الموضوع: حل مقترح للقضاء علي السخونه وتحسين اداء التكييف

المشاركة الأصلية كتبت بواسطة mohammedaladel

عامة أنا شايف الفكرة فى الصورة سهلة جدا يعنى كام محبس ليهم قطر مناسب مع كام قطعة خرطوم قوى يستحمل بس على الواقع هل هتبقى سهلة يعنى الميجان فيها الأماكن اللى تسمحلك بكدا ؟ وهل بعد ما نعمل كدا هنضمن كفاءة التبريد خصوصا إننا ضفنا أجزاء منعرفش إيه أعراضها الجانبية أو ممكن يحصل إيه بسببها أو ممكن على الأقل يحصل تسريب للمياه

من ناحية الأجزاء والمحابس سهله جده واكيد متوفره بس لازم التوكيل هو اللي يركبها ويضمنها ...وكفاءة تبريد الموتور مش هتتأثر بس اهم حاجة في التركيب انه يسمح بمرور الميه بسلاسه وميبقاش فيه ثنيات ضيقه وبالنسبه للتسريب معتقدش يحصل لأن دوره الميه كلها بتتقفل بأفيزات ...عباره عن خراطيم وافيزات بس مفيش لحامات ولا اي طريقه اخري في التوصيل اما بالنسبه للأماكن ..في مكان واسع يسمح بالشغل والتركيب علي المواسير والميزه انها من فوق وقريبه للكبوت وواضحة والتركيب عليها مش هيخلينا نفك اي حاجة تانيه

المشاركة الأصلية كتبت بواسطة ahmed_m_ashraf

إسمحلي أفاجأك ... لما زنقت مدير ورشة فرع العامرية وقاللي هيكلم مهندس ياسر بتاع المقطم، كلمني تاني يوم وخد عندك ...

قاللي إن المهندس ياسر قال له إنه عملها لعربية واحده وكانت على مسئوليه العميل وكمان مضاه على كده!!! ومدير ورشة العامريه قاللي إنهم مش بيعملو كده غير للعربيات القديمة لما بتكون سربنتينة التكيف السخن عايزه تتغير والعميل يرفض تغييرها.

الخلاصة أنا قررت ملعبش في العربية وأسيبها على وضعها وأحاول أظبط الموضوع بالعزل، بس مش العزل التقليدي إللي جنب دواسة البنزين، لأ أنا رايح بكره إن شاء الله فرع العامرية عشان نحاول نزود العزل وراء التابلوه، بالتحديد وراء الفبره الفضي إللي فيها الأزرار والكاسيت، إدعولي بس العمليه تنجح وصدقوني ده هيبقى أحسن حل لو نجح منغير منوجع دماغنا بأي لعب في العربية ممكن يظهر له مشاكل بعد سنه ولا حاجة.

وعلى فكره أستاذ أمير، مشكلة الحراره دي مش غلطه في تصميم العربية ولا هي نازله لينا عزلها مضروب ولا محتاج شكوى ولا قضية ولا هيتحل من الشركة الأم. الموضوع وما فيه العربية تصميمها كده وبتنزل كده في كل البلاد إللي بتتباع فيها سواء في أوروبا أو أي حته ثانيه، إحنا بالنسب لينا عربية ب ٧٠ أو ٨٠ ألف حاطين فيها دم قلبنا، العربية بالنسبه ليهم عربية منخفظة التكلفة ولا يمكن تلاقي فيها كل شئ ١٠٠٪، ده غير إنها بالنسبة ليهم مصلحة لبرودة الجو، يبقى إجتهادك لتحاول الوصول بيها للمستوى المرضي، ووالله عربيات كتير ممكن تلاقي فيها منغصات زي دي، أنا كنت قريت موضوع لعضو معاه تويوتا ياريس وفيها نفس الكلام وكان بيشرح إزاي يحلها. لو أي عربية في أي فئه سعرية كانت كاملة الأوصاف مكنش حد غلب ولو كده ليه الواحد يشتري بي إم لما ممكن يركب لوجان بنفس العزل مثلا ولا إيه؟ الكواليتي درجات والحمد لله إننا ممكن نزود درجة الكواليتي بشوية شغل بسيط ومش مكلف.

غير كده في المجمل العربية زي الفل وأرجع وأقول ... والله لولا كلام الأعضاء عن السخونية ماكنت خدت بالي غير من سخونية وش التابلوه، وبرضه مكنتش هحط في دماغي، الموضوع ٨٠٪ منه وسواااااااااااس.

