انا صوتت على اول اختيار الاكسنت rb أفضلهم (مقابل السعر) حاجة كده خرافة فعلا
Accent RB Highline GLS - 116.900
KIA Cerato EX - 117.900
Mazda 3 F/O Auto 128.900 - OVER BUDGET
Wait For Elantra 2012
Other car (Please specify
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
السلام عليكم
انا مش مصدق نفسي بصراحة اني بفتح موضوع في قسم المقارنات بس الحمد الله اتيحت لية فرصة اني اشتري عربية بالتقسيط و طبعا لما عرفت اني الحد الاقصى للتمويل حيكون 120 -125 الف .. قلت ياسلام ! دي بقى مش زي سنة 2006 لما كان اخري 70 و مش عارف اشتري حاجة ! دي الفئة السعرية الي مليلانة عربيات جميلة و بمنهى السهولة حشتري .....
ايه ده !
دي بيبقولوا عليها قطع غيارها غالية جداد !
ايه دي غليت !
ايه ده دي توكيلها اي كلام !
ايه ده دي عفشتها ناشفة جدا !
ايه ده ايه ده دي ضيقة جدا !
المحصلة النهائية .. نفس الحيرة :) وان كان الناتج افضل في الاخر باذن الله ... بس كنت فاكر اني حقرر نوع السيارة في وقت اقل من وقت حلاقة الذقن !
بس طلعت غلطان!
كقاية رغي :)
التفاصيل :
عايز سيارة فيها الامكانيات الاتية ( اي حاجة زيادة يبقى فل و 100% تعظيم سلام ) :
- 90 حصان ( ان شاءالله لو 1000 سي سي .. بس تطلع 90 حصان )
- اوتوماتيك اوتوماتيك اوتوماتيك اوتوماتيك اوتوماتيك ( اي نوع ... اوتوماتيك عادي - زوزو ماتيك - سوسو ماتيك ... اي ماتيك )
- عشفة متوسطة ( حاجة تجمع بين ثبات السيارة الجيد مش رياضي يعني و راحة داخلية )
- صوت محرك واطي ( انا بعيط من كتر ما بسمع صريخ محرك سيارتي الحالية )
- ضمان محترم ( 3 سنين على الاقل ) ( ببصلكوا تاني يا اوماترا ها !! )
- للاسف كنت بفضل انها تبقى هاتشباك بس كدة حقلل الاختيارات جدا ... فاي حاجة تمشي بس لو هاتشباك ححبكم اكتر :)
- الكماليات الاساسية بالنسبة لي : زجاج كهرباء " امامي و خلفي " ( ايوا ببصلك يا اوماترا و بقولها بصوت عالي )
ABS-EBD اساسي ! ( غبور باشا ؟ عامل ايه :) )
ِAirbag واحدة على الاقل ( المهم السواق سيبك من الي حواليه )
كاسيت بيه USB او AUX او يفضل IPOD
ريموت اصلي ( مفتاح )
بس كدة مش محتاج اكتر من كدة بس لو سيدان يبقى ياسلام لو في PARKING SENSORS علشان اخوكم بيركن الهاتشباك الحالية عن طريق الزجاج الخلفي ... لما الاقيه كبس على السيارة الي وراه يبقى كدة 100% واقف LOL
----------------------
تكمن المشكلة بقى في اني شخصيا ... مش فارق معايا ماركة العربية ... يعني هيونداي ولا حتى فولكسفاجن ! انا عايز عربية على اد فلوسي و امكانياتي و متقرفنيش و انبسط برده و ابقى مبسوط و الحمد الله اني اشتريت حاجة محترمة ..
انا مش من الناس الي بتمشي ورا الماركات وخلاص و مخي متفتح تماما لاي ماركة ...
