الموضوع: كوري - ياباني-الماني

منقدرش نقول عربية احسن من عربية او صناعة احسن من صناعة او ديه احسن حاجة في العالم لأن كل حاجة فيها عيب و ميزة

لكن بالنسبة اختياري ياباني ثم ياباني ثم ياباني

اما السبب

بص كوري سعر الي حدا ما متوسط او نقدر نقول كان متوسط دلوقتي و شكل يزغلل عينك و وسع لكن صاج ورق بس سهل الصيانة لكن احيانا فيه موديلات معقدة شوية بصراحة مش شايفها عربية عملية هي عربية للشكل و السعر المتوسط فقط

الماني صاج و فخامة و رفاهية بس صيانة معقدة و مش سهلة مع الاعطال اللي تحتاج متخصص مش اي حد يشتغل فيها ناهيك عن قطع الغيار الغالية او قلة توافرها احيانا مع سعر عالي جدااا للعربية ناس كتيير متقدرش عليه هنا

الياباني صاج محترم ز صيانة سهلة اي حد يقدر يشتغل فيها طالما فاهم و في نفس الوقت قلة الاعطال و تكاد تكون نادرة و قطع الغيار ما شاء الله معمرة جدااا و متوافرة و سعرها ارحم من الالماني و قد يكون اغلي من الكوري او يوزايه
شكل جميل و يعجب اي شخص
لكن اللي تتميز به انها عربيات عملية و حمالة ممكن تقعد تبهدل فيها سنين عمرك و هتلاقيها ما شاء الله شغالة معاك و في نفس الوقت اسعار كويسة بالنسبة الالماني او مقارنة بالكوري

ده كان شرح بشكل مختصر جدااا عن وجهة نظري

و المفروض اننا بنركب العربيات عشان نقضي المصالح و ترحمنا من القرف و في نفس الوقت حاجة كويس مش بنجيب عربيات عشان نسابق او نتمنظر بيها او اقول انا راكب عربية كذا

من الاخر عايز عربية للشكل و المنظرة و سعر وسط يبقي كوري
عايز عربية للمنظرة و اسم كبيير تستحمل و معاك تدفع الافات مؤلفة في كل صيانة يبقي الماني
عايز عربية عملية متوسطة في كل حاجة و تعيش معاك لدرجة انك ممكن تشتغل فيها بايديك يبقي ياباني

و انا عن نفسي حتي لو الميزانية اوبن بوفيه هختار برده الياباني و اتمني اضم ضمن اختيارتي عربيات مصري صناعة 100%
و اتمني ان الصناعة المصرية في السيارات تتطور و خاصة التكنولوجيا و التصميم و نشوف عربيات مصرية 100% لأن الصناعة المصرية لما بتطلع حاجات نضيفة مفيش حاجة بتتفوق عليها