بفكر في مازدا 3 موديل 2009 و عندي شوية أسئلة..

**Raul_7** · 30-07-2012 05:19 AM

المشاركة الأصلية كتبت بواسطة mohamedmido

يا خبر انتم بتتكلمو علي عربيتي وفي موضعو عنها وانا ما اعرفش
اولا كل سنه وانتم طيبين جمعيا وتقبل الله منا ومنكم صالح الاعمال
بالنسبة للماذدا 3 اللي حضرتكم بتتكلمو عنها كانت عربيتي وبعتها بالسعر اللي حضرتكم بتقولو عليه غالي واتباعت بعد ما عرضتها ب 3 ايام يعني تقريبا العربية بيعتها من حوالي 20 يوم طبعا بحترم كل الاراء اللي بتتقال بالنسبة للسعر والمقارنه بنها وبين عربيات تانية كل ده اراء تحترم طبعا بس عايز اقول الماذدا عربية فعلا محترمه وانا ما بعتش غير لما ركبت ماذدا 6 وبالنسبة للعربية طبعا انا مش عارف مين اللي عامل الموضوع لانو العربية تقريبا اللي كان وقتي يسمح انهم يشفوها حوالي 3 منهم واحد اشتري وربنا يباركلو فيها وانا بعتها بنفس السعر بس العقد المسجل انا اللي عملتهولو الماذدا كنت شاريها بسعر 154 الف في 2010 وطبعا حالتها ممكن اخي اللي اتفرج عليها يقول عنها انا مش هتكلم عن حالتها لانها ممكن تكون افضل من الصورة اللي في المشاركة السابقة وبالنسبة لمقارنتها بالشكل الجديد ده ظلم ليها الي ركب ماذدا زيرو الشكل القديم وركب ماذدا زيرو الشكل الجديد يعرف اكيد انو الشكل القديم افضل في كل حاجه وانا ركبت الاتنين انا كنت عرضت عربيتي من شهرين تقريبا وكنت بسعر عربيتي باعلان علي النت وكنت طالب 118 الف ومن اللي شفتو من كمية الاتصالات خلاني غيرت فكرة البيع بس طبعا عربيتين كانو كتير عليا فقرت ابيع الماذد 3 فطبعا اقل حاجه من اللي شفتها من الاعلان الاولاني اللي لغيتو من تاني يوم اني اعلي السعر لانو في الاول وفي الاخر انا خسران كتير في سنه ونصف ولله الحمد بعت العربية زي ما كنت عايز وانا مع رائي العضو اللي بيقول انو اللي عندو رخيص بنفس الحالة يورهالنا لانو ما فيش فعلا حالات نادرة زي عربيتي يكون صاحبها مشتريها بالسعر ده وينقص في خلال سنه ونص 50 الف مثلا ما فيش طبعا الكلام ده اللي يبيع بسعر واطي بيكون جيبها اوردي مستعمله ويمشي بيها ولما بيجيب يخسر حتي 5 الاف عادي انما واحد اشتري بالسعر ده صعب الا لو حاله العربية ما تساوش غير كده علي العموم انا اسف شفت الموضوع متاخر وعايز اقول الاختلاف في الراي لا يفسد للود قضية وكل سنه وانتم طيبين

أستاذ محمد صباح الفل, أنا محمود اللي قابلك قدام المنصة.

ألف مبرووك البيعة و ربنا يباركلك في المازدا 6 ان شاء الله, و أنا اتشرفت بمعرفتك.

**mohamedmido** · 31-07-2012 10:12 AM

ربنا يبارك فيك يا محمود وكل سنه وانت طيب فكرك طبعا انت اول واحد شفت العربية واللي شفها بعديك بريع ساعه ده اللي اشتراها وفي واحد كان جايلي في الطريق فطبعا كان جاي من مشوار خليتو بص عليها في وجود صاحبها اللي هو اشتراها بس كنت مفهمو طبعا لانو كان عيب بصراحه يجي من مشوار وما يشوفهاش وكان موقف ظريف لانو هو اللي اتكلم معاه علي انو انا فطبعا خلاه بص وقالو ايه ملحاظاتك قالو ولا اي حاجه بس السعر اكرمني فيها وانا هدفعلك الفلوس حالا فكان موقف ظريف . عموما اتشرفت بيك يا محمود وبمكالمه والدك راجل محترم بجد وبكل الاعضاء وكل سنه وانتم طيبين جميعا