انا موضوعي جدا ! و بحب الاراء المخالفة ( طبعا لانها كلها غلط وراي انا الصح ) فحسهل عليكم المهمة و حستبعد العربيات الي انا كارهها ( وجها لله ... لسبب وجيه ... غتاتة .... سموا الي تسموه )
القائمة السوداء ( سيارات لا يعيبها عامة حاجة جوهرية ولكني لن اشتريها ) :
- نيسان صني يجميع انواعها ! (كدة ! من غير ليه )
-هيونداي الانترا ( الشكل الحالي - شكلها عك و في شكل جديد نازل جميل )
- هيونداي نيو اكسنت ( مش ال RB ... الي قبلها - في شكل جديد نزل )
- لانسر ... ( ولا مكوة ولا بوما ولا قرش و لا قرد - كدة ! من غير ليه )
- اوبترا ( كدة ... مش عارف ... كدة وخلاص ! )
- اي سيارة فرنسية ( رينو - ستروين - بيجو ) ( هما عارفين ليه ! )
- اي سيارة صينية ( مش لسبب معين بس طلاما في امكانية لسيارة اغلى يبقى مش ححتاج حاجة صيني )
نرجع تاني ... انا معنديش عقد من احجام العربيات ... مش لازم اركب اوتبيس نهري علشان احس اني جبت عربية بتمنها ولا حاجة ! بالعكس تماما ! اركب عربية على حجمي و حجمي عائلتي و احتياجاتي انسب الف مرة ماركب فيل ب 4 عجلات و اصرف اد كدة على الفاضي و كلها 5 سنين و شكلها يقدم و تترمي !
فالمقارنة مش حتبقى عادلة من ناحية الفئة ... انا ححط الاختيارات المتاحة و المحببة بالنسبي لي في صورة شبه نهائية و انتم احبائي ... توصولني شوية شوية للاختيار النهائي !
وطبعا كل واحد وافق على العربية النهائية ليه عندي حلاوة !
:الي انا اختارتهم في النهاية في فروقات جوهرية بينهم و فيه واحدة اي حد حيشوف الموضوع حيشاور عليها على طول !!! و يقولي ازاي ياراجل تحط دي مع دي ! و طبعا ليه وجهة نظر ... بس الاختيرا السهل ده ... اكتر واحد مكلف سعرا و كمان في قطع الغيار على مدى تقسيط مدته 5 سنين ... فهل ممكن تحسبها تاني ؟ هل تستحق ؟
اختيارتي الاخيرة هي :
- هيونداي اكسنت RB HIGHLINE GLS
دي غير الHIGHLINE العادية و فيها الاتي :
1600 اوتو - زجاج - مرايات - FogLights - ريموت - سنتر - باور
2 ايرباج - ABS/EBD - Keyless Entry - Start/Stop Engine
Bluetooth - Multi-function - كراسي جلد - MP3/USB/CD/AUX
Parking Sensor + Camera - تكييف ديجيتال
جنوط 16 سبور !
طبعا كمية كماليات عمرنا مشفناها في سيارة هيونداي في مصر .. لكن كل الكماليات دي ب 116 الف جنيه ! مبلغ مش هين خالص يعني !
مزايا : شكلها بصراحة بالنسبة لي مبهر جدا ! جدا ! جدا ! كماليات مش موجودة في عربيات اوروبي اكبر و اغلى !
جودة واعتمادية هيونداي ارتفعت كثيرة في السنين الماضية
عيوب : تمنها ... اي نعم مازالت ارخص من كل منافستها الاوروبية و اليابانية .. ولكن مازالت برده مش رخيصة , و طبعا جديدة لسة مجربتش اوي .
KIA CERATO EX
معرفش كمالياتها كاملة بس متاكد انها اقل من الاكسنت الي فوقيها بس طبعا اكبر مساحة في الوسع و العرض و كل حاجة و نفس المحرك بس بفتيس 6 سرعات
سعرها 117.900 ( توكيل .. مش بحب الخليجي )
مزايا : اوسع و اكبر من الاكسنت اكيد .. ضمان ممتاز و توكيل جيد و شكلها جميل برده حتى لو انتشرت اوي :) كماليات لا باس بها.