معلش طولت، بس حبيت أنقل وجهة نظري وتحليلي للموضوع عشان إللي كتر الكلام في الحكاية دي قلبله دماغة زيي، يحاول ياخد رست ويبص لثلاث أرباع الكوب الممتلئ (وأكتر) :copy of m-s5:

يا باشا طول براحتك وميهمكش :) احنا بنتناقش للوصول للأفضل وانا مش معاك في حته الفئه السعريه او ان العربيه سعرها مش عالي فعلشان كده نسكت ...ليه بقي ؟؟ لأن احنا بنتكلم في مشكله فنيه مش اوبشن يعني مثلا ممكن واحد يقول الفرش مش غالي قوي او فخم ...فنقوله علشان دي عربيه مش غاليه او علي اد تمنها مثلا ...لكن لما نيجي لمشكله فنيه يبقي لازم نفكر ونسأل وندور علي حلول ...ممكن تبقي حلوه ليهم بره في اوروبا مثلا علي اساس ان الجو برد علي طول فتبقي دي ميزه انه يبقي فيه تدفئه ببلاش من غير حتي تشغيل التكييف لكن في الحر اللي عندنا هنا لما احس بالمشكله دي بحس اني راكب عربيه قديمه ومفيش عزل بين الموتور والصالون فطبعا بضايق والحلول اللي احنا بنقترحها ...بنقترحها علشان نعالج المشكله من غير ما نلغي اوبشن مهم من العربيه وهو التدفئه او التكييف السخن و علشان نستفاد بأكبر قدر من التكييف الساقع من غير ما نضعفه بمصدر حراري مشع جنبه ... وعلي فكره احنا مش مضخمين الموضوع ولاحاجة لأني ساعات ببقي عايز اقفل الأزاز علشان الدوشه او التراب ومببقاش محتاج اشغل التكييف ممكن بس المروحه ...لكن علشان السخونه دي بتحر بسرعه وبضطر اشغل التكييف او افتح الإزاز ...علشان كده تلاقي الكل بيفكر
معلش كلمه اخيره زي ما في زميل رد علي حضرتك فعلا التوكيل ممكن يعمل لعملاء حاجة ويقول لناس تانيه انه معملاهاش او يرفض ...بدليل ان في كذا عضو قال انه عمل الموضوع ده في المقطم
علي العموم العربيه كويسه وممتازه بس ادينا بنحاول نخليها فوق الممتازه :) ومعلش بقي طولت عليك زي ما طولت عليا :)

ولا يهمك، يمكن برضه تكون المانوال الموضوع ده واضح فيها أتر من الأوتو، مش عارف.
بس حضرتك تعمل إي مع التوكيل هو الراجل مغلطش، فعلا كده أنا بغير في فبريكة العربية والشركة الأم ما أوصتش بالتعديل ده، وفعلا محدش عمل الموضوع ده في العامرية على الأقل. المقطم عملها وقال مفيش مشكلة بس تضمن منين لو حصل مشكلة لا قدر الله إنه ميلبسكش في الحيط ويقولك إنت إللي طلبت.

طيب يمكن أنا سهل الإشتغال، حضراتكم لو مكاني تتصرفو إزاي.

المشاركة الأصلية كتبت بواسطة ahmed_m_ashraf

ولا يهمك، يمكن برضه تكون المانوال الموضوع ده واضح فيها أتر من الأوتو، مش عارف.
بس حضرتك تعمل إي مع التوكيل هو الراجل مغلطش، فعلا كده أنا بغير في فبريكة العربية والشركة الأم ما أوصتش بالتعديل ده، وفعلا محدش عمل الموضوع ده في العامرية على الأقل. المقطم عملها وقال مفيش مشكلة بس تضمن منين لو حصل مشكلة لا قدر الله إنه ميلبسكش في الحيط ويقولك إنت إللي طلبت.

طيب يمكن أنا سهل الإشتغال، حضراتكم لو مكاني تتصرفو إزاي.

يا استاذ احمد انا مقولتش كده وياريت متكنش فهمتني غلط او زعلت مني لا انت سهل الإشتغال ولاحاجة بس اقصد اقول لحضرتك ان التوكيل بيلتزم دايما بالرد النموذجي وبيريح دماغه وساعات كمان مبيقولش الحق ...يعني مره كلمتهم علي موضوع العزل ...قالوا لي دا مفيش حد عمله واشتكي ...والغريب ان هنا في المنتدي ناس كتير اشتكت وراحت مره واتنين تغيره وناس تاني راحت لغت السخن خالص فعلشان كده بقولك هما كلمتهم مش واحده قوي ....وحضرتك معاك حق في موضوع الضمان ،،،يعني لازم مفيش اي حاجة تتعمل من غير اعتماد وضمان التوكيل ...حتي الفكره اللي انا مقترحها قلت لازم التوكيل هو اللي يعملها ...طبعا ده مش سهل وهيقولو منقدرش نغير في العربيه زي ما حضرتك ذكرت ...لكن انا طرحت الفكره علشان نتناقش مع بعض ونشوف ايه ممكن يتعمل

