الموضوع: بالنسبة للصنى الجديدة !!!

المشاركة الأصلية كتبت بواسطة mollaELolla

العربية مابتنزلش بجنوط او جلد
الراجل ده يا مش فاهم
يا بيشتغل مع حد بيركبهملك
استلم العربية بحالتها الاصلية و اوع حد يلعب فيها

المشاركة الأصلية كتبت بواسطة mollaelolla

خد منهم العربية زى ما هيا و شيك عليها كويس
و ماتستلمهاش ملزوق عليها الورق الابيض اللى بيحمى الصاج و الدهان خليهم يشيلوه و يغسلوا العربية غسلة كويسة عشان تتاكد ان مافيهلش اى حكة او مرمة او اى عيوب فى الدهان
خد بالك من عداد الكيلو مترات المفروض ان العربية تكون عاملو 9 كيلو و ده التجربة بتاعتها قبل ما تطلع من المصنع و بعد كده بتيجى عندهم منقولة على ترلة... اتاكد من مستوى زيت الفرامل و مية قربة الردياتير
غلس عليهم و اسحب مقياس زيت الموتور و شوفه مظبوط ولا لا
شخل التكييف و هيا واقفة اد 5 دقائق بس عشان تطمن انو شغال مش حيبرد تمام اوى لان لسه العربية ما اتلينتش
و بعدين اوعا تشغله الا بعد الالف الاولى او اضعف الايمان بعد اول 500 كيلو ( انا هبداء استعمله بعون الله على 900 كده عشان اشوف لو فى ملاحظات اقو ل لهم عليها فى صيانة الالف)
اول ما تطلع تروح تحط بنزين لان بيبقى فيها 5 لتر فقط

و ابقى تعالى اعمل الفرش الجلد عند جينز كار و هاتنبسط اوى حاجة كده زى مستوى فرش المصنع و احسن كمان
ان شاء الله اما اعمل العربية اصورها و اوريهالك و فى عضو هنا عمل عربيته و عمل موضوع بالصور من كام يوم حاجة جميلة و تفتح النفس

9 كيلو متر بس يا باشا؟! مش قليل شويه أنا استلمتها من سمير ريان 50 كيلو متر و أعتقد دا كويس لأن دى ممكن تكون المسافة من المخزن للمعرض وفى التقرير الى موجود فى المنتدى مكتوب ان لحد 90 كيلو مش مشكلة!!

المشاركة الأصلية كتبت بواسطة grader

9 كيلو متر بس يا باشا؟! مش قليل شويه أنا استلمتها من سمير ريان 50 كيلو متر و أعتقد دا كويس لأن دى ممكن تكون المسافة من المخزن للمعرض وفى التقرير الى موجود فى المنتدى مكتوب ان لحد 90 كيلو مش مشكلة!!

9 كم بس قليل جدا اقولك ليه .. بتفرق العربيات المستوردة من المحلي الصنع .. المستورد بيبقى كيلو متر اقل علشان يتبقى اغلبية الوقت منقولة من المركبة للتريلات ومن مكان المينا للقريب من المعرض اللي انت بتشتري منه برده عن طريق التريلات .. اما بقى في التصنيع المحلي فبيبقى الكم اكبر شويه ؟؟ ليييهههههههههههه ؟ علشان يوفرو تمن النقل فبيجبهالك ساعات من المصنع لمكان المعرض مشي بالعربية .. انا عن نفسي جبت الكيا ريو الجديدة كانت عمله 22 كم .

المشاركة الأصلية كتبت بواسطة GRADER

9 كيلو متر بس يا باشا؟! مش قليل شويه أنا استلمتها من سمير ريان 50 كيلو متر و أعتقد دا كويس لأن دى ممكن تكون المسافة من المخزن للمعرض وفى التقرير الى موجود فى المنتدى مكتوب ان لحد 90 كيلو مش مشكلة!!

بالنسبة لموضوع التكييف قبل الالف فده مش مظبوط لو عاوز تتأكد من كده اقرى مانيوال العربية حيقولك عن المحظورات قبل الالف كم الاولى ومنها عدم القرص على الموتور ( يعني اخرك على ال RPM 3- 4 ) بتمشيش بسرعة واحدة في طريق طويل لمدة طويلة , ما تقطرش عربية . انا شخصيا معايا Rio 2012 موضوع التكييف مجابوش سيرة عنه .. على فكرة مهم جدا انك تقرى مانيوال العربية كويس جدا لانه فعلا مهم جدا جدا وبالتوفيق وربنا يباركلك .