كوري - ياباني-الماني

**oshy** · 18-08-2012 07:56 AM

ياباني سوبارو امبريزا wrx sti

**AlGazar2** · 11-01-2013 09:31 PM

سوبارو بلا منازع

**fisha** · 11-01-2013 10:10 PM

المانى

فخامة
جودة

**salah_86** · 11-01-2013 11:40 PM

يابانى
ودى اكتر العربيات اللى ارتحت فيها كان معايا اوكتافيا a4
بعتها وجبت لانسر زيرو لانى مقدرتش على مصاريفها واعطالها كانت معقدة
وزاد عدم حبى للسيارات الالمانية بسبب كلام استاذ تيتو علشان موضوع الصهاينة
لان دا برضة موضوع بتاعنا مين ال انه مش بتاعنا

**start_wow** · 12-01-2013 01:13 AM

اعتقد المقارنة هنا متوقف عليها احتمالات كتير..بس يمكن من اهمها انه العربية لازم يكون متوفر قطع غيارها بصورة كبيرة وتكون حنينة في اسعار قطع الغيار بسبب طبيعة الشوارع والمطبات اللي بنحتك بيها باستمرار بالاضافة الي الخبطات وترييح العربيات علي بعض ولو واحد ماشي في الشارع معاه مسمار يحك في عربية او مثلا زي ما انا كنت راكن و والله علي جنب وبقية الشارع فاضي ونزلت لقيت الاكصدام مخبوط والفانوس اللي ورا شمال مكسور وبقايا لون بوية زرقاء علي العربية..يكون الياباني والكوري ليه الافضلية بسبب توافر ورخص قطع الغيار بالاضافة الي سهولة اعادة البيع في اي وقت وماسك سعر معقول..

**abogharib** · 12-01-2013 01:33 AM

المانى طبعا بلا مناااازع
راحه و فخامه و ركوبه و برستيج

**SAMEH_FOUAD** · 12-01-2013 09:14 AM

يابانى طبعا , لانى عندى مبدأ واحد الالمانى عشان تركبة هنا فى مصر صعب جدا

اولا هتركب عربية تجميع مصرى غير التقفيل الالمانى نهائى

العربية قطع غيارها نار بمعنى الكلمة

العربية ماتورها عشان يمشى مع قوانين بلدنا بيكون 1600 سى سى او 1400 مشحون جبريا , يبقى انت فى الاول بقى معاك عربية محركها ضعيف واى عربية 1600 يابانى او كورى هتعلم عليك تعليم السنين , ولو عايز تركب التيربو الحكومة مش سايباك عشان ساعتها هتمونلها بنزين 95 كشرط اساسى , يبقى كدة الالمانى فقد اعتماديتة

وكل الناس عارفة ان الالمانى ( تكييفة مش قوى - مابيستحملش الحرارة - عفشتة ناشفة بسبب حجم الجنوط - ضيق مش واسع مقارنة بالسيارات اليابانية والكورية - غير موفر فى البنزين )

يعنى من الاخر اللى عايز يركب المانى يركبة يأما 2500 سى سى وانت طالع , ومايركبوش هنا فى مصر يركبة برة هيتمتع بية جدا وساعتها يبقى فعلا الالمانى اصح اختيار