تاخير استلام النيو صني مع اوتو ايجيبت

**Dr'AhmZZong** · 23-07-2012 10:26 PM

المشاركة الأصلية كتبت بواسطة GRADER

ياجماعة أعتقد ان ده بسبب الاقبال على العربية ودى حاجة تفرحكو برضه بس انا عارف شعور انك تكون مستنى عربيتك لفترة طويلة كده بالذات لو كان معكش عربية عشان كده انا توكلت على الله ورحت اشتريت من سمير ريان ب 102000 بعد الفصال عشان ما اتذلش الذل ده بس لو ماكنتش مستعجل كنت هستنى الصراحة 2000 جنيه مش شوية بالاضافة ل 300 جنيه مصاريف ادارية
معلش اصبروا و ان شاء الله هانت

رأي يحترم ..

**drsamehsaied** · 24-07-2012 05:23 PM

انا حاجز من 16/6 السبع مصر الجديدة و الاستلام يمكن الاسبوع بعد القادم عشان انا طالب الون البرونزي اما لو اللون الفيراني كان ممكن استلم اليوم 24/7

**maraby** · 24-07-2012 05:52 PM

يا جماعة أنا روحت فرع المهندسيين وقاللي شهر 11

**Dr_MaTrix** · 25-07-2012 07:27 PM

انا حاجز فى السبع فى المنصورة من 7/1 وقالى على 8/1 ودلوقتى بيقولى اصبر عليا كمان 10 ايام علشان المصنع كان وقف فترة والتسليم هيتأخر ....فهى مشكلة عامة مش عندك لوحدك

**sherifezzat** · 29-07-2012 05:07 AM

شهرين ياعالم وبقولوا مش عارفين لسه هيدوني العربيه امتى وهنبقى نكلمك

**abdoalattar** · 29-07-2012 01:06 PM

واحد صحبى حاجز بقاله شويه وبعد الحاح واتصالات بالمعرض, قال تم سحب السيارات عشان السعر اللى نازله بيه قليل على سعر الخامات فى العربيه, وسيتم رفع الثمن حوالى 10000ج تقريبا. يعنى بعد ما صحبى حجز ودفع المقدم حوالى 90% من ثمن السيارة بيقوله فى احتمال تزيد 10000ج . فاى بلد احنا عايشيين مع اى توكيلات فاشله بنتعامل معاهم معقول بعد ما احجز وادفع مقدم حجز مهما كان مبلغ الحجز يقولى لا المبلغ زاد عشان الأقبال وعشان الخامات مش هو ده تسعيرها الصحيح فى السوق . حسبى الله ونعم الوكيل.

**gomana85** · 29-07-2012 02:34 PM

سؤال من فضلكم ، هو دلوقتي لو حجزت صني الجديدة التسليم مش هيكون قبل شهر 11 او 12 و ده اوكي بالنسبة لي بس هو ممكن يغلوها و ساعتها ادفع بالسعر الجديد و لا ادفع سعر ساعت محجزت ؟؟؟؟؟؟؟؟؟
و سؤال ايه عربيات كويسة في حدود 100000 او اقل ، انا عايزه حاجه استهلاكها للبنزين كويس و صيانتها و ضمانها يكونوا كويسين

**mff_629** · 29-07-2012 03:26 PM

100 100
إن شاء الله كله هايستلم في أقرب وقت ممكن

**sherifezzat** · 29-07-2012 04:54 PM

بصوا بقى اخر نكته، كنت النهارده في اوتو ايجيبت مدينه نصر وقبل مادخل بصيت على الجراج اللي جنبهم اللي بيركنوا فيه العربيات لقيت عربيات كتير صني منهم 4 موكا وكام واحده سيلفر ده اللي اخدت بالي منه دخلت على المندوب اللي حجزت منه بقاله مكلمتنيش ليه زي ماوعدتني الاسبوع اللي فات قالي اصل وفصل ومشغول والظروف والبقيين الحمضانيين دول المهم يهديك يرضيك هستلم امتى يقولي معرفش اقولو اديني معاد يقولي هنبقى نكلمك طيب ياعمي العربيات اللي في الجراج دي متسلمني منها بيقولي اصلها متباعه ياعمي دي واقفه هنا من الاسبوع اللي فات يقولي اه اصلها متباعه طيب مين صحابها اللي سيبينها في الشمس كده كل ده يقولي معرفش بي هيا متباعه- اخر مازهق مني قلي روح وكلمني الساعه 3 وهقلك تستلم امتى المهم جت 3 اتكلم الموبايل ميردش كلمت الارضي طلعتلي واحده قالتلي مفاجئه الموسم بقى قال ايه المندوب اللي كنت قاعد معاه الصبح مش موجود وواخد اجازه بقالو يومين وهينزل بعد يومين الفل قلتلها اديني اي مندوب تاني قالتلي 10 دقايق واتصل اتصل على العزبه اللي مفروض انها شركه محدش يرد على الارضي اللي هوه بتاع شركه مفروض انها وكيل نيسان مصر
طيب حد يقلي اعمل ايه علشات خلاص