عيوب : مفيهاش ABS ودي مشكلة .. مسمعتش حد معاه العربية بيتشكي من حاجة .. غير العفشة .. يعني كله بيقولي عربية ممتازة و جميلة او حتى جيدة و متوسطة .. بس تيجي موضوع العفشة والاقي كله بيتفق انها متعبة جدا !
Mazda 3 F/O Auto
دي العربية الي قلت انكم كلكم حتاشروا وتقوليلي هي دي هي دي ! ازاي اقارن سيراتو و اكسنت بمازدا ياباني ! طبعا كلها وجهات نظر سليمة 100% و انا معاكم ..بس ممكن نبص على المازدا 3 الي قبلها ؟
غبور عامل على دي عرض الاوتوماتيك موديل 2010 بس ب 128.900
دي مواصفاتها ايه ياعم ؟
1600 اوتو - زجاج - مرايات - باور - سنتر - ِABS/EBD - foglights
USB/Mp3 CD - 1 Airbag
طبعا كماليات متواضعة الى حد ما بس بسعر و عربية ممتازة الى حد كبير .. بس دي كدة اصلا برة السعر المقترح و ممكن اتبهدل شوية واجيبها ..
بس لو حاخد الموديل الي قبله كمقياس ... انا شفت ناس بتحاول تركب قطع غيار عربيات تانية علشان مش لاقي قطه غيار لعربيته !
شفت ناس بتحاول تخلص منها (الخليجي بالذات ) باسعار هلامية ! يعني ال AERO الي كانت اعلى فئة ب 140 الف ولا 150 .. شفتها بتتباع ب 90 ! و هي عاملة مثلا 30 الف !
ليه ؟ الله اعلم ..
مسالتش على قطع الغيار بس غبور هو وكيلها بدره .. و بصراحة متوقع جدا انها تبقى ارقام فلكية ! و انا حبقى بقسط لمدة 5 سنين و مش حقدر ادفع المبالغ دي في الصيانة مثلا .. و مش عايز اهمل العربية او اطلعها برة التوكيل !
------------
الاختيار الاخير :
Elantra 2012
انتظار نزول الانترا الجديدة .. لو اني مش متفائل نهائيا ... اذا كان الاكسنت الكاملة ب 116 الف .... اعتقد بدون مبالغة الانترا الكاملة او الشبه كاملة حتى مش حتقل عن 130- 135 كمان .. بس ممكن نشوفها برده ساعتها ونحكم .
-------------
ايه رايكم , رغيت كتير اوي انا اسف ...
بس في عربيات استبعدت من الموضوع مع انها ممتازة ...مثل مثلا : السيات ابيزا .. العربية تحفة فنية فعلا .. بس حرام ادفع 126 الف جنيه في عربية و تابلوها مش ظريف خالص و نازلة بطاسات ! يبقى المازدا 3 اولى !
فيات بونتو ايفو .. والله اشيك عربية في دول من راي ... بس 77 حصان ب 121 الف جنيه ؟ من امواطرة ؟ لا شكر ا !
سكودا فابيا اوتو مش سبورت - 124 الف .. سالت على قطع غيارها ... ومشيت من غير مارد السلام حتى :)
فورد فيستا كانت معشوقتي .. قبل ماتبقى ب 135 الف جنيه
شيفورليه كروز ... اول فئة اوتوماتيك ب 131 الف و فاضية و من توكيل اي كلام !