المشاركة الأصلية كتبت بواسطة amirboulos

يا استاذ احمد انا مقولتش كده وياريت متكنش فهمتني غلط او زعلت مني لا انت سهل الإشتغال ولاحاجة بس اقصد اقول لحضرتك ان التوكيل بيلتزم دايما بالرد النموذجي وبيريح دماغه وساعات كمان مبيقولش الحق ...يعني مره كلمتهم علي موضوع العزل ...قالوا لي دا مفيش حد عمله واشتكي ...والغريب ان هنا في المنتدي ناس كتير اشتكت وراحت مره واتنين تغيره وناس تاني راحت لغت السخن خالص فعلشان كده بقولك هما كلمتهم مش واحده قوي ....وحضرتك معاك حق في موضوع الضمان ،،،يعني لازم مفيش اي حاجة تتعمل من غير اعتماد وضمان التوكيل ...حتي الفكره اللي انا مقترحها قلت لازم التوكيل هو اللي يعملها ...طبعا ده مش سهل وهيقولو منقدرش نغير في العربيه زي ما حضرتك ذكرت ...لكن انا طرحت الفكره علشان نتناقش مع بعض ونشوف ايه ممكن يتعمل

لا والله حضرتك على راسي، بس هو الموضوع يلخبط التوكيل كلامه منطقي، حتى يمكن لو العربية موديل سنه ولا إتنين فاتو ممكن يتساهل شوية لاكن أنا ٢٠١٢ فطبعا كل ماقول لحد ألغي السخن يبصلي بستغراب هههههه. من ناحية تانيه مفيش غير إتنين أو ثلاثة عملو الموضوع ده في المنتدي فمنقدرش نحكم على الموضوع ونقول إنهم عارفين الحل وبيستهبلو مثلا، وكون الحل مش معمم في كل الفروع (زي العازل إياه مثلا) يبقى فعلا كل مهندس أو مدير ورشة فرع بيتصرف على مزاجه، وممكن جدا لو حصلت مشاكل التوكيل يسلك نفسه من الموضوع.

أنا إن شاء الله في دماغي عملية عايز أجربها، لو نجحت هنشرها ويبقى ١٠٠٪ والموضوع كله عزل بس مش الماسورتين بس. الحمد لله نزلت المنشية (إسكندرية) إنهارده ولاقيت كل أنواع العزل، صوف زجاجي حراري مفضض وفوم حراري مفضض ولباد وأرما فليكس وأمينت وكل ما لذ وطاب، وجبت من كل حاجة شوية وحبدأ تجارب خلال اليومين الجايين وكل سنه وإنتم طيبين :)

المشاركة الأصلية كتبت بواسطة ahmed_m_ashraf

لا والله حضرتك على راسي، بس هو الموضوع يلخبط التوكيل كلامه منطقي، حتى يمكن لو العربية موديل سنه ولا إتنين فاتو ممكن يتساهل شوية لاكن أنا ٢٠١٢ فطبعا كل ماقول لحد ألغي السخن يبصلي بستغراب هههههه. من ناحية تانيه مفيش غير إتنين أو ثلاثة عملو الموضوع ده في المنتدي فمنقدرش نحكم على الموضوع ونقول إنهم عارفين الحل وبيستهبلو مثلا، وكون الحل مش معمم في كل الفروع (زي العازل إياه مثلا) يبقى فعلا كل مهندس أو مدير ورشة فرع بيتصرف على مزاجه، وممكن جدا لو حصلت مشاكل التوكيل يسلك نفسه من الموضوع.

أنا إن شاء الله في دماغي عملية عايز أجربها، لو نجحت هنشرها ويبقى ١٠٠٪ والموضوع كله عزل بس مش الماسورتين بس. الحمد لله نزلت المنشية (إسكندرية) إنهارده ولاقيت كل أنواع العزل، صوف زجاجي حراري مفضض وفوم حراري مفضض ولباد وأرما فليكس وأمينت وكل ما لذ وطاب، وجبت من كل حاجة شوية وحبدأ تجارب خلال اليومين الجايين وكل سنه وإنتم طيبين :)

كل سنه وحضرتك طيب ...يلا مستنين التجارب والنتايج والتقارير المصورة :)

لا افتى فيما لا اعلم .... ومنتظر تنفيذ التجربه