الموضوع: مشكلة غير مقبولة من نيسان صني الجديدة

السلام عليكم و رحمة الله و بركاته
أولا أنا يجب أن أعتذر لكم جميعاً على التأخير في الرد لظروف خاصة
ثانيا أحب أن أوجه الشكر الجزيل لزميلنا و حبيبنا و كبيرنا أحمد باشا مصطفى على تدخله و إهتمامه و هو دائما معودنا على كرم أخلاقه و تفانيه في خدمة الأعضاء و فقط

نيجي بقى للحصل مع زميلي في توكيل أتو إجيبت أبو رواش

ذهب في المعاد المتفق عليه و قابل مهندس إسماعيل أحمد و هو كما وصفه صديقي (مهندس كبير هناك)
و كان المهندس اسماعل مهتم جداً بالموضوع مما أثار فضول صديقي و سأله عن سبب الاهتمام الشديد فرد بأن نيسان إجيبت مهتمة بالموضوع و خاصةً بعد الاميل اللي أرسله للشركة في اليابان (أنا مش فاكر إن كنت قلتلكم قبل كده إنه بعت اميل لليابان و حكى في عن الموضوع و لا لأ ؟)
بعد الكشف على العربية و استخراج الجلدة اللي بين المساعد و الشاسيه اتضح إن تشخيص مودرن موتورز كان فعلا صح و إن في عيب في مادة التصنيع الخاصة بالجلدة دي و هما مستنين الجلدة دي توصلهم من الخارج و عشان كده ركبولوا بدلها واحدة بتاعت التيدا و قالولوا إن أول لما القطعة توصل من بره هيكلموا تاني عشان الحل بتاع جلدة التيدا ده يعتبر حل مؤقت

المشكلة بقى في مودرن موتورز إنهم حاولوا يحلوا المشكلة بطريقة أقل ما توصف بيها إنها بلدي و غير حرفية بالمرة .. جابو أي كاوتشة و مش معرووف جابوها منين و قوروها من النص عشان تركب و هي اللي كانت سبب الصوت و كانوا كل لمأ صاحبي يروحلهم و يشكلهم يروحوا مغرقنها زيت و شحم فالصوت يروح مؤقتا و يرجع تاني كمان يومين أو تلاتة بالكتير

المهم الصوت راح فعلا بعد تركيب قطعة التيدا و صاحبي منتظر يكلموا تاني و في مهندس محترم و خلوق جدا من مصنع نيسان اسمه مهندس أحمد خيري بيتابع مع صاحبي التطورات

الخلاصة

1- المشكلة اتحلت بفضل الله و الصوت راح
2- الحل يعتبر مؤقت
3- مركز أتو إجيبت مركز في غاية الاحترام و الناس متعاونة و بتحل بطرق فعالة
4- مركز مودرن موتورز أسوأ مركز على الاطلاق و الناس بتعك في العربية و مش بيشوفوا شغلهم و لا يستحقوا حمل اسم نيسان أصلا
5- شركة نيسان إجيبت و المصنع ناس محترمة اهتمت بالموضوع و بتابعه باستمرار
6- أحمد مصطفى رجل نادر في هذا الزمن .. ربنا يباركله في عمره و يباركلنا فيه

اسف على الاطالة
و اسف على التأخير مرة تانية