الموضوع: حصريا: تغطية وصول سـيــتــي 2012 الى مصر - أسعار ومواصفات وصور

المشاركة الأصلية كتبت بواسطة unendlich

بسعرها ده مبروك عليها الدكة مقدما
اللي عايز يركب ياباني (هو مش ياباني قوي بس هنمشيها ياباني زي بعضه) في الفئة دي هيركب الصني (أنا مش طايق شكلها بس بتكلم على ثقافة شعب) و اللي هيطلع لل 140 ده مظنش هيفكر أصلا في السيتي عشان هيلاقي إن ال 140 دول يركبوه عربيات كتييييييير قوي تندرج تحت فئات أعلى من السيتي

يعني هي السيتي اللي ياباني :) يا راجل كبر مخك

المشاركة الأصلية كتبت بواسطة se_coralsea

العربية جيدة جدا و كان لي حظ أختبارها من فترة بتوكيل هوندا بالتجمع الخامس و كانت الفئة الاولي لأني كنت بافكر اشتري الهاي لاين و حقيقي عجبتني جدا و لكن ملاحظاتي عليها كانت كالتالي :
1- السعر غالي جدا علي عربية في الفئة دي و كانت غير متوفرة ايضا
2- أحساسي لم يتغير عن أني نقلت من الياريس لحاجة اكبر لأني كنت بافكر في حاجة زي الكورولا لكن السعر كان برضه مشكلة
3- الرؤية من الزجاج الخلفي كانت صعبة و لم تعجبني
4- العفشة شعرت أنها ناشفة شوية عن التويوتا اللي كنت معتاد عليها

في فرق كبير في الكماليات لصالح الفئه الكامله.

لو قارنتها بالياريس طيب ما هي الياريس اصلا بحوالي 100 وحاجه و عشرين مع الفرق لصالح الهوندا في الموتور الافضل واوسع واعتماديه اكتر وثبات اكتر

العفشه اعترف ان اي حاجه في الدنيا اكيد هتبقى انشف من الياريس

نفسى اعرف هو مين اللى بيسعر للفطيم العربيات وازاى وليه كده

طبعا سعر العربيه خرافى وغير مناسب ليها نهائى