رقم العضوية : 12740
تاريخ التسجيل : 11Jun2008
المشاركات : 7,226
النوع : ذكر
الاقامة : EL Haram
السيارة: Lanos & 308
السيارة[2]: punto
دراجة بخارية: no
الحالة :
انا صوتت على اول اختيار الاكسنت rb أفضلهم (مقابل السعر) حاجة كده خرافة فعلا
[marq="3;right;3;scroll"](●̪•) H∂$$αற (•̪●)[/marq]
[img2]http://img687.imageshack.us/img687/6783/carcovercls.jpg[/img2]
رقم العضوية : 8928
تاريخ التسجيل : 14Apr2008
المشاركات : 1,571
النوع : ذكر
الاقامة : Haram
السيارة: None
السيارة[2]: Chevrolet Optra 08
الحالة :
انا صوتت كمان للأكسينت الآر بي
بصراحه هتآخد اوبشن و اداء كويس
ده غير ان سعر اعادة البيع بتاعها في مصر هيبقي كويس
و اعتمادية هيونداي ممتازه في السنين اللي فاتت بصراحه
و نصيحه,,,,,, ماتجيبش عربيه فاضيه او الأوبشنز بتاعتها قليل
لأنك شويه و هتزهق منها
و اختياري الثاني كان هيبقي المازدا
و اختياري الثالث كان هيبقي السيراتو لو كان فيها abs
و ربنا يوفقك للي فيه الخير
تقبل تحياتي,,,
رقم العضوية : 64823
تاريخ التسجيل : 11Mar2010
المشاركات : 189
النوع : ذكر
الاقامة : Egypt -Cairo
السيارة: Nothing yet
السيارة[2]: Opel Corsa 2005
دراجة بخارية: NO
الحالة :
انا زيك فى نفس الحيرة وحاطط فى إختياراتى زيادة عنك
برسونا إليجانزا
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
رغم انك مش حاططها في الاختيارات بس انا حاسس انك بتتكلم على الجين 2
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
اعتمادية هيونداى وكيا وتوفر قطع الغيار وسعر اعادة البيع
وكمية الكماليات والشكل الجميل وكله فى رينج البادجيت المتاحة
بيضغط بقوة على الاختيارين دول - بس اللى ان مستغرب له ليه السيراتو مفهاش abs ؟؟؟؟
ده فى حدود الاختيارات المتاحة فى الاستطلاع
لو خرجنا برة الاختيارات دي وبرضه فى رينج البادجيت المتاحة
ممكن تبص على الصنى لو شكلها العواجيزى القديم هتتغاضى عنه
بس الكماليات فى السوبر صالون هتعجبك مع سعر منافس وهى عربية
اعتماديتها عالية وتوكيلها يعتبر كويس ....
كمان فيه i30 بس الحقيقة مش عارف سعرها ايه حاليا بس فيها كل اللى بتدور عليه
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 25055
تاريخ التسجيل : 13Nov2008
المشاركات : 2,859
النوع : ذكر
الاقامة : Nasr City
السيارة: Quadrifoglio Verde
السيارة[2]: Fiat Bravo T-Jet 09
دراجة بخارية: .
الحالة :
طبعا انت عارف انا اخترت أيه؟؟! مازدا3 وششششششش...!
كفاااااااااايه الـSharp Handling والثبات والـHigher-Edge بتاع شاسيه الفورد فوكس..!
يعنى من الآخر عفشة Multi-Link وعربية مش long أوى اقرب ما تكون للهاتش (زى مانت عايز).. Style جاااامد وموتور وجير معقولين جدا..!
- اكسنت RB: أنا مادفعش 116 ألف فـ هيونداى و اكسنت ولا حتى 100 ألف ولا 80 كماااااان.. وماشوفتش يعنى أى Airbags فـ الأوبشن (ههههههههههههه: أوبشن.. ههههههه)
وبعدين ABS فـ هيونداى؟؟!! طب وراكب على نفس الفرامل التعبانة؟؟! ما هو مش هيجيبوا يعنى Bosch ABS 8.2 الجيل الأخير يركبوه على اكسنت؟؟!!!
طبعا مش محتاج اتكلم عـ الصاج الكرتون+ ثبات البالونة + البلاستيك الرخيص من جوه (أسأل يوكو لما شفناها فـ المعرض) = هيونداى.. e Respect
أنا مش قادر اتخيل موتور سيراتو 124 حصان على عربية وزنها طن (1050 كجم), هتبقى عاملة ازاااااااى؟؟!! >>> another فيرنا؟؟!
