يافندم .. اكيد انها حاجة تنقط وتضايق واحد لسه دافع دم قلبه فى عربية زيرو عشان يرتاح من العطلة والتصليح ويستمتع بركوبة جديدة ويلاقى مشاكل زى دى
بس ياريت نفكر بعقلانية شوية مش بتعاطف .. والمطلوب هو زى ما الواحد بيتعب ويروح يكشف عند دكتور ويكتبله علاج بس للاسف ما يتحسنش عليه
وقتها المريض (العربية هنا) بيروح لدكتور تانى (غير مودرن الدقى) وعندك اتوايجيبت ناس فاهمة ومدربة والاهم هدفهم هو سمعتهم فى السوق وعلى استعداد يعملوا اى شىء عشان يحافظوا على سمعتهم وسمعة الصانع اللى بيسوقوله اكتر من 50% من مبيعاته فى مصر وتأكد مليون بالمية انهم هايحلوا المشكلة من جذورها وعلى اتصال بالمصنع دائم ..
ياريت تروحلهم وتقولنا عملت ايه بعد ما تتابع شكوتك ورقمها بالتليفون مع الخط الساخن وتحكى لاتوايجيبت على اللى عملوا معاك مودرن بالتفصيل وحقك محفوظ فى اى مركز خدمة معتمد لنيسان فى مصر .. انت مش رايح للاسطى بلية العفشجى عشان تفضل مستمر معاه فى الغلط ..
المفضلات