مفيش اي ملحوظة طالما بتعمل الصيانة بتاعتها كويس انا متوعد كده من ايام العربية اللي فاتت اعمل صيانة كل 10 او 20 الف وروح للميكانيكي بتاعي وهو بيعمل ويغير اللازم(جلب مقصات -تيل -فلاتر-سيور-طنابير-تغيير زيت..الخ) والعربية بتبقة زي الفل والحمدالله..هو طبعا استهلاك البنزين والسحب بيكون ضعيف شوية عشان عندك علبة البيئة اللي جنب الشكمان وكمان الاوتوماتيك بيكون سحبه ضعيف ..وعلى فكره انا روحت بيها مطروح رايح جاي بدون توقف وعلى سرعة من 150 الى 160 كم/ساعة والحمدالله ثبات رائع رائع والعربية كانت محملة وبتجري كمان...ومؤشر الحرارة ثابت على النصف ومش بيتحرك..العربية رائعة وربنا يباركلك فيها..لكن انا كمني كنت متعود في عربيتي القديمة على السحب السريع لانها كانت عاده وكربراتير اول ما تدوس بنزين تطير...فتلاقيني ليسه ماخدتش على العربية..عايز شوية وقت.