طبعا رأيى فـ باقى العربيات أنت عارفه..!
وشكرا انك ماحطيتش الأيطالى والألمانى فـ الـBlack-List .. ههههههههههه
بس برضه الفرنساوى مفروض مكانش يتـblack ..! ليــــــــــــــــــه يا مان؟؟ طب الميجانIII حتى..!
رقم العضوية : 45070
تاريخ التسجيل : 18Aug2009
المشاركات : 93
النوع : ذكر
الاقامة : Cairo
السيارة: Gen 2 2017 ISA
السيارة[2]: Gen 2 2011 ISA
دراجة بخارية: دراجة نارية
الحالة :
gen 2
CominG SooN Gen 2 2011 ISA
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
الف شكر يا حسام باشا .
الف شكر يا استاذ محمد وبرده موضوع الكماليات ده فعلا انا متعقد منه حاليا
انا بصراحة شلت البروتون ( الجين 2 و البرسونا ) من الحسابات مع اني بحب شكلهم .. بس حاسس ان بروتون عمالة (اللفظ بالعربي مش حلو ) تــ MILK في تصميم قديم شكلا و موضوعا احين انتاج شاسيه و محرك جديد لجيل جديد كليا من بروتون مثلا الكونسبت الي عرضوه مؤخرا .
يعني حاسس اني راكب عربية موديل 2004 معدلة بشوية حاجات علشان " تمشي " في 2011 ... ده غير عيوب الصناعة البسيطة الي بسمعها من الاخوة بصراحة ممكن تقفلني من العربية لو حصلي حاجة حتى لو هايفة ...
انا لما اشتريت الباليو ... درج الطفاية كان بيعلق و ديتها للمعرض قلتله مش عايزها :) متخيل ؟ :P
الف شكر ليك يا باشا .. بص الجين 2 لا يعيبها شيء بس نفس ردي برده على الاخ mshaheen
الف شكر يا استاذ احمد .
والله المشكلة في الصني مشكلة تصميمة بحتة ... انا محددتش الموضوع في متطلباتي صحيح .. بس مثلا انا شخصيا في 2006 كنت شايف ان عربيتي الحالية (الباليو ) شكلها افضل من الفرنا بكتيير ! من جوة و من برة ! رغم ان الفرنا ساعتها كانت الاختيار الانسب و الاوقع و اعقتد كانت حتبقى الاقل تكلفة و " تعب و قرف " ليومي هذا بس فضلت التانية علشان شكلها افضل .
مش عايز اغلط نفس الغلطة دي صحيح المرة دي .. بس لا مانع اني برده لما ابص على العربية ابقى سعيد بشكلها و اني اشتريتها .. بصراحة حاجة لا تتوفر في الصني ( على الصعيد الشخصي ) كل مابصلها احس اني اشتريتها علشان انها ارخص وبس .. انما مش احلى من اي حاجة نهائيا ... حتى مع تفوقها في موضوع الاعتمادية و قطع الغيار
ال i30 على فكرة كانت اختياري من زمان جدا ... يعني انا كنت ناوي باذن الله اني لو اشتريت عربية جديدة او حتى مستعملة حتكون i30 . لانها اقرب حاجة في السيارات الاسيوية للهاتشباك الاوروبي الي كان نفسي اجربه على حقيقيته مش العينة المجانية الي انا جبتها :P
لكن للاسف غبور مبهدلها معاه تماما ...والاوتوماتيك بدون اي مواصفات امان ب 131 الف ! ده غير ان هيونداي بتستعد لطرح شكل جديد كليا منها اخر السنة دي .
حلو انا معاك في كل كلامك يا باشا ... وانا مقر من الاول ان المازدا 3 افضل كسيارة ... و لكن ...هل هي افضل اقتصاديا ؟ على المدى القصير ( سعرها المبدئي ) - و على المدى البعيد ( صيانة و قطع غيار و اعادة بيع ) ؟
يعني لولا انها موديل 2010 و غبور بيصفيها تقريبا كانت بفت ب 140 مثلا ولاحاجة ...
