الموضوع: دليلك ما بعد الشراء (كل حاجة تهمك بعد الشراء)

المشاركة الأصلية كتبت بواسطة bido600

دكتور مصطفي
جزانا الله واياكم
يا فندم ان شاء الله هنزل بالباقي
حضرتك بس تؤمر واحنا ننفذ :f_eyeb1[1]:

ربنا يكرمك ويبارك فيك ... منتظرين على أحر من الجمر :)

بسم الله الرحمن الرحيم
نرجع نكمل تاني
بس احب الاول اشكر اخي العزيز عبدالرحمن Joacky
والاخوة الاعضاء في قسم الاجتماعي
علي مساعدتهم

تانك البنزين

تانك البنزين لو مش نضيف ومليان صدي هياثر علي حجات كتير قوي
سحب البيك
البيك هيفصل كل شوية عشان التنك بيتسد
ممكن لاقدر الله يتلف طرمبة البنزين
هنخش في مشاكل في الكاربراتير او الانجيكشن
طيب ازاي نتفادي كل دا
اننا ننضف تانك البنزين
طيب ازاي؟
هنفك التنك من المسمارين اللي ماسكينة (اللي تحت الكرسي واللي عند الجادون )
هنرفع التانك براحة جدا
هنقفل الحنفية عشان منغرقش الدنيا
هنفك الخراطيم ونصفي البنزين
بعد كدة هنغسل التنك كويس جدا بالمياه عشان ننزل كتل الصدا او التراب
_____________________
في ناس تقول اغسل بالخل - كويس وكل حاجة بس بياخد وقت
___________________
في طريقة تانية ومجربة مني شخصيا الا وهيا
electrolysis rust removal
حقا انها لسحر
____________________
المقادير
1- نص كيلو كاربوناتو (باي كاربونات الصوديوم ) من عند العطار ب5 جنية
2- مياه كتير
3- بطارية البيك او العربية او اي مصدر 12v

نيجي للجد
هتملي التانك بالمياه وتحط ربع كيلو من الكاربوناتو (بودرة بيضاء )
وهنحط الطرف السالب من البطارية في اي جنة برة التانك (تلمس التانك)
الطرف الموجب هنربطة في اي مفك او مفتاح وننزلة جو التانك ويبقي متشعلق
(تحذير اوعي تخلية يلمس اي حديد يكون لامس المياه بس)
هنلاحظ ان حوالين المفتاح او المفك بقاليل مياه
يبقي انت كدة ماشي صح
احب انوه انك تعمل العملية دي بليل احسن والصبح اتفرج علي النتيجة
هتلاقي المياه لونها اتحول من الصافي اللي لون الصدا
صفي المياه وهات شوية رمل بتاع حوض السمك او مسامير او اي حاجة خشنة
وارميهم جوا التنك ورج كويس
واغسل التنك واتفرج علي لمعة اللون الرصاصي مرة اخري جوا التنك
بعد كدة هنجيب زجاجة خل عادية من اي مكان
ونغسل بيها التنك من جوة
وبعد كدة شوية بنزين ونغسل بيهم الخل
ونركب التنك مرة اخري
_____________
الطريقة مجربة وفعالة وعلي ضمانتي
انزلكم شوية صور علي العملية دي وانا بنضف التنك

نقفل الحنفية

نفضي التنك من النزين
ودا طبعا الينزين اللي نزل
الله يرحمة كان 92 لونة اخضر :D

ودا اللي نزل بعد رابع مرة اغسل التنك بالمياه

معلش علي المنظر دا
بس دا المفروض اثناء العملية :D

دا اول ما حاطيت المفاتح كانت المياه لونها كدة

بعد 10 دقائق من العملية

إيه الجمال ده ... شكرا جزيلا على تعبك ومجهودك ووقتك ... ولسه منتظرين الباقي عشان بجد الواحد ما شافش كده في أي مكان تاني أبدا ...

أرفع لك قبعتي إحتراما وتبجيلا :)

المشاركة الأصلية كتبت بواسطة Dr.Mostafa Anwar

إيه الجمال ده ... شكرا جزيلا على تعبك ومجهودك ووقتك ... ولسه منتظرين الباقي عشان بجد الواحد ما شافش كده في أي مكان تاني أبدا ...

أرفع لك قبعتي إحتراما وتبجيلا :)

ربنا يخليك يا دكتور احمد
دايما حضرتك بتحرجني بزوق معاليك والله
وحقا عجزت كلماتي عن شكر معاليك علي هذه الروح الطيبة
وهذا شرف ليا ووسام ان المضوع يعجب حضرتك والله
وان شاء الله يا فندم الباقي هينزل
بس اللي ماخرني حكاية الصور

يا بيدوو بيك أنتا معلمة

المشاركة الأصلية كتبت بواسطة joacky

يا بيدوو بيك أنتا معلمة

يا عبده بيك ربنا يخليك
بعد اللي شوفناه انا وانت النهاردة