رخصة

هو انا كان يعني المفروض اني ابقي عارف المادة 38 من قانون المرور دي منين ؟؟ ومين اصلا بيهتم انه يعرف مادة زي دي .. ربنا ينتقم منهم وحسبي الله ونعم الوكيل

الموقف ده حصل معايا بلملى
بس شاء الله ان تنتهى مدة الرخصه ومعاها البطاقه واعملهم فى نفس الوقت مع بعض

بس الى اعرفه ان الماده 38 لاتطبق على من تم تغيير محل اقامتهم فى نطاق المحافظه وده من لسان موظف المرور وانا الحمد لله فى نطاق المحافظه