انا حسال كمان على قطع غيارها في غبور .. علشان تبقى الصورة واضحة .. لو قريبة من اسعار السيفيك الي فاكرة نفسها مرسيديس :) حودعها بجدارة !
والي يقولي انها مش حتحتاج قطع غيار او حاجة في الاول ... اوقله انت متعرفنيش :)
انا اشتريت عربية الساعة 12 ... الساعة 1 كنت عايز فانوس و رفرف و شبكة و اكصدام اماي :) ( طبعا الحوادث لا قدر الله ملناش دخل فيها ) بس منا ممكن برده بالمبلغ ده اشتري BMW 316 موديل 2005 !
و هي افضل من كل دول في كل شيء اكييييييييييييييييييييييد :)
بس هلى حقدر احافظ عليها و اصونها و انا بدفع على الاقل 2000 جنيه في الشهر قسط لها لمدة 5 سنوات ؟؟؟
ده غير اني متضايق اوي من الكماليات .. ماشي معاك حق ال ABS والAIRBAGS مش كماليات .. دي اساسيات و موجودة فيها فعلا .. بس هل يعقل اني اشتري عربية من ماركة محترمة مثل مازدا و بثمن مش قليل اوي يعني 130 الف جنيه تقريبا ... و ابقى ركابها ب" طاسات " ؟ :)
هنا مربط الفرس ...
اشتري عربية جيدة جدا من ماركة عريقة مثل مازدا بكماليات قليلة نسبيا و قطع غيار و صيانة غالية و سعر اعادة بيع سيء ؟
ولا اشتري عربية اصغر نسبيا و اقل كسيارة و لكن بكماليات عالية تغنيك عن بعض الاشياء مثل الخامات و المساحة و لكن اقدر اصرف عليها و اصونها و مش حخسر ان شاء الله لو قررت اني ابيعها ؟؟
يعني بلغتك انت يا FORMULATOR بلاش هيونداي خالص
لو معاك 130 الف جنيه ....
تركب مثلا ... بونتو ايفو PKG2 MULTIAIR 140 حصان (مثلا )
ولو اول فئة في البرافو ( 90 حصان بدون كاسيت ) ب 127 مثلا ؟؟
مع احترام الماركات و المصنعين ... انا بتكلم كمبدأ !
شكرا يا باشا و ياريت تقرى ردي فوق بخصوص بروتون.
رقم العضوية : 25055
تاريخ التسجيل : 13Nov2008
المشاركات : 2,859
النوع : ذكر
الاقامة : Nasr City
السيارة: Quadrifoglio Verde
السيارة[2]: Fiat Bravo T-Jet 09
دراجة بخارية: .
الحالة :
أنا فعلا حصل معايا حاجة زى كده... بس أنا فضلت الأساسيات على الـOptions (الى حد ما)..!
أنا كنت رايح أوماترا فرع يوسف عباس أدفع اللى معايا.. ورحت 100 مرة عشان الجراند بونتو مكنتش ببص للبرافو دى خااااااااااااالص
ودافع الفلوس تحت حجز جراند بونتو كاملة بـ 110 ألف تقريبا..
بس لما فكرت بطريقة practical (وأنت عارف ظروفى).. لقيت البرافو Dynamic T-JET Pkg4 أفضل من جراند بونتو Fire ولو حتى Pkg6 دا بالنسبة لى..؟!
يعنى من الآخر.. أنا اتنازلت عن بلوتوث, فميه, تكييف تاتش وحاجات زى كده فـ الجراند.. مقابل حجم وموتور وفتيس فـ برافو فيها جنوط+فوجات بس..!
أنت عااااااااااااااايز أيه يامان, لااااااااااااااازم تحدد وتضيق دايرة الأختيارات..؟؟!!
المفضلات