الموضوع: أسئلة أتمنى أن أجد لها إجابة

متابع وربنا يوفقك

المشاركة الأصلية كتبت بواسطة sgdlhk

السلام عليكم جميًعا:
عندي كام سؤال:
1- سعر الرداتير كام ومنين؟ (لأني الفتحة اللي بيمسك فيها الخرطوم فكت وعملتها بلصق بعد ما كانت الميه كلها اتسربت والعربي سخت، واللي شفها قالي عيزة تغير رداتير، وواحد تاني قالي هفك الوش والفوانيس وأطلع الرداتير واخطلك ماسورة نحاس وألحمها على البارد فقلقت )..
معلش مش فاهم النقطه دي
قصدك علي الفبره البلاستيك اعلي الردياتير
لو دي اتكسرت الفبره بتتغير بدون تغيير الرديايتر كله وسعرها 90 جنيه
والردياتير علي بعضه الاماراتي سعره 350 جنيه
2- ما هي أعراض تغيير تيل الفرامل؟ بسمع صوت تزييق خفيف كده قبل ما توقف، وحاسس إنها ضعفت شويه.
في لمبه بيان في التابلوه بتنور لو التيل وصل للاخر
والتزييق ممكن يكون بسبب عدم نضافه الطنبير ومحتاجه تتغسل بماء وصابون
3- منين أشتري علبة شكمان أمامية وبكام؟ علبة الشكمان الأمامية كانت اتشرخت (اللحام فك)، رحت لحمته بس برده صوتها مش زي الأول.
سعرها حوالي 200 جنيه ويفضل تروح لابو اليزيد في الملك الصالح افضل
4- مقياس زيت الماتور في اخره جزء بلستك أصفر، وأنا بغير زيت لقتها مكسورة وباقي القطعة مش موجود، يعني ممكن يكون نزل في مكان الزيت، فهل ده فيه خطورة على العربية؟ أنا ماشي بيها بقالي فترة ومافيهاش مشاكل.
ماظنش انها تعمل مشاكل لان الطرمبه بتاعت الزيت ليها مصفي واديد نزلت مع غيارات الزيت لان البلاستيك خفيف وبيعوم يعني مش راقده في الكرتيره
5- كشفت على المساعدين وكله تمام والحمد لله، بس المساعد يمين أمامي لو أخدت مطب بسرعة شويه بسمعه كأن بيطق. انا سمعت كلمة بطاحات دي ليها علاقة؟؟ ولا ممكن يكون أيه.
دي خلي عفشجي يبص عليها

6- صوت كمبروسور التكييف عالي حبتين وبيعلى مع الأر بي إم، غير الأول، بس شغال تمام، ده عادي ولا باين عليه هيبوظ قريب؟
فعلا صوته عالي والكباس للعلم ساندن يعني حاجه محترمه
7- فيه صوت حكه كده بيظهر لحظة تشغيل العربية ولما رحت للتوكيل قالي دي طرمبة الميه وكان عايز يغيرهالي وقالي إنه علشان تتغير لازم تفك الكتينة ولو اتفكت لازم تغير كل حاجة معاه وكان عايز بتاع 1400 جنيه، بس الحمد لله مكنتش عنده فمغيرش ولا فك حاجة والحمد لله مافيشها مشاكل غير الحكه دي اللي بتظهر وقت التشغيل فقط لا غير، وغالبًا العربية مش بتتحرك غير مرة أو مرتين كل أسبوع. فيه حد حصل ده عنده قبل كده؟
مامرتش بيها مش هاقدر اجاوبك لكن الطرمبه الواجب انها تتغير طبيعي علي ال 100000 كيلو حتي لو سليمه لانك ماتضمنش

8- الدركسيون بيتحرك مع المطابات يمين وشمال على السرعات البطيئة، هل ده عادي ولا في حاجة بيظة؟
عندي نفس الكلام
9- العربية بتجيب سرعة الـ 100 والأر بي إم على 3200 لفة تقريبًا. هل ده كويس ولا فيه حاجة غلط؟
علي غيار 3ولا 4 لو علي الرابع طبيعي
ال 3 عندي علي 4000 ار بي ام بيجيب 90 كيلو

أخر سؤال بقه، بفكر أبيعه وأغير للـ m11، بس متردد، هل الفرق في الفلوس والمبلغ اللي هدفعه يستهال؟ مش عارف
ال ام 11 اكثر شباب من ال 516 وتصميمها افضل
جزى الله خيرًا كل مجيب.

واياك
انا كنت غيرت لون الخط في الرد ومش عارف هايظهر ولا لاء