الموضوع: حصل معايا موقف في منتهي القرف ... ياريت كل الناس تاخد بالها

متبقاش حكومه مصريه لو ممرمتطش الناس على الصغيره و الكبيره يا راجل انا اتبهدلت علشان اجيب استاماره 7 جوند و بعد كده قالولى لاء مينفعش عايزين 6 جوند مع ان الظابط اللى فى التجنيد قالى هات 7 جوند عادى ..دى بلد تكره الواحد فى عيشتو

المشاركة الأصلية كتبت بواسطة k_e

ياراجل معقول في حد مش عارف المادة 38 ؟
عادي ياباشا انت فمصر وكويس انك غيرتها فالبطاقة بدال ما كانوا يقولولك ان في ماده رقمها 38 ونص بتقول انك تتحبس علشان مغيرتش محل اقامتك فالبطاقة هههههه
انا كنت ساكن فالوراق جمبك وبعدين نقلت للمقطم من 5 سنين كدة بس الحمد لله غيرت البطاقة قبل ما اعمل الرخصه اصلاً فطالعة عالمقطم

عموماً ماتشيلش هم مرور المقطم فيه ناس محترمة ومتفاهمين جداً وبما انك رايح "بما يرضى الله" احفظ الاشارات كويس وهم مش بيعقدوها فالامتحان خالص ولو بتعرف تسوق هتعديه في ثواني ومفيش زحمه كمان

وابقى طمنا عملت ايه :)

جيران وراق وامبابة ومقطم كمان .. والله ده فال كويس جدا

انا هروح وهتكل علي الله وربنا يسهلها ان شاء الله

المشاركة الأصلية كتبت بواسطة hossam_elwani

الموقف ده حصل معايا بلملى
بس شاء الله ان تنتهى مدة الرخصه ومعاها البطاقه واعملهم فى نفس الوقت مع بعض

بس الى اعرفه ان الماده 38 لاتطبق على من تم تغيير محل اقامتهم فى نطاق المحافظه وده من لسان موظف المرور وانا الحمد لله فى نطاق المحافظه

انا بقي مش في نظاق المحافظة :)

المشاركة الأصلية كتبت بواسطة hossam_elwani

نص الماده اهو

المادة ( 38 )
على المرخص له عند تغيير محل إقامته إخطار قسم المرور المختص خلال ثلاثين يوما من اليوم التالى للتغيير بكتاب موصى عليه فإذا كان التغيير إلى محافظة أخرى وجب عليه خلال المدة المذكورة أن يقدم إلى قسم المرور بهذه المحافظة طلبا لنقل قيد الرخصة وإستيفاء إجراءات نقل القيد التى يحددها وزير الداخلية بقرار منه . ويترتب على عدم مراعاة الميعاد فى الحالة الثانية إعتبار الرخصة ملغاة


اذن السؤال هل الحاله التانيه تنطبق عليك؟؟؟؟؟

والى افهمه من نص الماده ان فى الحاله الاولى لاتعتبر الرخصه ملغاه .........


على فكره راجع مدير اداره المرور الى حضرتك تابع ليها وادخل واتكلم معاه فى حدود النص القانونى ده لان الموظفين اغبياء وبيفسرو على مزاجهم

ايوة انا تنطبق عليا الحالة التانية .. لاني نقلت من مرور العجوز في الجيزة لمرور المقطم في القاهرة
الا لو اعتبروا الجيزة اولقاهرة اسمهم القاهرة الكبري ومش محافظتين منفصلتين :)

المشاركة الأصلية كتبت بواسطة abogharib

متبقاش حكومه مصريه لو ممرمتطش الناس على الصغيره و الكبيره يا راجل انا اتبهدلت علشان اجيب استاماره 7 جوند و بعد كده قالولى لاء مينفعش عايزين 6 جوند مع ان الظابط اللى فى التجنيد قالى هات 7 جوند عادى ..دى بلد تكره الواحد فى عيشتو

6 جند و7 جند ... والمادة 38 انا عايز اروح المحكمة الدستورية واطعن في دستورية المادة 38 :)

المشاركة الأصلية كتبت بواسطة fanky_fanky

طب واللي بيقولوا رئيس وحدة مرور العجوزة في الفيديو ده؟
‫م. معتز الضبع: يوضح حقيقة رشوة مرور العجوزة‬‎ - youtube

اعمل نفسك مسمعتش كلام رئيس الوحده

المشاركة الأصلية كتبت بواسطة wagihza

اعمل نفسك مسمعتش كلام رئيس الوحده

ماهي المشكلة ان ده مش كلام رئيس الوحدة بس

وانا بعمل شهادة البيانات في مرور العجوزة الموظفة قالتلي نفس الكلام

الحمد لله .. رحت المرور وعملت كل جحاجة من اول وجديد وكأني بعمل رخصة جديدة بس من غير اختبارات

اتضح بقي انا لمادة 38 دي بتلغي الرخصة ورقياً .. بمعني انك بتجيب شهادة باطنة ونظر .. وتشتري نموذج اصار رخصة أول مرة زي أول مرة عملنا فيها الرخصة .. وبعدين بتتصور وخلاص مفيش اختبار

الحمد لله .... عملتها وخلصتها في ساعتين زمن

واسف للأزعاج انا قلت اطمن الناس علشان يكونوا عارفين انها مفهاش اختبار